|
زواج ابوي المسيار وتعب امي
ابيكم تساعدوني انا عارفه اني غلطانه بدخل في الموضوع على الطول
ابوي الله يسلمه نتفرج على جواله عادي ماعنده مشكله بعد ما ابوي عرف للجوال زين والبرامج اللي فيه زين تغيررررر على امي كثير لما نتجمع ما يجلس معنا ولا نشوف لو ابتسامه جالس لحاله في غرفه امي بنفسها قالت لي ابوي ماادري وش فيه يكره الجلسه معي واشياء كثيره قالت لي عنها المهم رحت انا فتحت جوال ابوي وفتحت الواتس اب لقيت محادثه انصدمت بكيت ابوي متزوج مسيار رحت ركض لامي وقلت له الموضوع وياليتني ما قلت لها استعجلت امي ساكته طول الوقت جلست ابكي عند امي وامي كانت ساكته مصدووووومه امي فتحت الموضوع لابوي في البدايه ابوي حلف وبعدين مع ضغط امي قال الصدق المشكله هنا ابوي منطش امي امي ارتفع معها الضغط وصار ينزف خشمها حابسه نفسها بالغرفه تهوجس وتفكر رحت عندها بس ما امداني اتكلم الا قالت هذي جزاي جلست وتحملت فقرك وحرمت نفسي من كل شي من سفر وذهب وطلعات عشانك وهذا جزاي نقلت معك ديره مو ديرتي لااهلي ولا جماعتي فيها كاني مقطوعه من شجره محبوسه اشوف خاطرك اعطيك راتبي كله عشان تسدد ديونك وكلااااااااااااااااااااام كثيرررررررر انا بس ابكي عليها ياليتني ما تكلمت امي مقهور كان يواعده باشياء جدددد امي محررررررومه من كل شي بعد ما تحسنت حالتنا الماديه تغير على امي ابوي طلق الحرمه بس بعد ايش ياربي رحمتك امي مررررررره تعبانه وش اسوي انا السببب وش اسوي عطوني حل الله لا يحرمكم الجنه ا |
رد: زواج ابوي المسيار وتعب امي
خيره بإذن الله ..
الله يربط على قلب اميمتك .. مافيه افضل من الفزع للصلاة والدعاء .. وياليت بعمره لمكه .. تبعدها عن جو الحزن .. والصدمه . |
رد: زواج ابوي المسيار وتعب امي
السلام عليكم ورحمة الله وبركاته..
إذا تستطيعي الجلوس معها اجلسي لا تتركيها والحمد لله خرجت هذا الدم ولأنه من ارتفاع الضغط ولو حبس في الداخل سيسؤء الوضع، الحمد لله خرج.. وراقبي ضغطها وأعطيها مشروبات مهدئة مثل الزهورات، النعناع.. وكلمي الوالد يكون بقربها لا يتركها في هذه الحالة.. واضبطي أعصابك مرة ثانية إلا الوالدة انتبهي عليها.. الله يربط على قلبها ولا تنام وهي زعلانة. دعواتي لها. |
رد: زواج ابوي المسيار وتعب امي
ينقل للقسم المناسب
|
رد: زواج ابوي المسيار وتعب امي
لا تندمي انك قلتي لها
لو ما قلتي كان استمر ابوكي وما قدر يطلق . صح تعبت لكن لحقت على حالها قبل ما وضع ابوكي يستفحل . وما دام طلق معناها أخذ بخاطر والدتك وتندم على جرحه لها ... يعني هو الحين أكيد يراضيها وينسيها لكن انتي الحين دورك مع الوالدة .. لما تشوفيها ريحت شوي وراح عنها التعب لازم وضروري تنبهيها تهتم بنفسه ... قولي لها صح أبوي غلطان بس برضه احنا لازم نشوف اذا عندنا غلط كمان . عشان ما يتكرر اللي صار وعشان تشجعه انه دايما ياخذ بخاطرها ويهتم لزعلها .. اذا هي حست نفسها كبرت وما عادت تهتم بنفسها فشجعيها وقولي لها ترى الشباب شباب الروح وما ينفع ندفن أنفسنا ... روحي معها السوق وخل تشتري ملابس حلوة تبين أنوثتها وجمالها .. وتهتم بشعرها وبشرتها وتغير اللوك . |
رد: زواج ابوي المسيار وتعب امي
حتى الطلاق ماحل الموضوع.
دمر انسانة ثانية مالها ذنب الا انها وثقت فيه |
رد: زواج ابوي المسيار وتعب امي
اقتباس:
متوقعتها زواجة العمر كانت ؟ |
رد: زواج ابوي المسيار وتعب امي
اقتباس:
|
رد: زواج ابوي المسيار وتعب امي
مسكينات النسوان الله يكتب اجرهن امين
|
رد: زواج ابوي المسيار وتعب امي
اولاً االله يقوم الوالده بالسلامه ويربط على قلبها ويطول بعمرها
ثانياً اختي اسمحي لي اقدر تعاطفك مع الوالده وهذا الطبيعي لكن اختي بين الزوجين مايعلم فيه الا الله من الطبيعي ان المراءه تكبر قبل الرجل فـ المراءه في الخمسين تعد كبيره واغلب النساء في هذا السن تلتفت لاولادها واتنسى نفسها وزوجها وتظن انها مجرد انها قايمه بالاولاد وبالبيت من تنظيف وطبخ الخ انها قايمه بواجبها على اكمل وجه وتنسى ان فيه رجال يطلع برى البيت ويشوف واذا فتح التلفزيون شاف بلاوي وهو رجال محترم نفسه ومحترم سنه ومايبي الحرام فـ ايش الحل خصوصاً اذا كان دخله المادي محدود فـ الطبيعي انه على طول يجي بباله المسيار فـ االوالد الله يحفظه ماراح يدور الحرام مثل كثير من الشيبان اللي نشوفهم بالخارج الرجال تزوج على سنة الله ورسوله فـ المفروض عليك الحين طالما انه طلقها المفروض مثل ماقالت الاخت تيتا انك تكلمي امك بانها تهتم بنفسها شوي عشان تقطع هالباب عليه نهائياً اما اذا استمرت على ماهي عليه راح يتزوج مره ومرتين وثلاث |
| الساعة الآن 02:52 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©