وبعدين مع الرجال
 

اخواتي الغاليات انا سبق وكتبت عن تغيير زوجي بعد ولادتي وواجهته بهذا الموضوع لكن نفى ومن عاده الرجال انه يحب يظهر بصوره الكمال قدام زوجته اللي صار الحين انه كل شي وضح لي من جميع النواحي اول شي تلفونه دايم في ايديه واذا جيت عنده سكره وكل مره نفس الطريقه مع أني طلبته اشوف وشفت بس مو مقتنعه يحاول يبعد الشك وثاني شي ووعود كاذبه اشياء واجد طلبتها ومانفذها والثالث عمره في حياته ماقال لي انا ماعندي فلوس الحين يقولها لي ومآخذ قرض مدري وين مودي فلوسه انا حاسه الفلوس عنده بس يكذب مدري ليه مدري شنو وراه. امس صار موقف انا وياه كنا بالسوق ولما وصلنا المحل اللي نبي جيت بنزل عشان نتسوق واهو دايم يتسوق معاي كان يبي يقعد بالسياره ويجلس على تلفونه بس قلت له انزل معاي وعلى بالكم بالمحل معاي انا بمكان واهو بمكان يحاول يتهرب وغير كذا لما رحت اخذ طفلي من بيت عمتي انا كنت منزلته عندهم قالي سلمي واقعدي عشر دقايق ولما نزلت وياخذ وضعيه الاسترخاء مع الابتسامه ويفتح تلفونه. واللي صار اني اخذت ولدي وجئت بسرعه أنصدم يقول لي ليه جيتي كان قعدتي قلت ليه خربنا جوك يعني فيه اشياء واجد مو مريحتني فكرت أكلم اخوه بموضوع الفلوس وتررددت الحين وش الحل معاااه مواجهته والاتركه واروح بيت اهلي اطلبه يتعدل لاني فعلا تعبت النفسيه ذبحتني.

رد: وبعدين مع الرجال
 

و ليه تدخلي اخوه بسالفتكم

للاسف انتي شاكة بزوجك يعني اي تصرف منه راح تؤوليه على اساس الشك

اذا ما عالجت هذا الامر و حطيتي ثقتك في زوجك، حياتكم راح تصير جحيم

رد: وبعدين مع الرجال
 

كل كلامك نابع من شك و انا في وجهة نظري ما الو داعي هل تهويل
عندك اشي ملموس يعني شفتي شيء واقعي
ممكن يكون عم يتصرف هيك لا يشوف مداى اهتمامك
ممكن الف حتمال
شك مش منيح يدخل بينكم
بعدين لو كلامك الي بتحكي في و احاسي انو عم يسير
بتفضلي تروحي بيت اهلك و زوجك تخليلو جو الي بتحكي عنو لو هو هيك رح ينبسط و رح تسوء الامور مش رح تنحل
استخدمي مخك و شوفي شو هتمام زوجك من غير ما يلاحظ و تصرفي بعقل مش تزيدي مشكلتك مشكلتين
بنسبي لا موضوع لفلوس تئكدي منو منيح انتي ما عندك في كلامك اتهام واضح او شيء ملموس