السلام عليكم

انا تعبت من الحياة الزوجية
يالله كيف مشاكل انا وزوجي والمشكلة اكثرها تافهه هذا اللي يقهر
انا اعصب بسرعه وهويستفزني يعني احاول امسك اعصابي بوقت المشكلة بس ما اقدر منه
امثلة على مشاكلنا:
- هو مو بخيل بس مايحب الاشياء الكاملية بعينه لكن بعيني اساسية يعني بعض ادوات التنظيف
- احس اكثرها تافهه ،يدخل فيني بكل شي
واللي يتعبني انا احسه دايم غلطان ومايحس ومايحترمني وهو نفس الشي يقول انت غلطانة وترفعين صوتك على اني ما ارفع صوتي الا اذا (طفح الكيل) يعني مثلاً ذحين قعد يتكلم كلام يرفع الضغط واسكت واقل لوسمحت جيب هالشي او لو سمحت لاتتكلم كذا واحاول امسك نفسي بعدين انفججججر عليه واتلفظ بعد يعني اسكت انقلع عني ووو احس اني زدت ذحين

هو دايم يخلي نفسه فاهم وانا لازم اسمع كلامه بكككككل شي انا انسانة ما اقدر انفذ كل شي
بكل نواحي حياتي يتدخل انا بعض الاحيان من القهر اقله مالك شغل فيني

انا مخربطة بس وربي احس المشاكل قاعدة تزداد وتزداد واحس بمراكماااااااات كثيرة افكر بالطلاق لانه مره مشااكل ماتنتهي لازم بالاسبوع كم مره وكل مره اخس من الثانية والمره بالقليل يوم نقعد متهاوشين
والله قلبي مقبوض مايحس فيني ولو ابكي من هنا لبكرة مايهتتتتم عادي عنده ويخرج ويدندن عادي زي الجدار وانا انقهرر مره ودي امسك نفسي بس ما اقدر
احس الاحترام اللي بيننا بدا يتلاشى يوم بعد يوم
ايه ويقولي انا اعتذر دايم وانتي لا
انا ما اعتذر الا اذا بدينا نتكلم ونحاول نحل المشكلة اعلمه كل اغلااااطي واعتذر بس مايشوف شي لاني يوم اغلط عليه بالمشكلة من القهر ومن حركاته
اذا وضعنا تمام مافي افضل منا
واذا تهاوشنا ما اتوقع في اخس منا
وانا الفترة الاخيرة يمكن شهر صرت ابكي بصوت عاالي مااقدر امسك نفسي وهو بدل لايهديني يهاوش بهاللحظه اكرهه
ما ادري وش فيني بس مااقدر امسك نفسي ابداً كذا لازم ابكي بصووووت عالي من القهر اتذكر كلامهوحركاته ويزداد حرقتي واقعد ابكي بصراخ ادق عليه اقله تعال بموت وربي من البكا يقول قصري صوتك ويقفل بوجهي ااهه بس
اقعد ادعي عليه وابكي اكثر
ماقد عاملني زييه وكل ماله يزداد ويزداد قسوة وانا ازداد مراكمات واتصرف بدون تفكير من التعب


ماعندي احد اشكيله بهالمشاكل التافهه اللي تهد الحيل

تكفون ساعدوني خلاااص ماعاد اتحمل اكثرر

المشاركة الأصلية كتبت بواسطة soqya (المشاركة 3221661) السلام عليكم ورحمة الله وبركاته.. 1/ أولا اعترافك بوجود هذا الخلل في حياتك يدل على إنك انسانه تريدي أن تكوني أفضل وهذا أمرا رائع.. 2/ زوجك سيتحمل فترة عصبيتك ووو وغدا اعلمي لو استمريتي بهذه الصورة سينفر منك. 3/طبيعي جدا احترامه واهتمامه بك يقل فلذلك لابد أن تتعلمين كيف ضبط أعصابك اتجاه المواقف التي تثيرك. 4/ أين الحوار في حياتكما فعندما يتحدث معك في شيء لاتريديه تحاوري معه بالكلمة الطيبة لتصلا لنقطة اتفاق وإذا شعرت بإنك تغضبين انسحبي بهدوء حتى تشعرين بأن أعصابك صارت أفضل.. 5/عندما تكونين في هذه الحالة اسرعي توضئي وستهدئي. 6/ الكتابة جدا جميلة بحيث تكتبين المواقف و انفعالاتك كيف تكون وبهذه الصورة تساعدك في تحكيم الأمور بعقلك وسترينها بغير الصورة السابقة وتعيدي النظر في تصرفاتك.. 7/ زوجك فيه صفات رائعة ماشاء الله، هو يحتاج منك أن تتعاملي معه بصورة افضل لهذا تشعرين بأنه يضغظ عليك.. 8/ عندما تكتبين أسباب غضبك في ورق ستجدين بأنها لا تستحق كل هذا الإنفعال منك. 9/ ألآمك طبيعية في معدتك اشربي نعناع يوميا كوبين.. 10/وسعي دائرة علاقاتك مع الآخرين وجميل جدا لك. وفقك الله.

المشاركة الأصلية كتبت بواسطة Saso soso (المشاركة 3221665) ربنا يهون عليكي ويسعدك دنيا واخرة ويحققلك كل اللي بتتمنيه