|
زوجي يتلفظ علي ولا يحترمني
السلام عليكم ورحمة الله وبركاته
انا عمري 31 وزوجي 33 وعندنا 3 اولاد الاكبر 6 سنوات وتوأم سنتين و8 اشهر..عمر زواجنا 8 سنوات مميزات زوجي : كريم حنون عندما يكون هادئ عيوبه : عصبي جدا ولايتقبل عذري او يلتمس لي العذر فمواقف كثيرة- في حاله غضبه يسبني ويلعن علي قدام اولادي وحتى يتعمد يسبني قدام الشغالة ويقلل من قيمتي اكليهم ..نيميهم. يدمرني بكلامه ويحطمني جدا لدرجة افكر فالطلاق كل يوم يوصلني لمرحلة البكاء بهستيريا انا اعترف عصبية جدا بسبب التوأم ما القى وقت ارتاح فيه ابدا حد واعي وحد نايم وصريخ طول الوقت احس نفسي اريد امرض عشان ارتاح من هالعيشة .... سأضرب لكم بعض المواقف.. - كنت فبيت اهلي وولدي الكبير كان يلعب وطاح عرجله وما بقى كلمة علي يسبنب ويجرح في وفأهلي وان انا ما مال اولاد واني انسى نفسي بيت اهلي واهمل ولادي وجلس اسبوع يسب ويلعن علي قدام اولادي والشغتاة - كنت طالعة عزومة بعد المغرب وشالة بنتي الصغيرة معي عاساس اخوها التوأم مع عمتي ومع اني ما تأخرت 9 ونص بالبيت يمكن 30 اتصال رديت ع مكالمة وجلس يستهزا ويسبني وبعدها ما رديت ع بقية مكالكته رجعت البيت ....................وانتي ما الومك اذا طالعة من ذاك البيت يقصد اهلي...وهذا كله عشان ولدي الصغير وللعلم كان بيت اهله وهو اساسا ما مسكه - موقف امس صار كان ولدي مريض 3 ايام والله ما ذقت النوم وقالتلي حميتي انا بطلعهم بالسيارة وانتي روحي نامي شكلك تعبانة والله دخلت وحطيت راسي ومن التعب نمت بسرعة جى بعد ساعة ونص يبند المكيف ويسحب البطانية من فوقي بكل وقاحة انتي بس تريدي ترتاحي وانتي تعبانة وغيرك ما تعبان..وخواتي ما شغالات عندك ةالشغالة انا جايبنها لأمي ما لك ..........وعساك تموتي ولا تصحي ....وعساك السل وعساك السرطان.. وع كل خلاف انا ما ذقت طعم الراحة معك وصابر عليك عشان الأولاد ويعايرني حتى بشكلي مع اني متوسطة الجمال يقولي ذاك الوجه ..........وذاك الثم شبرين....تعبت تعبت جدا....وصار كل خلاف يوصل للطلاق وصرت افقد عقلي واعصابي وابكي بطريقة هيستيرية ...اقوله ياريت تضربني وا تتلفظ علي بهذي الألفاظ قدام اولادي والشغالة ما اعرف كيف اتعامل معاه لاي سبب بيسب وبيلعن علي وبيهيني ...انا تعبانة تعبانة والله ضغط الوظيفوة وضغط الاولاد ما شئ راحة ابدا وفوق كل هذا ما تحصل اي تقدير من زوجها او يسكت بس يتهمني بالتقصير يتهمني اني فاشلة فكل شئ ولا انفع لاي شئ غير الحواطة ولا انفع لاطفال ارجوكم ساعدوني واشيروا علي..صرت اسكر الباب فالدوام واجلس ابكي وابكي كل مااتذكر الفاظه علي |
رد: زوجي يتلفظ علي ولا يحترمني
للعلم عائلته كلها كذا لسانهم وسخ وعندهم سوء ظن بالناس وللامانة هم زينين معي ...ويساعدوني فاولادي بس لسانهم متبري مهم..وانا جاية من بيئة نظيفة اساسها الاحترام...واجتماعية احب الناس وهم العكس
|
رد: زوجي يتلفظ علي ولا يحترمني
وكيف عايشين زوجاتهم وخواتهم معاهم بهذا اللسان الوسخ ؟
هو ليش يعايرك بأهلك ؟ هم أقل منه ومن أهله ؟ لو أهلك عرفوا بكلامه شو راح يكون موقفهم ؟؟ وهل لهم وزن عنده ؟ انتي ليش موظفة ؟ فلوسك لك وللا تعطيه اياها ؟ جربتي تتجاهلي كلامه وتتصرفي باللي يريحك ؟ مثلا موقفه لما أخته اخذت عيالك وانتي نمتي .. شو راح يكون ردة فعله لو أخذتي حرامك ورحتي كملتي نومتك بغرفة ثانية .. وانتي رايحه قلتي له انا وفلانه نتخالص انت مالك دخل .. هي عرضت وانا وافقت ولا تتدخل بينا . صحيني لما ترجع بالعيال |
رد: زوجي يتلفظ علي ولا يحترمني
الله يفرج همك ويصلح زوجك
|
رد: زوجي يتلفظ علي ولا يحترمني
الالفاظ نتيجة البيئة والتربية..
لكن انا حسيت انت لك دور بلخبطة حياتك اولادك عددهم قليل. وتقريبا كبار وكمان عندك شغالة. واهل زوجك متعاونين ومع كذا انت واضح غير منظمة يومك. بعضهم موظفة وعندها مولود رضيع وكم طفل وبدون شغالة ..وتقدر تنظم حياتها.. حاولي تنظمي وقتك.. |
رد: زوجي يتلفظ علي ولا يحترمني
معاناتك مثل معاناه كل هالنسوان
ما بيعرفوا غير الشرع محلل اربعه وهم ابعد ما يكون عن الدين جهل وقله ثقافه وبس يتزوجك بيطلع كل عقد الطفوله فيك ﻻنك انت كبش الفداء ما عتدهم رحمه وﻻ شفقه وﻻ اخﻻق وﻻ انسانيه همهم الوحيد كيغ يكسروكي ويهينوكي وبموقف واحد بينسى كل فضلك عليه تحملتيه وتحملتي ظروفه وتحملتي الحمل والولادة والنفاس واﻻكتئاب والسهر والتعب كل هدا بينساه بختصار ﻻنه انسان تربى بطريقه انه الولد مباح كل شي له وادا غلط مسموح معلش ﻻنه بس ولد بينما البنت ممنوعه من كل شي حتى الغلط انتبهي ادا غلط الرجل مثﻻ معلش تحمليه وطولي بالك واعتبريه جاهل وطفل وعليك بالصبر بينما لو غلطت المراة اقامو عليها الحد بختصار مجتمع متخلف عنا خلل بكل شي هدا زواج للمفروض فيه شي اسمه رقي وعﻻقه راقيه احترام ومراعاة لمشاعر الطرف اﻻخر انت مطلوب منك تحللي عقدهم وطفولتهن القاسية وتعرفي وين سبب الخلل والمشكله عندهم بالظبط بينما هم اقرب طريقين عندهم اما خيانه واما زواج وهو اصﻻ ما بيكون مؤهل وﻻ لوحده منهم الحل الحين زوجك محتاج إعادة تأهيل وتربيه ﻻزم تعاقبيه وتعملي قيمه لحالك اتعبي سنه معاه بالعقاب وراح ترتاحي العمر كله انت بتأسسي حياه ومستقبل وجيل اما بتعيشي بكرامه واﻻ فﻻ محتاج عقاب الهجر ووقفي كل اﻻمتيازات اللي بتعمليها له شغلك خدي اجازة وارتاحي شوي ورتبي امورك ازعلي منه بصمت الدلع والدﻻل والطبطبه وقفيها اعملي الواجبات بس وبس يجي يطلب حقه الشرعي انت وشطارتك هون بتجلسي معاه وبتحطي النقط على الحروف تدكري انا انسانه مش عبده انت الله خلقك حره من شو بتخافي بتخافي من بشر مثلك اعملي قيمه لحالك وابدئي بحل مشكلتك ووقفيه عند حده علشان ترتاحي السنين الجايه وتدكري ما بيشيل الراس اﻻ اللي ركبها |
رد: زوجي يتلفظ علي ولا يحترمني
نعم موظفة...اهلي فحياتي ما شكيت لهم شئ او بينتلهم شئ بالعكس اعكس عنه صورة طيبة..الشغالة لاهله لان شغالتنا طلعت ما زينة ورجعناها وللعلم هو يدفع شغالة اهله اللي اساسا جابها لي لما حملت بالتوأم..ومن انتقلنا بيتنا الجديد..جبنا شغالة خاصة لنا بس ما استمرت غير شهرين وبعدها الشغالة القديمة هي عرضت تشتغل ساعتين معنا تساعد بالغسيل والتنظيف..وزدناها راتب..تكلمت معه كثير وقت الصفا...انا ما احب المشاكل ولا النكد...مليت من هالشئ...بس هو اذا عصب خلاص ينسى من انا ويسبني بطريقة بشعة يخليني اصرخ بطريقة لا ارادية...مع ذلك فيه جوانب طيبة مثلا اخر مرة فعيد الام جابلي باقة ورد وسويرة ذهب وكيكة ...وله حركات حلوة مرات يجيبلي ريوق للدوام ما انكر هالشئ ويعزمني برا...بس وقت غضبه ..ينقلب وحش كاسر...انا اعترف مقصرة فبيتي بس والله من تعب التوأم احسني عصبية جدا..اتمنى مرة انام واشبع نوم...اتمنى اطلع مشوا ع احتي واشوف التلفزيون ...راتبي ساهمت فالبيت اكثر من النص احسني اخيانا فعلا زوجة فاشلة وام فاشلة اولادي اصارخ عليهم وزوجي اصارخ عليه بس والله ردة فعل..ومستحيل يجي يعتذر لازم انا اروحله بعد ما اتعب واقوله نفتح صفحة جديدة....هذه حياتي مستحيل يمضي اسبوع بدون مشاكل
|
رد: زوجي يتلفظ علي ولا يحترمني
اعانك الله ..
ولا تصفي نفسك بالفشل يا اختي .. انتي بإذن الله ناجحه .. فقط ضعي لك خطوات ونظام تمشي عليه .. اعطي نفسك حقها وابنائكم حقهم وزوجك ايضا ضروري يكون له حقه .. اذا انتي مضغوطه .. فخذي اجازه من وظيفتك وحاولي ترتبي نفسك وبيتك .. واشتري راحة نفسك .. زوجك عصبيته والفاظه نتاج تربيه كما تفضلتي .. اذا هو شعر بغلطه و سوء فعله .. فاتوقع سيعالج نفسه بنفسه .. ناقشيه وحاوريه بجلسات الصفا كثيرا في هذا الجانب .. الله يصلح احوالكم . |
رد: زوجي يتلفظ علي ولا يحترمني
اقتباس:
أعرف انه يوقتها صعب تتحكمي بمشاعرك وتفكيرك لكن انتي كتبتي لنا بالمنتدى تبحثي عن حلول ومن واجبنا نركز على النقاط اللي ممكن تكون الحل . وين الحل ؟ :) الحل أنك تقري الفقرة السابقة وتستوعبيها تماما وتحاولي وقت الخصام انك تستذكريها ... راح تلاحظي انك تميتي هادية وما زعلك شتمه .. بالعكس بتلاقي نفسك هادية لأن كلامته ما استفزتك وبتلاقي نفسك أشفقتِ عليه وعلى جهله ولقيتي نفسية ووقت أنك تردي عليه بهدوء وتصرفي الشغالة والأولاد باشارة من يدك مثلا او بكلمة بسيطة ... وصرفهم بهدوء راح ينمحي أي أثر سيء من كلامه .. راح يترسخ انه انتي كنتي قوية وما في شيء يمسكوه عليكي . ولما هو يشوف انه استفزازه لك ما فاد راح يوقفه بالتدريج وعلى امتداد شهور لما يقتنع تماما انه شتمه وصراخه مالهم أثر عليكي. ما قلتي لي لو اهلك عرفوا كيف تتوقعي ردة فعلهم ؟؟ لأن ممكن تحتاجي أنك تلجئي لهم بمرحلة ما . عموما هي فترة وراح تعدي حبيبتي ... توأمك الله يحفظهم عمرهم قريب ال 3 سنوات يعني كمان سنة وبيوصلوا عمر واعي تقدري تريحي وتتحكمي بنومهم وممكن بالنهار يروحوا حضانه تعلمهم وتطلع طاقتهم . الله يفرج همك ويريح بالك |
رد: زوجي يتلفظ علي ولا يحترمني
صدقيني
يحبك بس لسانه فلتان الله يهديه اقعدي معاه صارحيه واطفالك لا تصرخي عليهم مالهم ذنب |
| الساعة الآن 02:44 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©