حايره شنو اسوي.؟؟؟؟
 

السلام عليكم


بصراحه انا مالي غيركم واتمنى انكم توقفون معاي في مصيبتي............



انا عرضت مشكلتي من قبل واكثر من مره وهيى ان زوجي كثيرا ماينتقدني كل ما اتكلم معاه او اناقشه يقلبها هم ويقولي انتي اسلوب ماعندج وانتي ماتعرفين تتكلمين ومن هالحجي واربع وعشرين ساعه مدقر فيني بكل شي اسويه ادقر فيني



اعطيكم مثال مثلا لمن اناقشه في موضوع اقولي سكتي اسلوبج خايس مع اني الحمدلله اني اعرف اتكلم واسلوب حلو بس مو عاجبه

او مثلا لمن البسله شي اقولي ويع مو حلو عليج يمكن على غيرج احلى

او لمن اسويله شي او لمن ادلع عليه اقولي بس بس ترى مو لايق


احترت معاه شنو اسوي مع اني لله الحمد انه مو ناقصني شي علشان اقولي مو لايق عليج

وعلى هذا التدقر تدروووووون شنو يقولي اليوم ( انا متزوج ريال مو مرأه الي ماتعرف الدلع اشلون صاير واقولي انتي ماتتدلعين )



قووووووووووووولولي شنو اسوي اذا تدلعت دقرني واذا حقرته قال اني ريال شنو اسوي معاه تكفووووووووون ترى بصير مينونه الا صرت الا أشعره

السلام عليكم و رحمة الله و بركاته
أصعب شيء في الدنيا إنه الإنسان يحتقر من شخص قريب أو شخص يحبه...
و يظهر إنه زوجك يريد أن يغطي على عدم قدرته لإقناعك بشيء بقوله..""انتي اسلوب ماعندج وانتي ماتعرفين تتكلمين ""
في بعض الناس تغطي خطأها أثناء الحوار بمثل هذا التصرف أو برفع الصوت..
و أعتقد الأفضل أن تقولي له : "ما هو الأسلوب الذي تراه أفضل؟!"أو قولي له" أنا مني شايفه شيء سيء في أسلوبي إذا أنت شايف شيء خطأ فعلمني"..
حاولي يا عزيزتي أن تتصرفي بثقة دائما و أن لا تعيري كلامه أي إنتباه فهو يستغل عدم ثقتك بنفسك و إهتمامك الشديد بكلامه..
و بهدوء و دون أن يشعر راجعي طريقة لبسك و أسلوب كلامك و حسنيهما ...

جربي هذه الطريقة ..و أخبريني النتيجة

أتمنى لك التوفيق...
تحياتي

تنبيه.. يرجى تغيير التوقيع للعربيه باسرع مايمكن ... بنت الموج

أختي السلام عليكم

أنا في أعــــــــــــــــــــتقادي ان الحل في هذه المشكله هو النقاش الهادى مع زوجك وعليكي أن تختاري المكان والزمان المناسب لحل هذه المشكله

شوفي نقطة ضعف في زوجك ودخلي منها وترى الرجال تجيبه الكلمه الطيبه

أنصحك بالصبر

خطرة في بالي فكره مادري وش رايك فيها
ليه ما تحاولين أنت تتغزلين في زوجك

مثال توه محلق لحيته



قولي له وش مسوي في وجهك بيقول اشفيه !!!!!!!!!!!!!!!!


قولي صاير قمر

مثال 2

لبس ثوب جديد أو اي شي قولي له صاير حلو تذوب


من هال كلام

وانتِ أخبر مني في ها الكلام


أرجو لك النجاح في هذه المشكله

أخوك مبسوط


تحياتي

توقفي فورا عن ابداء رأيك في اي موضوع يخصه ولا تعيري لرأيه اي تعليق او اهتمام والبسي ما شئت ولا تكترثي لما يقول الا اذا اصر على شيء افعليه وريحي نفسك من عناء التفكير بهذا الموضوع فهناك كثير من الاشياء الاهم التي عليك ان تنتبهي لها

هذا مو كفو اي شي حقريه وخلي عندك ثقه بنفسك ولاتعطينه فرصه انه يبدي برايه فيك لان رايه جارح وحرام عليه كذا
وذكريه باالدين والحديث الي يقول 00ان كره منها خلق أحب آخر وبعد الدين يقول لاتقبح
إذا قالك زي هاالكلام قولي له إتقي الله في نفسك وخف ربك وسلامتك

لما هو يتكلم شتقولين له..........؟

عندي إحساس قوي إنه ناوي يتزوج عليك
ويخلق هذه المشاكل ليعلل زواجه بالثانيه!!!!!!!!!!!

طريقه مجربه
 

صدى الاشواق السلام عليكم اول حاجه ياريت تستعملي هاي الطريقه مني يمكن تفيدك

انا بحكي من منظور اني شب رجل يعني

والله اهم شي عندك الثقه بحالك ومايهمك وكوني حازمه معو بس بدون غلط حتى لو غلط

اتحملي في الاخر لما يشوف حالوهيك راح يتغير

جربي انك ماتستشريه متل زمان طنشيه صدقيه راح هو بنفسو يجيكي يحيلك ليش مابتشتشريني

راح يغلي من جواتي وانتي وقتها احكيلو مابستشيرك الا لما تحترمني وراح يتغير صدقيني

احنا هيك الرجال خصوصا والبني ادم عموما متى ماعطيتو اهتمام بتكبر وبصير يتمسخر

وشكرا :D

السلام عليكم ورحمة الله وبركاته


عندي احساس انه زوجك هذا شايفله شوفه ثانيه او بالاحرى( زوجه ثانيه) وهو يدور ويلف وما عارف كيف يسوي علشان يختلق المشاكل بينكم .


وسلامتكم,,,,,,,,,,,