إصرار طليقي للتواصل مع اولادي عن طريقي
 

السلام عليكم ورحمة الله
ابغى اراءكم فيه شغله
انا قبل فتره نزلت قصتي يمكن تفتكروها
وفيه شغله ما ادري انا اعمل صح ولا غلط
حاليا انا وقت عده ما باقي لها الا يومين الله العالم عدتي عدة حمل اللمهم طليقي
يطلب يكلم ولده عن طريقي يبغاني بعد كل فتره اقوله ترى ولدك يبغى يكلمك والولد صغير ثلاث سنين
انا طبعا ما لبيت طلبه لانه انا ماابغى ارجع وما ابغى ارتبط به خلاص يكفي الاولاد لوكان كبير عملت له جوال ويتواصل مع ابوه لا حب
اللمهم ارسلت له رقم امي وابوي لو حب يكلم الولد ماراح يقولو شي ايش رايكم


تم تعديل العنوان ليتناسب مع المضمون

رد: اتمنى المساعده
 

انصحك اذا كنتي ماتبغين عن طريق جوالك..
وهذا الصحيح انه مايكون عن طريق جوالك
احرصي بين فترة وفتره خليه يتصل من جوال
امك..
لان فرصه ان الرجال يبحث ويسأل عن ولده
فلاتصديه وتخسري هالاهتمام.

رد: اتمنى المساعده
 

لا حبيبتي هوا مايحب اهلي ويعتبرها اهانه له لو خلاهم وسيط بينه وبين ولده
يبغاني طول عمري انا اللي اوصله بعياله كاني عبده او مملوكه
يقولي انت ام عيالي
ويدعي ويسب

رد: اتمنى المساعده
 

لا حبيبتي هوا يكره اهلي ويعتبرها اهانه له انهم يكونوا وسطاء بينه وبين ولده
هوا يبغاني كل فتره والثانيه ادق واقوله كلم ولدك عاد شوفي اذا فاضي ولا لا خصوصا انه متروج من شهر

رد: اتمنى المساعده
 

طبعا في رايه انه راح اخمج على قولته ببيت اهلي وماراح تكون ليا حياه

رد: اتمنى المساعده
 

المعذره اختي انا مااعرف قصة طلاقك
ياليت تحطين رابط مشكلتك عشان يعرفون
الاعضاء وضعك ويعطونك رد حكيم..


مثل ماذكرتي انا وحده فيه مشاكل بين
العائلتين.سببت الطلاق
بس والله حرصت اربط طفلي باابوه
والا هو ع قولتك مو متنزل لااهلي بالبدايه
طبعا انا غيرت رقمي
بس صرت ارسل صوره بالواتس من جوال امي
واخليه يكلمه من جوالها ويقوله مشتاق لك من يوم عمره 3سنوات
والحمدلله الحين متعلق فيه مرره

رد: اتمنى المساعده
 

غريب انه يتشرط شوفي طريقتك سليمه اما يكلم الولد عن طريق اهلك او لا يتصل ابدا وبراحته

رد: إصرار طليقي للتواصل مع اولادي عن طريقي
 

رد: إصرار طليقي للتواصل مع اولادي عن طريقي
 

اتمنى اكون حطيت الرابط صح

رد: إصرار طليقي للتواصل مع اولادي عن طريقي
 

اختي ممكن ان تشتري جوال رخيص للاتصال فقط مع شريحة و يكون هذا الجوال معك و يتصل به طليقك في اي وقت و ما أن يتصل طليقك على هذا الجوال تعطي ابنك مباشرة للرد عليه و ممكن أن تتصلي في اي وقت ايضا و ما أن يرد طليقك على الجوال تعطي ولدك مباشرة ليكلمه و يكون الجوال معك طوال الوقت و يكون مخصص لطفلك ليتحدث مع والده فقط .

في رايي يجب ان تغيري رقمك او ان تبعدي التواصل مع طليقك نهائيا و شي جميل حرصه ان يتواصل مع ابنه و اكيد هو يجد حرجا كبيرا ان يتصل على جوال والدك او والدتك لكي يتحدث مع ابنه فسهلي عليه هذا بطريقة التي اخبرتك بها .