|
مشكلتي مع زوجي لغز مو قادره احله تعبت والله
السلام عليكم وصباحكم سعيد اخواني واخواتي
من زمان ماطليت عليكم ويمكن بعضكم يتذكرني لاني الفترة الماضية كانت اموري مستقره مع زوجي وصرت اهدى وهو صار هادي وصرت عضوه بجمعيات واشغل وقتي فيها ولازلت ابحث عن وظيفة بدل وظيفتي السابقة ومشغوله ببيتي وترتيب حياتي وبنتي حتى الأشياء اللي كانت ماتعجبني بزوجي تجاهلتها مثل تقصيره بالعلاقه الخاصة ماصار يهمني لاني صرت ايجابيه وشاغله نفسي بأشياء كثيره وزوجي صار يفتح لي قلبه بكل شيء ويعلمني بكل صغيره وكبيره بحياته وصار قريب مني لحد هنا كل شيء تمام قبل امس كان زوجي في عزيمة عشاء مع احد أصحابه ورجع البيت متأخر.. نص الليل وانا كنت نايمه وقتها صحيت الصباح وصحيت بنتي للروضه ورحت صحيته وكان وجهه معفوس.. قلت يمكن لأنه مانام كويس صحى بدون ما يصبح علي.. وانا صبحت عليه ولبس وطلع من البيت لما صار بعد الظهر رجع مع البنت ودخل بجفاء غريب وبدون ما يبوسني ولا شيء انا توقعت عنده مشاكل بالعمل واحنا نتغدى سألته ايش فيك؟ قال مافيني شي قلت مبين عليك فيه هم كبير شايله قال لا بس حر وقرف وكرف ونكد انا مارديت وجلست أتكلم مع بنتي بعدين مزحت معه.. وهو عصب علي وترك الاكل وطلع!! تجاهلته.. قلت يمكن صاير معه شيء برا البيت رجع بعد العصر ودخل ينام وكان يناظرني نظره كره غريبه مو قادره افهمها صحى المغرب وكنت محضره القهوه كالعادة.. ولا شربها! بدل ملابسه وسألني اذا بنطلع للمكان الفلاني لأننا كنا متفقين من يومين نروح نشتري أغراض للبنت قلت اوكي.. وجهزت نفسي وبنتي وركبنا السياره وكنت ماخذه بخاطري منه شوي فما تكلمت توقعت يراضيني او يلاطفني.. لقيته على نفس حالته شرينا الأغراض بسرعه.. وركبنا السياره نرجع البيت في الطريق سألته: حبيبي ايش فيك اليوم؟ قال بجفااااء: لا ضريتك ولا اذيتك ولا سبيتك ولا اهنتك قلت: اعوذ بالله لا ان شاء الله.. بس احس فيك شيء وانت مو من عوايدك تكتم مارد علي رجعنا البيت وعشيت بنتي ونيمتها ولقيت زوجي جالس لحاله بالمجلس يشوف مباراه قديمه غريبة لا طلع ولا جاه احد ولا جلس معي.. مو عادته يجلس لحاله دخلت اسأله اذا يبغى يتعشى قال لا شكرا جلست عنده وقلت له ممكن تفهمني ايش فيك؟ قال بعدين اعلمك انا تعبان ومالي مزاج اناقشك بشي قلت: يعني هذا الشيء يخصني انا!! مارد علي قلت له: انا زعلتك بشيء؟ قال: ليه انتي شاكه بنفسك! قلت: لا بس محتاجه افهم ايش صاير؟ متضايق مني ليه؟ ياجماعه حسيت بقهر وهو رافض يتكلم والله ما اذكر عملت له شيء حتى سألته: لا يكون وانا نايمه قلت كلام ما اعجبك! قال: حتى لو قلتي اسم رجال صعب ألومك لانك نايمه!! قلت: نععععم؟! رجال!! انت شاك فيني؟ مارد.. وقال: ارجوك اجلي النقاش لاني تعباااان انا هنا اصريت عليه يتكلم وحسيت بغصه والله العظيم وقلت له انت تشك اني اخونك؟ قال انا ما تكلمت عن الخيانه قلت: عيونك كلها شك ونظرتك فيها كره وتعترف انك متضايق مني وهو كان يأكد كلامي بس بدون مايفصح عن اللي بخاطره ويقول: المشكلة هالشي سبق وتكرر وانا مو لاقي له تفسير!! قلت له اذا الشك دخل بينا اعرف ان حياتنا بتنتهي قال هذا باب البيت براحتك تطلعي او انا اطلع واتركه لك!! مارديت عليه.. ورجعت سألته عن الموضوع قال بكرا أقول لك.. الان انسي قلت له صعب أنام والموضوع معلق قال: اكيد اللي في بطنه ريح مايستريح!! قلت الله يسامحك.. خلاص لاتعلمني مع السلامة ورحت انام اليوم الصبح صحى على نفس حالته أمس والان هو بداومه وانا الدنيا تلف فيني مو فاهمه وقلقانه وحاسه بهموم الدنيا مستجدات الرد 54 http://www.66n.com/forums/showpost.p...6&postcount=54 |
رد: مشكلتي مع زوجي لغز مو قادره احله تعبت وال
هاينه علي نفسي والله ما عملت له شيء
والله ماعندي أي علاقات ولا أمور مضروبه وعلاقتي مع اهله كويسه ومركزه ببيتي وتربيه بنتي ومحترمته ومقدرته وماغلطت بحقه ولا شيء مو فاهمه ايش صاير ومقهوره من نظرته لي على اني مذنبه وسكوته القاتل اللي يعذبني.. مو فاهمه ليه تغير 180درجه امس حسيت هاين عليه كل شيء وعامل نفسه صايدني بشي انا ما اعرف ايش هو ولما سألته احد حرضه علي او تبلى علي انكر تماما انا مفجوعه منه وافكر اخذ اغراضي واروح لاهلي بس مشكلتي احبه ومعي بنت وحامل بالشهر السادس لكني مو متقبله الطعن بشرفي واخلاقي محسسني اني مرتكبه ذنب عظيم ورافض يعلمني ايش هو ويقول اتركيني كم يوم يمكن انسى اللي صار طيب ايش صار!! ما اعرف!! |
رد: مشكلتي مع زوجي لغز مو قادره احله تعبت وال
ولما قلت له يمكن سهرة العشاء اللي قبل امس هي السبب!
قال لا والله رجعت البيت عادي.. لكن تنكدت منك الصبح يعني هو بباله شيء صار الصبح.. ما ادري ايش هو عادي صحيت وشيكت عالجوال وصليت وصحيت بنتي وصحيته وطلعوا ما ادري ايش صار الصباح خلاه يقلب علي بصورة فظيعه ويقول سبق تكرر مني ومو لاقي له تفسير!!! |
رد: مشكلتي مع زوجي لغز مو قادره احله تعبت وال
معليش ليش تلزمين عليه ان كان تركتيه يومين او ثلاثة بعدين ان ماتغير اسأليه بس طوالي ناشبه بحلقه مايبون كذا هم
وماراح يجي الشخص على رتم واحد طوال يومه |
رد: مشكلتي مع زوجي لغز مو قادره احله تعبت وال
اقتباس:
حتى مشاكل عمله ومشاكله مع اهله يعلمني فيها اول بأول ولأنه كان يعاملني بجفاء مو لاقيه له تفسير وكنت أقول له لا يدخل ابليس بينا وهو ما كأنه يسمع بعدين احساسي اني مذنبه بدون ما اعرف ذنبي يقتلني مالي رغبه اعمل اي شيء والله |
رد: مشكلتي مع زوجي لغز مو قادره احله تعبت وال
دامك ماسويتي شي شكله يتحلم انك تخونيه ويتكرر عليه معليك منه خليك واثقه من نفسك ولاتفتحي الطاري مره ثانيه
|
رد: مشكلتي مع زوجي لغز مو قادره احله تعبت وال
مرحباً أختي
برأيي... مالفائدة من التحليلات وماذا يقصد وغيره... إنتظري حتى ترينه هدء وعادي لطبيعته ثم أفتحي النقاش مرة أخرى ولاداعي لتعب نفسك وأعصابك وإنك ما أنتِ قادرة تتحملي. فقط الصبر... وستبان الحقيقة ... وحينها لكل مقام مقال أعانك الله |
رد: مشكلتي مع زوجي لغز مو قادره احله تعبت وال
حبيبتي كان المفروض لما سألتيه اول مره وثاني مره ومارد عليك
او قالك تعبان بعدين بخبرك كان انسحبتي بهدواء وتركتيه يهدا فتره هو بنفسه بيهداء وبيقول كل شي... ولا تحسسينه انه شاك فيك وانت من الاساس واثقه من هالشي فلا تقولين له انت تشك فيني ابداً ابداً ابداً .... لا تفتحين له هالباب ياقلبي |
رد: مشكلتي مع زوجي لغز مو قادره احله تعبت وال
اتركيه لحتى هو يحكى وانشغلي عنه باﻻستغفار والدعاء
وادعي على طول اللهم يا ولي نعمتي ويا مﻻذي عند كربتي اجعل غضب وسخط زوجي علي بردا وسﻻما كما جعلت النار بردا وسﻻما على ابراهيم يا خوفي يكون عامل شي غلط جديد وجاي يرمي بخطئه عليك وحاسس بتانيب الضمير المهم استني شوي وطولي بالك وانشغلي عنه الله يفرجها عليك امين |
رد: مشكلتي مع زوجي لغز مو قادره احله تعبت وال
هلا كنافه
خليه بكيفه ولا تبينين قلقش او خوفش من شي لين هو يهدى ويفتح معاش الموضوع طنشي وتعاملي ببرود ما راح يتحمل وبينفجر وبقول الي في نفسه بس تحملي الي بيجيش شكله ناوي على مشكله ، لا تنصدمين ولا تردين السؤال بسؤال ,, بيشتغل محقق معاش عطيه الي يبي بس من غير ضعف ... بالعقل والحجه والثقه الله معاش |
| الساعة الآن 09:37 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©