بيطلقني لاني فتشت جواله
 

السلام عليكم ساعدووووني
اعتذر مقدما عن اي اخطاء إملائية لاني اكتب بالجوال
اخواني خواتي ساعدوني
زوجي رايح مقدم موعد للطلاق يقول خلاص كرهتك لاني كنت افتش جواله والقى عنده مصايب عنده بنات واولاد وكل مايخطر على بالكم
لدرجه انه راح فندق حجز بكرت العيله حقنا باسمي وماخذ معاه وحده من .........وفي الصباح راح جاب ولد في الغرفه وصارت مشكله طبعا انا دقيت ع الفندق وهم قالو لي بعد ما اهو قالي انصدمت حيل حيل ومع كل مصايبه يروح يسوي ويجي يقولي وانا ما ابقى الطلاق ادعي له بالتوبه والهدايه خصوصا اني كنت مطلقه من قبل واخذته واهو ولد بس والله انه مسوي سواد وجهه لو ماخذه معدد ارحم لي منه وبتنحسب علي زوجه ثانيه وش يفكني من كلام الناس

كيف استفيد من موضوع هالفندق في المحكمه لو بيطلق وكيف ابعد فكرة الطلاق عن راسه يقول انه ماراح يزوج ابدا بيضل من وحده الى وحده ويقول بخليهم يصرفون علي كمان 😤😤😤😤😱
اهله يحنون علي حملي حملي وانا الحين بلعت كولميد واخذت الابره التفجيريه افكر اكذب عليه اقوله اني حامل يمكن يطخ ويعقل ويترك هالسوالف 😢

رد: بيطلقني لاني فتشت جواله ساعدوني
 

الله يعينك
هذا صايع الله يهديه مو حق زواج
واهله يبونك تعقلينه
بس الفاسد فاسد
بنات بالليل وعيال تالي الليل
الله يهديه مختم سوالف كلها
استخيري
والله يكتب لك الخيره

رد: بيطلقني لاني فتشت جواله ساعدوني
 

والله يا اختي انا مقدر وضعك والله يعينك

لكن زوجك ما يتحسف عليها سبحان الله يعني مين المفروض يزعل ويطلب الطلاق ! !

لا تنجرفين ورى عاطفتك ماتدرين الخير وبن

الله يختار لك الخير والخيره

رد: بيطلقني لاني فتشت جواله ساعدوني
 

بدال ما ينهار ويجي عند رجولك انت تخافين وانتي صاينته وحافظتة انقلبت المعادلة انا اقول اطلبي الطلاق حماية لك من الامراض الله يكفيك الشر او عيالك .

انفذي بجلدك نصيحة

رد: بيطلقني لاني فتشت جواله ساعدوني
 

انا مابقى الطلاق عندي امل بربي كبير انه بيعقل مع العيال ويهجد انا هاذي ثاني زواجهه لي حطو نفسكم مكاني واهله حيل زينين معاي عكس الطليق الاولي ولاجل عينهم ولاني احبه بعد مابيه يطلق ترة مع سوالف الا انه متمسك بالصلاه ويصليها اول باول والحين اهو في مكه ياخذ عمره بيس موعد الطلاق الشهر الجاي مابي اتطلق ولو بيطلق تهقون لو قلت له اني حامل يهجد اهو يموووت في الاطفال يقول انه يخوني عشان يقهرني ويقولي للاسف ماتنقهرين تصيحين شوي وترجعين تضحكين تالي

رد: بيطلقني لاني فتشت جواله ساعدوني
 

نسيت اقولكم ان احنا ثنينا نمطنا جنوبي غربي
ومارست معاه الجذب وعلوم العقل الباطن والصدقه والاستغفار يتحسن شوي ويرجع للخرابيط شوي وانا الي عاجبني فيه انه دايم يلعب معاي ويعطيني جوي اذا صار رايق طبعا لانه مزاجي حيل ومشبعني في ذاك الموضوع ومابي انفصل عنه راضيه بكل عيوبه 😭😭😭ورضينا بالهم والهم مارضى فينا شسوي ؟
مع اني على سوالفه مو مقصره اخذ حقي منه مره ومرتين وثلاث بس مادري من وين يجيب هالطاقه الي فيه 😒بل عليه ابيه تجيه عيني يمكن يطخ ويجبه عجز جنسي وافتك من خرابيطه

رد: بيطلقني لاني فتشت جواله ساعدوني
 

لاتزعلين..

بس مالي يده منك ومايحترمك.. لانك باختصار مو محترمة نفسك

إذا جعلت من نفسك دودة على الأرض فلا تلم من يدوسك بقدمه

قبل لا تغيرينه غيري نفسك

اذا انتي شايفة نفسك ضحية لاتجيبين ضحايا اخرين.. مو وظيفتهم ولا الغاية من وجودهم يقربونك منه ترا

رد: بيطلقني لاني فتشت جواله ساعدوني
 

عساهم يقولون مطلقة عشرة مرات ولا أعيش عيشة ما ترضي الله

رد: بيطلقني لاني فتشت جواله ساعدوني
 

مشكلتك اختي الكريمة انك معطية الناس اكبر من حجمهم من ناحية وش بيقولون عني مطلقة مرتين

ربي يبي ينجيك .. وانتي ما تبين النجاة !

فكري بعقلك مش بقلبك .. لو بيطلقك لهالسبب فانتي الكسبانه والله

رد: بيطلقني لاني فتشت جواله ساعدوني
 

ماظنيت ان عنده طلاق

تهديد والسلام لانو متاكد انك تبينة ومتعلقة فية

بس لو طلبتي انتي الطلاق راح تنقلب المعادلة ويتغير كل شي


اطلبي الطلاق وغثية باسؤال انو فكرتي كثير بالموضوع وشفتي انو معه حق
وانو الطلاق هو الحل الانسب لمثل حالتكم وخصوصا انو انتي مطلعة ع خياناتة

.......... لو بيطلق كان سواها
الطلاق قرار ينطق الكلمة وبعدين تبدا المحاكم


مو عد في المحكمة يعني ياشيخ اصلح بيننا ومغط الموضوع علينا

خليك انتي المهاجم هالمرة
وخصوصا ان عندك عذر يخلية مايرفع راسة بين الناس

تقبلي تحياتي

دراما الاسرة والمجتمع