السلام عليكم .. انا عندي مشكلة الاسنان اللي يعاني منها الناس ..

انا أنسان عندي بعض الظروس وغالباً مشكلتها السوسة .. المهم .. انا عندي تأمين وأكتشفت ان التأمين يغطي مستوصف فيه عياده صغيره للأسنان والمشكله للأسف الشديد الدكتور اللي فيها ماهو ماهر ولا متطور.. تخيلو وصلت الى درجه يغطي الاعصاب بحشوه بعد ما يشيل السوس بعد ما يسوي أشعه للظرس ويشوف وش داخل !
أصلاً حتى ما عنده أشعه للأسنان .. cgg cgg

ومضيع وقتي معاه عشان الالام .. تذكرت فيه ضرس عندي مركبه حشوه ثابته يسمونها ( الحشوه الضؤئيه ) قويه وبيضاء وشغل كلام كلام مركبها عند دكتور ثاني في مستوصف تجميل حق أسنان ..

المهم تركت هذا الدكتور اللي على التأمين ورحت بفلوسي لمستوصف الاسنان عند الدكتور اللي ركبت عنده الحشوه الضوئيه .. تخيلو مركبها من 2011 الى اليوم ما طاحت ما شاء الله وبدون كاب .. وقلت له شف وضع أسناني لقى 4 ظروس فيها سوس وأغلبها قطع أعصاب .. انا مشكله الاعصاب عندي بعد ما يهديها المخدر الله يعين ..


المهم أغلب الاسنان فيها سوس زي الجير بدت تطلع في بعض اسناني وانا ابي انظف هاللون الاصفر فمحتاج نصايحكم ناس واجد قالو أترك العدسه والليزر لما لها من تأثير جانبي وترجع بعد فتره بسيطه زي ما كانت وناس قالوو اترك العدسات والليزر وأتجه للتنظيف بالكلوور تنظيف عادي وتلميع بالمكينه بدون النزول العميق في الاسنان وخلصنا !!!


للمعلوميه انا من سكان الشرقيه - محافظة النعيرية ,hmt


محتاج نصحكم !

شكراً dgn

المشاركة الأصلية كتبت بواسطة فرح تايه ~ (المشاركة 3237719) التنظيف والتلميع بالإسكيلر يفرق عن التبييض كل واحد الغرض منه يختلف عن الثاني .. عموما مبدئيا اعمل تنظيف لأسنانك عشان تتخلص من الجير ~ بس ماتتوقع إنك راح تشوف ذاك البياض الناصع ~ لا مجرد نظافة وانتعاش واعمله قبل ما تبدأ شغل في أسنانك مش بعد عشان اللثة لما تكون تعبانة بتطفشك وتطفش الدكتور وقت شيل العصب بكثرة النزف ! ولازم كل 4 أو 6 أشهر حسب تقييمك لحالة أسنانك ولثتك تعمل تنظيف في العيادة .. أما التبييض والعدسات وهالأمور التجميلية تجي بالأخير بعد ماتخلص معالجة كل مشاكل أسنانك .. بس بشكل عام التبييض مايناسب الأشخاص اللي أسنانهم حساسة لأنه غالبا راح تزيد الحساسية ~ أهم شيء العيادة الثقة والدكتور الثقة ..

المشاركة الأصلية كتبت بواسطة أم الدانــــــة (المشاركة 3237819) أنا عملت التبييض بالليزر مرة وزادت حساسية أسناني ماقدر أشرب بارد ولا حار لأيام .. وفوق هذا اسبوع ناصعة البياض وبعدها تدريجيا رجع لون اسناني الطبيعي .. بعد سنين كنت عند دكتور يعالج التسوس في عيادة أخرى وسألني ماودك تعملين تبييض بالليزر ؟ قلت له عملته مرة وألمتني كثير ، قال عجل لا تسوينها دام أسنانك حساسة .. مشكلة اصفرار اسناني من الدم، يعني طبيعة اسناني لونها كذا .. مش كثير صفرة يعني مش زاعجني لونها، بس كنت حابة البياض الناصع ..

المشاركة الأصلية كتبت بواسطة داماس (المشاركة 3237822) وعليكم السلام ورحمة الله وبركاته .. علاج حالتك في خطوات : 1.تبدأ بعمل تنظيف عام للثة والأسنان .. إلا إذا في شيء يؤلمك مثل الظرس الملتهب عصبه تبدأ فيه حتي يختفي الألم .. قد تحتاج لأكثر من زيارة لعمل التنظيف .. 2. علاج الاسنان المسوسة وعمل الحشوات المناسبة 3.الإهتمام بالاسنان واللثة في المنزل وذلك بالتفريش بالطريقة الصحيحة مرتين في اليوم علي الأقل .. استخدام خيط الأسنان لتنظيف ما بين الأسنان .. استخدام مضمضة طبية .. 4. عمل تيجان للأسنان الضعيفة ( حشوات العصب ) 5. اذا حبيت تعمل تبييض تفكر به في هالمرحلة .. التبييض ينفع للأسنان السليمة فقط وهناك انواع للسن المغمق لونه نتيجة علاج العصب ولكن الحشوات لا ينفع معها التبييض .. العدسات والتلبيسات والتركيبات تفشل اذا كانت اللثة تعبانة .. 6. مراجعة طبيب الاسنان كل 6 شهور او اسرع حسب حالة اللثة ..

ولا تنسى السواك ثم السواك
انه وصيه الرسول الكريم
صلى الله عليه وسلم

المشاركة الأصلية كتبت بواسطة فرح تايه ~ (المشاركة 3238043) إذا كانت أسنانك تضرب عليك بعد ما تأكل حلوو أو تشرب شيء حار أو بااااارد مرة معناته عندك حساسية أسنان .. بس إنتظر لما تخلص علاج عصب أسنانك التعبانة عشان تحكم لأنه الحين ممكن الألم يكون مصدره الأعصاب مش حساسية الأسنان .. الخيط بينزل دم ؟ معناته لثتك تعبانة يبغالها تنظيف في العيادة وراح ينزل كل الدم وترتاح .. ومن اليوم الثاني تقدر تستخدم الخيط بدون ولا نقطة دم يطلع أهم شيء الخفة بلاش عنف مع اللثة .. تلبيسة الضرس عمري ماسمعت إنها تتأكل أهم شيء إهتم بصحة فمك بشكل كامل عشان تتجنب التهابات اللثة حول الضرس اللي عامله تلبيسه ..