اسكن قرب اهل زوجتي او اهلي ، ارائكم
 

السلام عليكم


انا مقبل على الزواج و لله الحمد وتبادر الى ذهني سؤال , هل تنصحوني ان اسكن قريب من اهل زوجتي ام من اهلي ؟

انا اعيش في مدينه كبيره و المسافه من بيت اهلي لبيت زوجتي تاخذ ساعه .

انا خوفي من ان لو سكنت بجوار اهلها راح تطلب يوميا انها تزورهم او هم يزورونا

ايش رايكم في الموضوع؟




تم تعديل العنوان ليتناسب مع المضمون

رد: اين تنصحوني ان اسكن ؟ قرب اهلي ام اهلها
 

طيب على هالاساس ممكن هي ترفض او تعارض سكنكم جنب اهلك لنفس العذر..

هذا اذا كنت تشوف سببك منطقي :/

الاسئلة بهذا القسم عجيبة.. وباين انها لشخص يفكر مطولا حتى يستهلك الفكرة ويهولها..

مشاكل مثل هذي "في حاااااال حدثت" بعد الزواج ماراح تشغل الحيز اللي متخيلينه من حياتكم

وتنحل ببساطة!!!

اسكن قريب من مقر عملك وبالحي الافضل.. مو مهم قريب عند مين..

الظروف تختلف وكل واحد يدور اللي يناسبه.. مثلا في حال كان دوامك جدا طويل اقترحنا عليك تسكن قريب من اهل زوجتك عشان تروح لهم بسهولة

ومثلا لو انت انسان كسول والطلعة معاك بطلعة الروح وتتعيجز توديها عشان الطريق نصحناك بنفس الشي انك تسكن قريب من اهلها

وهكذا...

واذا مسبب لك الموضوع مشكلة ناقشها واتفق معاها.. شدعوة تحسسونا جايين من الفضاء وتتكلمون بلغات مختلفة

رد: اين تنصحوني ان اسكن ؟ قرب اهلي ام اهلها
 

ههههههههه والله صدقتي
يا اخي الزوجة تتبع الزوج وليس العكس يعني اختار المكان الا يناسبك وحتى ما يحتاج تشاورها ان شاء الله في مدينة ثانية
معقولة هذا سؤال

رد: اين تنصحوني ان اسكن ؟ قرب اهلي ام اهلها
 

البعد عن بيت اهلها راحة نفسية ومعنوية ومادية
واستقرار اسري ليس لة مثيل ابعد حبة تزيد المحبة

رد: اين تنصحوني ان اسكن ؟ قرب اهلي ام اهلها
 

الله يوفقك اخوي ويكتب لك الخير

السكن انت اللي تحدد المكان وهي تتبعك اهم شئ يكون ملائم واذا انت بتستاجر مافيه مانع تسكن بالوسط بين اهلك واهلها او ما يناسبك مثلاً زميلي موظف وزوجته موظفة وعنده طفل اضطر يسكن قريب من اهلها علشان لما يطلعون الصباح لدواماتهم يحطون الطفل عند اهلها فيه امور تحكمك وتجبرك وفيه غير كذا

وحدد الموضوع من الآن وترا الموضوع مو سهل مثل ما انت مفكر او غيرك مستسهل الموضوع

لا ترا انا سبب طلاقي الرئيسي مكان السكن وان طليقتي كانت تبي تفرض علي تغيير مكان السكن فإنتبه

ممكن تطلب منك الانتقال بعد كم سنة الى جانب اهلها او قريب من مكان وظيفتها والاجارات بالحي تكون دبل

فحدد مكان سكنك من الآن ويكون مناسب لوضعك المادي ولو بتغير مكان السكن يكون لانك تبي تغير مو علشانها تبي لو فتحت باب التغيير علشان هي تبي واريح لها والله ما تخلص

اما موضوع زيارة اهلها من البداية عودها على رتم معين ان ارخيت لها الزيارات بالبداية كل يومين رايحه ماتقدر تغير هالنظام بعدين مو مشكله اهلها وتحبهم واهلك انت وتحبهم بس استقروا ببيتكم وزيارات محدده

اما متى مابغت قالت لك اخوي بياخذني انت تتاخر بدوامك او انت تطلع تقولك ودني كل يومين ترا بتتعود لما تتعب وتقول مافيه روحه ماراح تتقبل رفضك وتقول تحرمني من اهلي

رد: اين تنصحوني ان اسكن ؟ قرب اهلي ام اهلها
 

...........


ولكن الاستقرار الاسري مطلب الرجل قبل المرأة
المراة يهمها توجدها في بيت الاهل علي مدار الساعة
بحكم القرب والرجل يهمة وجودها بالبيت كونها زوجة
استقلت في بيت زوجها لتكوين اسرة مطلبها الاستقرار
فهناك فرق بتفكير طبعا ليس كل النساء بهذي النظر
والحمدالله هن قلة ولكن لكل قاعدة شواذ

رد: اين تنصحوني ان اسكن ؟ قرب اهلي ام اهلها
 

عشان ترتاح انت واياها نفسيا ولمنع تدخل أهل الزوجه والزوج اسكنو في الوسط لا هنا ولا هناك

رد: اين تنصحوني ان اسكن ؟ قرب اهلي ام اهلها
 

اطلب راحه بالك واسكن قريب من عملك اسهلك فالطلعه والدخله

والله يسسسر امرك🌷🌷

رد: اين تنصحوني ان اسكن ؟ قرب اهلي ام اهلها
 

مبارك عليكم والله يتمم لكم بالخير

أتصور أقرب لأهلها أفضل...بس لا يكون القرب اللي تروح وتجي مشي برجولها..

لأن الرجل يطلع ويجي دائما ... لكن المرأة ما تطلع غير لبيت أهلها،
فكونها قريبة منهم..فهذا الشيء يريحك خاصة لو كنت شخص اجتماعي وطلعاتك من البيت كثيرة


الله يهنيكم ويجعله منزل عامر بالطاعات والمسرات

رد: اين تنصحوني ان اسكن ؟ قرب اهلي ام اهلها
 

اذا زوجتك تشتغل او تدرس او تفكر تشتغل او تدرس فالافضل بالقرب من بيت اهلها .. واذا لا فبرأيي منطقة بالوسط .. مشوار ربع ساعة لبيت اهلها ومشوار ربع ساعة لبيت اهلك .. ولا راح تتعب بالمشاوير ان شاء الله .. لكن سكنك بالقرب من بيت اهلك لا فائدة منه ..