|
لازلت راغبه بعودة ابو بنتي لي
السلام عليكم ورحمة الله
عارفين موضوعي من قبل 6 شهور ماخلاني أنزل موضوع جديد إلا لاني ابغى مشورتكم ورجاء لأحد يقول أنتي باقي تلفين وتدورين في نفس الموضوع رجاء بدون كلام قاسي هذي بنتي قلبي يتقطع اذا شفت طفل مع أبوه أهلي بعد ماكانو يقولون عن طليقي انه أشباه الرجال ذلحين يقول مافيه زيه وأنه رجال وامي تقول طليقك احسن من ولدي صدق شئ يحرق القلب يسمعوني كلام يوجع فوق ذا اقول الحمدلله ابتلاء من ربي عندي واحد من عماني رغم صغر سنة إلا أن عقله يوزن بلد ماعجبه كلام عمي الكبير يوم يقول لطليقي اذا تبغى تشوف البنت تعال في شقق مفروشة قال أنا بكلمه كلمه على طول طليقي قاله كيف النونو قال عمي النونو تنتظر شوفتك طبعاً فهمه عمي أن البنت اذا تبغى تشوفها الله يحيك أهل البيت مرحبين فيك والكلام الي وصلك من أخوي الكبير مو من عاداتنا قال ماقصرت وانا بجي يوم من الأيام عمي يقول يبغى يشوفها صار عمي يرسل له صور للبنت رد برد للأمانة واضح انه حزين ومو عاجبه وضعه وان بنته تكون بعيد عنه بعد ماولدت يقول تجيبون البنت لي في المدينة الي هو فيها الاسبوع الي راح صارت ظروف صعبة لي من أهلي قام عمي الكبير كلمه قاله تبغى نجيبها لك يشوفونها أهلك قال لا انا بجي قريب. بس مشغول ذي اليومين لاحظو تغير رده لو قلنا عشان النفقة والمصروف هو يعرف رقم حساب ابوي ويقدر يحولها له حسيت رده تغير الكل يقول يبغى يشوفها. . لاكن واضح و متأكدة أنه متفشل من أهلي. طليقي فيه تردد ضعف شخصية يكابر شفته في موقف كان متردد لو ماجلست اشجعه ماكان سوا ذا الشئ ذلحين شورو علي وش أسوي بموت من الهم البنت بدأت تكبر وأبوها ماشافها إلا بصور هو يوم حس أن أهلي بمرحبين فيه تشجع سؤالي هل أخلي عمي يرسله صورها ولا يوقف عمي كل أسبوع يرسل له صورتين رجاء رجاء رجاء لأحد يرد برد قاسي انا مانزلت الموضوع الى ابغى حل ............. الله يكتب أجري الله شاهد قد ايش سعيت لأجل ينصلح الحال وبنتي تشوف أبوها حتى لو هو قاسي وظالم وانا متأكدة أن ربي يوفقني لأنه عالم بنيتي دعواتكم الله يحنن قلبه على بنته ويسخره لها |
رد: طليقي وابنته
غالبا ردت فعل أهل الزوجة خصوصا تزيد في التأجيج .. إلا من رحم ربي
الزمن كفيل بحل اغلب المشاكل |
رد: طليقي وابنته
الله يفرج همك
انتي حاولتي بصلح معة بعد الطلاق عشان ربي يجمع شملكم |
رد: طليقي وابنته
حياة مش دئما مثل ما بنتخيل
انا بنص تبحثي عن جدوة لا صلح انظري من ناحية الايجابية لا موضوع جوزك و مشاكل كل البشر بضحي لعلو خير انتي عندك اطفال اعملي شان الهم حاولي تصلحي من زوجك لا تخافي عمل طيب ما بضيع في رب مطلع على كل الامور استهدي برحمان ربنا يسر الك الخير وين ما كان |
رد: لازلت راغبه بعودة ابو بنتي لي
اقتباس:
|
رد: لازلت راغبه بعودة ابو بنتي لي
محد له الحق يقسى عليك يافرح بالأخير هذه حياتك وأنت بتعملي كل الي تقدري عليه علشان بنتك أولاً واخيراً واذا ربي كاتب رجوعكم بترجعوا لبعض
انت نفسها الي أنفصلتي عن زوجك بسبب أهله وتدخلاتهم وعصبيتك اول الحمل بس علشان أتاكد لانك مغيره الاسم |
رد: لازلت راغبه بعودة ابو بنتي لي
الله يجمع شملكم عاجلا غير آجل يارب الله يسخره لك...ادعي في صلاة الليل وابكي على سجادتك واكثري استغفار وربك كربم جواد رحمن رحيم.
|
رد: لازلت راغبه بعودة ابو بنتي لي
رجعة طليقك بيد اهلك
متى ما كلمه ابوك بنفس اسلوب عمك وترحيبه وقاله حياك الله وتعال شوف البنت مو عاجبنا البنت تتربى بعيد عن ابوها بيجيكم ركض لايجيب طاريك بس يوضح له ان البنت بنتك ولها حق تشوفك وتتعرف عليك وتشوف اهلك انتوا عزوتها ومن هالكلام وانا اقول لاتستبقين الاحداث وتطلبين ان يعود لك خليه يعود الى بنته اولاً ويقوم بمهامه كأب وهنا انتهى دورك وقتها عاد هو يبي يبادر ويرجعك الحمدلله خير وبركه ماجاب طاري الرجعه واكتفى بزيارة بنته الحمدلله بنتك ابوها صار قريب منها |
رد: لازلت راغبه بعودة ابو بنتي لي
زوجك راح يرجعك بس انتي لاتستعجلين
لازم تكون كل خطواتك محسوبه التسرع ماهو في صالحك استغلي وقتك بالقراءة عن الحياة الزوجية واقرأي عن شخصية زوجك اعرفي نقاط الضعف وتقاط القوة فيها اتمنى انك لقيتي وظيفة تنشغلين فيها عن التفكير وزوجك صدقيني لو بغى يجي يشوف بنته مافيه سبب ولاقوة تمنعه |
رد: لازلت راغبه بعودة ابو بنتي لي
اختي اشكثر صار لكم منفصلين
ممكن رابط الموضوع الأصلي؟ |
| الساعة الآن 11:22 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©