معاملة زوجي السيئة لي ..
 

السلام عليكم

انا متزوجة من4 سنوات عندي طفل عمره سنتين

زوجي ما يحترمني ويعاملني كخادمه ودايم يضربني ضرب مبرح ع اشياء تافهه لدرجة ان جسمي يزرق ويطلع لي براسي نفخات مثل مره ضربني علشان كنا نتعشى وامه تلفضت بألفاظ قبيحة ( انتي تُحبين العصب من اللحم وقصدها شيء اخر) كمزحه معي امام زوجي وخواته وما تقبلت انا الووضع واحرجتني كثير وقمت فقط من العشاء ويضربني و يقول ليش ماتحترمين أمي اذا مزحت اضحكي وانا لا أحب هذا المزح..دايم بيننا مشاكل يختلقها هو وانا الان مريضه بالاكتئاب النفسي الحاد وأخذ حبتين سابرليكس في الظهر ونص حبه رسبدال في الليل والسبب مشاكل زوجيه..والآن انا عند اهلي رحت عندهم اجلس يومين او اكثر واتصل علي زوجي يقول بأجي أخذك قلت له انا تعبانه ما اقدر اجي الليوم واتصل فيني في منتصف الليل وأهلي نايمين قلت بعد يومين أجي قال اذا ما جيتي بكره انتي طالق وبعدها بنصف ساعه اتصل يقول لا ترجعين انتي ما تحترميني ولا تجين بكره وانتي طالق..وكنت حائض وهذه المره الثانيه يطلقني لسبب تافهه وانا حائض طلقتين وانا حائض وبعدها ب3 ايام أتى لأخذ ابني هو وابوه وبعدها بيومين ارسل لأبوي خل بنتك ترجع بيتها انا استفتيت وأبغاها ترجع بيتها..انا خلاص ما ابغى ارجع له ورد عليه أبوي وقال له أريدها تجلس عندي فترة علاجها اخذ ابني عنده 4 ايام ورجعه.
سؤالي: انا خلاص تعبت منه وما ابغى ارجع له هل أقدر اخلعه؟ وماذا لي وماذا علي؟ وماذا عن ابني انا أريده ان يعيش معي؟وهل ارجع له فلوس علماً بأنه باع ذهبي ويأخذ كل ما أحصل عليه من فلوس من عند أهلي ومن حافز ؟؟





تم تغيير العنوان ليتناسب مع المضمون

رد: زوجي متخلف وأمرضني
 

الله يفرج همك ويصلح زوجك ويشفيك اختي

رد: زوجي متخلف وأمرضني
 

وعليكم السلام
وليش تخلعيه حبيبتي
خلي الخلع اخر حل
لان اذا خلعتيه راح تدفعي له المهر
واذا كان يضربك ضرب مبرح لو ماخذ بنفس الحزة تقرير طبي كان طلقك القاضي على طول
وتقدري تقولي للقاضي انه يضربك ان طلقك خير
اما اذا لازم تقرير وعندك قدرة تدفعي المهر فخلعيه فراحتك اهم من الفلوس
افالخلع لازم ترجعي له المهر
اما بالنسبة للحضانة فكل دولة تختلف عن الحضانه
واتوقع انتي من السعودية ان كنتي كذلك فاعتقد انه الحضانه للام واذا بلغ سن 6 سنوات
تروح الحضانة للاب
وبالنسبة انه باع ذهبك واخذ حافزك فهذا ماله علاقه هذا يا انتي عطيته برضاك او انك عطيته بدين
ان كان دين فابمكانك اخباره باسترجاع المبلغ اللي اخذه منك واما م القاضي وان انكر حلفيه على القران فان كان فيه خير فماراح يحلف وذيك الساعه خليه يكتب لك شيك بالمبلغ اما اذا انكر فالله حسيبه
الهله يفرج همك

رد: زوجي متخلف وأمرضني
 

احسبي حساب ما بعد الطلاق قبل كل شيء

هل اهلج مستعدين يستقبلونج انتي وولدج ؟
هل عندكم مصدر رزق ؟

اول شيء مهدي لأي مرحلة قبل الدخول فيها
ابحثي عن عمل واستفتي اهلج بموضوعج

رد: زوجي متخلف وأمرضني
 

ايش الايجابيات اللي تخليك تبقين معاه؟ غير ولدك..

هل اهلك يدرون بكل اللي يصير لك معاه؟

عزيزتي انتي مريضة وكل هذا يخلي حالتك تنتكس وتتعقد

مافي شي الزم عليك اكثر من صحتك! وش بعد الصحة اذا فقدتيها؟

جسدك امانة عندك.. شلون تقدرين تربين ولدك بهالحالة؟

رد: معاملة زوجي السيئة لي ..
 

إنا لله وإنا إليه راجعون ، وحسبنا الله ونعم الوكيل ، ولله قصص تبكي وتؤلم ، لا أدري أين الرجولة أين الإسلام أين الخوف من الله ؟؟؟ أسأل الله أن يصلح حالك ويحفظك ويرفع عنك الظلم

رد: معاملة زوجي السيئة لي ..
 

لا حول ولا قوة الا بالله ..
أختي اذا كان رجوعك له منفعه لك اكثر من المضره فأصبري واحتسبي ..ولكن !!!
أشرطي عليه ما يمد يده عليك ولا يتشمت بك ..
وابلغي والديك بذلك خلي الرجال يتعامل مع الرجال ..ويحلونها .

رد: معاملة زوجي السيئة لي ..
 

خليك عند اهلك وركزي على نفسك صحتك نفسيتك وعلاجك واعتبريه ميت حالياً
وخلي الأمور لوقتها ما انصحك ترجعي له وإنتي في وضعك الصحي هذا ولا مع سوء طبعه في الضرب والتجني عليك

رد: معاملة زوجي السيئة لي ..
 

ليش ساكته على الضرب ? يحق له يتمادى ... المفروض اذا ضربك روحي المستشفى وطلعي تقرير واشتكيه على الشرطة وهذا القرار يعزز موقفك في المحمكة لو طلبت الطلاق منها ما ترجعي المهر ومنها تكسبي حضانة الولد ....

رد: معاملة زوجي السيئة لي ..