اشياء ابي اسويها بعد ما استلمت صك طلاقي
 

1/صك اعاله
2/الضمان
3/الاسكان
4/قرض
.....
ابي تقولون لي وش المطلوب بكل شيء من إجرائات
وكم تاخذ وقت
صك الاعال وش مطلوب علشان استخرجه
الضمان كم راح يعطوني وهل ابداء استلمه مباشره من اول شهر قدمت فيه وولدي راح ياخذ معاي شيء
وكمان المقطوعه كيف طريقتها

والاسكان بالتغصيل
والقرض قالت لي وحده بيعطون 60 الف اسددها شهرين بالي اقدر عليه اقل شيء اسدد ب400 مئه


الله يسعدكم بالتفصيل

رد: اشياء ابي اسويها بعد ما استلمت صك طلاقي
 

اول شي تصدقي لو بشق تمره
واشكري الله على نعمهً
ماعندي فكره عم الي قلتيه
لكن شي حلو انك تسعين لتامين حياتكم
وفقك الله

رد: اشياء ابي اسويها بعد ما استلمت صك طلاقي
 

بالنسبه للضمان تسجلين فيه وبعد ثلاثه شهور ينزل في حسابك 1000 كل شهر والمقطوعه تنزل عشره الأف كل سنه ولدك مايدخل معاكي في الضمان لأن المفروض مصروفه على والده
بالنسبه لصك الاعاله اظنه من المحكمه ومو سهل الحصول عليه لازم تثبتي بشهود ان الولد مايصرف عليه ابوه
بالنسبه للاسكان والقرض لازم تكوني موظفه علشان يضمنون السداد
انا بس حصلت على الضمان والمقطوعه والباقي ماقدرت . هذا حسب علمي واجتهادي

رد: اشياء ابي اسويها بعد ما استلمت صك طلاقي
 

ناويه باذن الله ع الصدقه يارب تقبلها
الضمان بس1000 بالله وش تسوي
وهل اذا توظفت يستمر الضمان او ينقطع؟
وكمان المقطوعه سمعت انها صارت 15 الف !!
وبالنسبه للاسكان والقرض
انا سمعت انو الاولويه للمطلقات
وعادي مايمدي اسددها من الضمان ؟!

رد: اشياء ابي اسويها بعد ما استلمت صك طلاقي
 

يا اختي افتحي موقع الاسكان وشوفي الشروط والله يرزقك من فضله

رد: اشياء ابي اسويها بعد ما استلمت صك طلاقي
 

والوظيفه ايضآ الاولويه للمطلقات والارامل واليتيمات
قدمي ملفك بآكثر من جهه ، واذا عندك طفلات صغار
الافضل حضانه او روضه
واذا حافظه 5 اجزاء او اكثر من القران تقدمي علي تحفيظ قران الدوام فيه جدآ ممتاز الساعه 12 ينتهي وفيه حضانه لااطفال المعلمات بكل دار تحفيظ ، واجر بإذن الله
خذي دورات سكرتاريه ، إدارة بنوك ، لغه E ، كمبيوتر تفيدك كثير بالوظايف
اذا عندك مبلغ صغيرون سوي لك مشروعك الخاص

القروض لو مو موظفه لازم كفيل والله اعلم
لو معك شهاده جامعيه ، تقدري تعطي دروس خصوصيه تآسيس اطفال لمادة لغتي
انا دافعه مبلغ وقدره لمعلمة بنتي عليها بالعافيه يارب ، تعطي بنتي دروس تآسسها بمادة لغتي ورياضيات
وطلعت عيني لين لقيتها وترجيتها بعد عشان تقبل بالمبلغ الي تحب ،

سمعت ان الملك سلمان وجه بدراسة اوضاع كل العاطلات وتوضيفهم يعني لو ماقدمتي علي جداره قدمي
ولو تبي وظيفه بالتدريس الافضل تختاري إداريه لاانه مو لازم امتحان قدرات الي عقدنا

وكآني سمعت ان لكل مطلقه قطعة ارض من الدوله بس لازمها تقديم وشروط وركض
الله يوفقك يارب ويسهل لك كل صعب

رد: اشياء ابي اسويها بعد ما استلمت صك طلاقي
 

الشرط أن تكون الزوجة مطلقة وهي العائل لأولادها بشرط أن يكون قد مضى على طلاقها سنيتن أو أكثر.

رد: اشياء ابي اسويها بعد ما استلمت صك طلاقي
 

ربي يسعدكم
لاهنتوا جميعاً