|
ضميري يؤنبني علئ طلب الطلاق
مرحبا
معليش الموضوع ملخبط شوي jytt سبق ونزلت موضوعي هذا في قسم ساعدوني: http://www.66n.com/forums/showthread.php?t=258955 المشكلة اللي اواجهها الآن أني ناشبة في دوامة بل دوامات ، ماني قادرة أنسى ،وتأنيب الضمير ذابحني! وكل ماكرّهت نفسي فيه القاني انساه شوي وارجع بطريقة أقوى من قبل ، تفكيري مشوش وحالتي حالة عجزت استقر وأرضى. اللي مصعب علي الموضوع أكثر تأنيب الضمير. أحيانا أميل لأن كلانا مخطئ لكن أحمله القسم الأكبر من الخطأ ، وأرتاح لما أفكر بهالطريقة ، لكن بسرعة ينقلب الحال وينغزني قلبي وأقول لو أنا ظالمته كيف بعيش؟ كيف بتوفق؟.عجزت أنساه وعجزت أحارب تأنيب الضمير ،عجزت أتخلص من الفكرة اللي تلح على راسي بالرجوع مع أني ماشوفها فكرة كويسة أن طلب الرجعة يجي مني ومادري أصلا وش ردة فعله يمكن مايبيني لو ارجع. أحيانا أدخل في حالة غضب عميق اتجاه المجتمع كيف أعاقب وهو لا؟ ليه مالي أي خيار جيد وهو ممكن يكمل حياته متى مابغى؟ عجزت أقاوم مشاعر الغضب ، عجزت أقاوم مشاعري اتجاهه..عجزت أتخلص من فكرة الرجعة وماقدر انفذها بنفس الوقت فيه شي داخلي رادني..الآن عالقة بالمنطقة الرمادية..لاني لاهية ولا انا معه..ولااعرف كيف انسى على الأقل وارتاح jytt كيف ننسى؟كيف اتخلص من تأنيب الضمير؟هل أصلا تأنيب الضمير هذا في مكانه؟ وش اسوي ضايعة تماما..شتشوفون؟ تم تعديل العنوان ليتناسب مع المضمون |
رد: هل أنا صح أو لا؟وكيف أنسى؟
|
رد: هل أنا صح أو لا؟وكيف أنسى؟
متأكده انه تغير ؟
|
رد: هل أنا صح أو لا؟وكيف أنسى؟
عزيزتي آْنَتي محتاجه جلسة صراحه ووضوح مع نفسج اولا
ومايضر تمسكين ورقه وقلم وحددي واكتبي بكل وضوح وإلغي شعور العذاب بالضمير لان مافي فايده من هذا الشعور ورددي بينج وبين نفسج انا ماقصرت سويت اللي عليّ وأكثر خليج قويه لا ترددين كلمات العجز عجزت عجزت كل شي بيدج آْنَــْتي صدقيني محد راح يساعدج اللي نفسج اللي بين أضلعج حاوريها بهدوء وفضفصي اذا عندج صديقه حكيمه كلميها لان الكلام والكتابه يرتب افكارج ويقودج انتي للحل . |
رد: هل أنا صح أو لا؟وكيف أنسى؟
اقتباس:
أشوف مشكلتنا مختلفة مبدأيا قريت الموضوع فقط ، هي تحمل حالها الغلط أنا وضعي مختلف أخاف أطلب منه ومايوافق وحتى لو وافق يترسخ عنده فكرة أنه كان على حق وأني رجعت وأنا عارفة أنه كذا بينما الواقع أنا مو شايفة نفسي غلطانة ١٠٠٪ اقتباس:
اقتباس:
وأحيانا أقول إذا كذا سوا فيني أول الزواج شلون بعدين! |
رد: هل أنا صح أو لا؟وكيف أنسى؟
عزيزتي بعد قرائتي للموضوع في الرابط اللي وضعتيه
لاحظت فعلا ان المشكله عاطفيه انفعاليه مشكلتنا اختي ان الزوج الخليجي تربا على فكرة زواج خاطئة وكمية انانيه الا مارحم ربي ( انا اتزوج عشان أجد زرجه تريحني ، تهتم فيني، تقوم بشغلي، تشوف لقمتي ، تهتم بملابسي) (والبنت تربت على فكرة ان الزوج راح يهتم فيها وقت المرض ومايطالبها بطبخ وتنظيف ،يمسح على شعرها اذا طولت بالنوم يداري مشاعرها اذا غضبت يسامحها اذا انفعلت ) فا يصير تصادم الافكار والقناعات والرغبات وكثرت حالات الطلاق ..... اتوقع طليقج اختي فترة زواجكم كان يعتقد ان مهما ينتقد ويفعل انتي راح تحتوينه وتهدين حدته وتبتسمين في وجهه ولكن انتي كنت مستاءه وحزينه وتعاظم هذا الشعور يوم ورا الثاني ليما ولد الاحباط عزيزتي انا مريت بنفس مشاعرج ليما قعدت مع نفسي وفهمت ان الانفعال والمشاعر السلبيه والانفعاليه ماراح تفيدني هذا النوع ماينفع معاه الا أخذ الأمور بانشراح وطيبة خاطر واسمع من إذن واطلع من الإذن الثانيه وأخلي الابتسامه ماتفارق وجهي وأكون دايما سعيده وخليه ينتقد يزعل يعصب مثل مايبي اهم شي انا لازم اكون مرتاحة من الداخل عشان طليقج شخصيته شمالي متطرف |
رد: هل أنا صح أو لا؟وكيف أنسى؟
شعورك شعور أي فتاة تحس بالخيبة
والقلق من المجتمع والمستقبل .. توكلي على الله سبحانه وتقربي منه ، انا اشوف تعيشين بهالنفسية .. ولا تعيشين مع شخص مثله .. الا إذا أهو تغير والتحق بدورات .. واستوعب غلطاته .. فأقول ممكن ترجعين له لانه ليس سيء اصلا هو ( جاهل ) فقط ! لا يحسن التعامل مع مشكلاته ، ولا مع المجتمع ولا يعرف كيف يحافظ على خصوصيته شخصيته تحتاج لتوعيه ومناصحة وتوجيه ومجهود جبار في التغيير ( مع وجود الرغبة لديه ) |
رد: هل أنا صح أو لا؟وكيف أنسى؟
اقتباس:
كنت متنازلة عن الكلام حلو، حتى في شهر العسل كان أقصى طموحاتي أنه يكون محترم ولبق.أنا مابي واحد طول الوقت يقول كلام حلو لكن يهمني الاحترام والأمان وإذا احتجته يكون موجود هذه أولوياتي.الكلام الحلو والرقة الزايدة حلوة ان جت مع الباكج وان ماجت امر الله شق القربةdfh مشكلته الأسوأ أنه مايعرف يحتفظ بمشاكله جوا البيت أحس أن كل شي يسوي له إعلان يقهرني مابي احد يتدخل أحس المشاكل سهل حلها اذا صارت داخل البيت على الأقل ماتحسين أن كرامتك انمسح فيها الأرض عند الناس -حتى لو اهلك او اهله-لكن لما تطلع يصير صعب جدا حلها. |
رد: هل أنا صح أو لا؟وكيف أنسى؟
اختي الاكتئاب متى كان معاج قبل الزواج ولا بعده
|
رد: هل أنا صح أو لا؟وكيف أنسى؟
اقتباس:
اكتئاب تفاعلي مو اكتئاب بسبب كيمياء المخ..يصيب الشخص بسبب ظروفه وينتهي بانتهاء الظروف. |
| الساعة الآن 08:30 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©