|
كيف يفكر الرجل من هي المراه التي لايستغني عنه
السلام عليكم جميعا
يااخواني الرجال على وجه الخصوص ياليت تفيدوني لان تفكيركم مقارب انا زوجي كذب علي بسفراته كان يقول دوله وتطلع دوله ثانيه وشي ثاني مرتين اكتشف علاقه بالوتس اب وحده مستغلته بطلب الفلوس والثانيه كانت اتوقع راسمه على شي لان كلمتها على اساس زوجي فكانت سوالفها ان انا بالمطبخ وقاعده اطبخ يعني مسويه نفسها سنعه من بعدها انا صرت انسانه شكاكه درجه اولى اشك بكل حرف بكل كلمه بكل فعل بكل تصرف ومرات كثيره اطلع غلطانه وزوجي يكون فعلا ماعنده شي الشي الثاني اهل زوجي الاغلب معددين فعندي هاجس ان يعدد دايم اقول لنفسي هو باول زواجي مااسعدني ولا قدرني فاكيد بيجي يوم الله لايقدر واستغفر واقول لازم اضن ضن خير بربي لان اشوف اللي مدلعها زوجها يطلع مع الايام معدد شلون انا اللي موريني الويل هل احساس المره بالخوف يحس فيه الرجل هل الشك يحس فيه الرجل وممكن يفسد اخلاقه وش الحل متى تشوفون البنت هذي مستحيل ينوخذ عليها وش الامور |
رد: كيف يفكر الرجل من هي المراه التي لايستغني
كبرنا عليه .. الحل بيدك حبيبتي
بعض الرجال نعطيهم اكبر من حجمهم اول شي تفاهمي انتي وهو على سبب كذبه لك خليه يحطك بالصوورة على اي سفرة ممكن يسافرلها مو حلو يتعود الزوجين ع الكذب اما حكايه الخيانه فالله يهدي شبابنا اللي طاحو في شر ههالتكنولوجياا ... الله يخارجنا منها على خيير وحكايه التعدد ماشا الله طلعوا رجاالنا فيهم الخير وويبون يطبقوون السسسنه وهم اغلبهم مايعرفون المسجد الا بمزاجهم hhggr |
رد: كيف يفكر الرجل من هي المراه التي لايستغني
طيب اجاوبك من الاخير..
طبعا يعرف انك تشكين او تراقبين... بس مايقولك.. مشكلتك تتعلق بطبيعة 'شخصيتك زوجك نفسهاا.. و بك انتي.. يعني موضوع السفر هذاا ترى عادي.. كثير عندنا يسوون مثل كذاا... بتفكيره يغير روتين و يجدد حياته شوي.. يعيش شبابه.. هذي ما تأثر على علاقتكم ان شاءالله.. لكن الخطير هووو العلاقاات.. خصوصاا المراسلات هذي.. اول شي.. زوجك واضح يحب النساا.. يعني كونه متزوج و يسافر و له علاقتين ع الاقل بنفس الوقت.. هذااا.. طبعه كذاا خلص.. وش ماتسوين ما يتغير الا اذا الله هداه.. او مع الوقت.. انا اعرف كثير كذاا ما يتغيرون.. حتى لو ينكشف.. وتمسكه الهيئة بيظل نفس وضعه.. لأن الجو اللي حوله يشجعه.. اول شي بالنسبه لك... لايكون هو اكبر همك.. و لا تزيدي المشاكل بينكم.. خليك عاديه.. ذنبه على جنبه.. انتي انتبهي لنفسك و له بحدود.. دامه يلبي طلباتك.. ماهو مقصر.. مثلاا بحقوقك.. خلص انتظري لحد ما تجيبين عيال يونسونك.. وهو بكيفه.. اللي يبيه سويه له... ترى كثير متزوجاات نفس الوضع.. بس وش تسوي! تبين تخربين حياتك؟ خليك حليله معه.. مع الوقت تكسبينه.. لأنه راح تجي هالعلاقات على راسه بيوم.. ومايلقى غيرك... ف' خففي شوي من تصرفاتك وردت فعلك... اتكلم لك من خلال الواقع.. بعيد عن المثالياات الصبرررررر زين.. |
رد: كيف يفكر الرجل من هي المراه التي لايستغني
تقولين هل الشك
ممكن يفسد اخلاقه.. وش يفسد اكثر من كذا الله يعينك ويصلحه ويهديه.... |
رد: كيف يفكر الرجل من هي المراه التي لايستغني
يارب يسعدكم ويفرج همكم اسعدتوني بردودكم
انا ولله الحمد املك طفلين بس يارب يسامحني عصبيه معاهم مجنونه من نفسيتي واعصابي وهو ربي مايعجزه شي اسال الله ان يهديه ويصلحه |
| الساعة الآن 11:20 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©