زوجي لايراعي نفسيتي بعد وفاة والدي
 

السلام عليكم ورحمة الله وبركاته

رجعت لكم هالمرة بغصة .. نفسيتي دمار بعد وفاة والدي الذي كان كل حياتي وأقرب الناس لي .. زوجي وقف معي أيام العزا بس من بعد مارجعت بيتي حسيت انه مايراعي نفسيتي .. اذا تعكرت نفسيتي من شي معه مباشرة اتذكر والدي وابكي وهو مايهمه ولا يداريني اقل شي في هالايام وابوي ماكمل اسبوعين من وفاته .. الجمعة الماضية سافرنا مكان نغير جو وصار بيني وبينه حوار اخذت في خاطري وهو عصب ورجعني حتى من دون مانتعشى وهو يقول انتي فيك وانتي فيك وانا تضايقت لانه مو مقدر وضعي النفسي بسبب فقدي لوالدي .. وقعدنا ثلاث ايام متزاعلين وهو مايفكر يراضيني بالعكس صار يخاصم على الطالعة والنازلة .. قلت له انا عمري ماشفت اقسى منك .. وقلت له انت اصلا منت مقتنع فيني ومنت ملزوم فيني ومتى ودك علمني اجمع اغراضي .. مارد علي .. بعد ثلاث ايام قلت اراضيه انا ارسلت له رسائل حلوة وبعدها رجعت الامور كعادتها وعاتبني لما قلت له انك قاسي قال انتي مايبين بعينك بالرغم كل اللي اسويه لك .. يعني يمن علي اذا اهتم فيني وكذا.. فقلت له له لا انت ماتقصر وهي كلمة وخرجت .. البارح حسيت ان نفسيتي متضايقة وهو كان جالس معي وصارحته بكذا قلت له احس بضيقة ونفسيتي مدري كيف عشان مايحس اني متضايقة منه او شي .. قام شال نفسه دخل نام .. اليوم الصباح تكلمنا وضحكنا مافينا شي وداني دوامي واليوم اخر يوم دوام .. طبعا البارح قلت له انا بنطلع الساعة9 بس قلت له مو اكيد قال اذا اكيد بستناك بعدين بداوم قلت والله ماادريمو اكيد واخاف تستناني بعدين اخرك وما اقدر اطلع 9 .. الصباح اليوم سألته بتستنى ولا لا قال لا انتي بتتأخرين وانا بتأخر على الدوام قلت خلاص .. على الساعة8ونص قالي وش الوضع قلت بيستأذنون الموظفات على9 بس انت ماعليك لاتشغل بالك بنتظرك لحد ماتخلص شغلك .. قالي صاحية انتي انا ماداومت .. انتظرك .. قلت والله ماكنت ادري .. قال انا الغلطان وانتي مريضة واصلا انتي من البارح منفسه وتحبين النكد .. قلت والله العظيم ماقصدت شي على بالي انك داومت وانت ماعاد تتحمل شي مني ليش .. قام يعصب قلت خلاص روح دوامك وانا اسفة اني أخرتك .. قال انتي مريضة وبجيك على 9 ولاتكثرين حكي والضغط واصل الف .. وواصلني وراح..

طيب انا وش ذنبي في اللي صار كله؟؟
احس الحياة معه صارت صعبة كل يوم والثاني زعل ومشكلة.. صار مايتحمل مني شي..

تعبت والله وافكر اقوله ان الامور بيننا كل مالها تتعقد والظاهر اننا مابنتحمل بعض وصعب نعيش مع بعض ..

وهو مو مقدر نفسيتي وحزني على أبوي .. كيف اسوي كيف اتصرف معه؟


تم تعديل العنوان ليتناسب مع المضمون

مستجدات
الرد 33
http://www.66n.com/forums/showpost.p...7&postcount=33

رد: حياتنا صارت صعبة
 

عظم الله اجرك واحسن الله عزاءك وغفرالله لميتكم

رد: حياتنا صارت صعبة
 

جزاك الله خير .. اللهم امين

رد: حياتنا صارت صعبة
 

احبه حبيبي ..

نحن النساء نعتقد انه لما الام تتوفى او الأب يتوفى ..
أزواجنا راح يعطفوا علينا اكثر و اكثر .. و تزداد عندهم جرعة الحنان ..

لكن يا حبيبتي .. هذه نظرتنا نحن النساء ..
لكن نظرة الرجل العكس ..

الرجل - بعضهم و مو كلهم - ..
يقول بداخله ..
الي كان يحميها و يعزها و يدافع عنها ( توفى الله يرحمه ) و دحين براحتي استقوى عليها ..

و لما يشوفك تبكي او تحزني او انك محتاجة عطفه و حنانه ..
هو يزداد - فرعنة - .. يحسبوا انه راح نموت من غيرهم ..

.
.

عشان كذا ..

عظم الله أجرك يالغالية .. و قومي مسحي دموعك و لا عاد تبكي قدّامه ..
و لا تبيني له انك ضايعة من غير ابوك .. ( لانه الزوج يستقوى و يبدأ يفرد عضلاته )

خليك واثقة من نفسك .. و لا تبيني أبدا انك ضعيفة من غير ابوك ..

رد: حياتنا صارت صعبة
 

المشكلة حبيبتي إني قلت له بعد ماتوفى أبوي ان الحين ماعاد عندي أب وانت الحين ابوي .. قالي وبحطك بعيوني لحد ماتدفنيني في قبري .. وللاسف مااشوف شي من هالكلام..

والله عجزنا اذا بينا ضعفنا وحاجتنا لهم قامو تفرعنو وقسو .. واذا استقوينا قالو الرجال مايحبو المرأة تكون قوية يحبوها تكون ضعيفة وفي حاجته..
وأنا والله العظيم كثير من الامور اللي يقولها عني والله مااقصدها وهو يفهمني خطأ وياما قلت له هالشي ..

رد: حياتنا صارت صعبة
 

أبدا لا تقولي له كذا .. ماعندي أب و ماعرف ايش ..
بيني بطريقة ذكية انه وراكي رجال .. اخوانك و اعمامك و اخوالك و أمك
حتى لو ما كانوا قد كذا .. برضو لا تبيني له أبدا ..

حسسيه انه هناك رجال وراكي ..
الي من نوعية زوجك .. يبغالهم كذا ..

نفس نوعية زوجي .. بس انا فهمت له مضبوط خلاص ..
و الحمدلله انه زوجي خلاص فهم انه زوجته ماهي ضعيفة

.
.

الزوج يبغاك ضعيفة لكن بمواقف تحتاجي فيها لوجود رجل و ما تكوني مسترجلة

لكن كدعم نفسي و ظهر و سند .. لا تبيني انك ضايعة من غيره او من غير ابوك الله يرحمه يارب

رد: حياتنا صارت صعبة
 

تمام عليك ياروح الطير ..
واسمعي نصيحتها وحطيها حلقه باذنك ...

ولا تبينين ضعفك له ولا حزنك ..
هذولا هم كلما شافوا الوحده قويه كلما ركضوا وراها ..

حتى بكاءك الان وحزنك ماراح يؤثر فيه ..لانه خلاص تعود عليه وصارت ماتفرق معه

وانا اختك قوي نفسك واذا فيك حزن او ضعف خليه بينك وبين ربك ..

رد: حياتنا صارت صعبة
 

هو ما يفهمك غلط .. هو عارف انك صح .. و هو فاهم انك صح ..
بس يحبوا كذا يعملوا .. عشان يدوروا اي غلط عليك .. عشان يحسسوا نفسهم انه لهم سلطة عليك
عشان يرضي الطفل الي بداخله ..

المرة الجاية خليك واثقة اكثر من نفسك في تعاملك معاه ..
و لو فهم غلط .. لا تاخذي وتعطي كثير معاه .. لانه الي مثلهم يبحثوا عن الغلطة و الزلة عليك ..

و على فكرة /
تعجبهم المرأة الواثقة من نفسها ..

رد: حياتنا صارت صعبة
 

عظم الله اجرك اختي
اش رايك تروحي عند اهلك تريحي اسبوع وﻻ اثنين لحد ماترتاحي
قولي امي محتاجتني وبونسها شوي

رد: حياتنا صارت صعبة
 

الله يجزاك خير .. أسبوع ماأتوقع يخليني زوجي .. لكن يمكن أروح لامي يومين..