|
مجروحة من تعامل اهلي لي !
السلام عليكم ورحمة الله وبركاته كل عام وانتم بخير وجعلكم الله من صوامه وقوامه واسأل الله ان يعتق رقابنا من النار ويفرج همومنا اشكركم على المنتدى الرائع ببدا واتكلم عن مشكلتي لاني تعبت ومحروقه بقلبي انا وش سويت للناس ؟ اولهم ماما وخالتي وبنتها ادري صرت حساسه عن زمان كبرت وتغيرت عمري 19 سنه مره طلبت من بنت خالتي وهي معروفه ماشااءالله شاطره وسجلت اختي بالجامعه اول ماتخرجت وانا الحين تخرجت ومو عارفه اسجل بالجامعه وقلت مالي الا الله ثم بنت خالتي ليتني ماطلبتها تخيلوا اقسم بالله كانت تطلبني ما اردها بأي شي وطيبه حيل معها مو مدح بنفسي بس الله الشاهد على ما اقول ادعيلها بصلاتي يحقق امانيها لما طلبتها تعذرت انها نسيت كيف تسجلني وشغلها متعبها عذرتها وقلت امري لله بطيح وجهي واطلب صديقات اختي وكلمت الغررريبه ووافقت وقالت ابشري واعطيتها وسجلتني الحمدلله مرت الايام وانا جالسه اسولف مع اختي الكبيره وقلتلها ترا خليك فاتك تسجيل الجامعه قالت من قالك انا سجلت الحمدلله وانا اعرفها اختي ماتعرف تسجل بالجامعه قلت من سجلك قالت فلانه بنت خالتي !!!!!!! انصدمت اقسم بالله انا ما اتحمل وعصبيه انفجرت وقلت سبححححان الله انا يوم طلبتها رفضت وتعذرت بشغلها لانها تحبك سجلتك ليه انا وش سويت لها عشان تردني وتفضلك عني وتسجلك والله اعصااابي تلفت مو طايقه اشوفها هي وخالتي تخيلوا خالتي تحححلف انها نسيت ماكان له داعي قولي بنتي ماتبي تسجلك لكن تسجل اختي وانا اطلب الناس وهي ماتسجلني انجررحت وسارت عزومه وجوا هي وبنتها انا ماحضرت واستغربوا وسألوا عني وحللفت ماما واختي مايعلمونهم اني زعلانه بتركهم بكيفهم وماما الله يسلمكم سارت هوشه بيني وبين اختي الكبيره تخيلووا كانت قريبه دورتي تعرفون الانفعالات والحاله النفسيه والله فللتتت اعصابي قلتلها انتي طول عمرك تدافعين عن اختي وقامت علي بالفرشه الخشب ضربتني وجرت شعري لين بابا جا يفكني وانا اصارررخ انجنيت وقتها والله كنت بنتحررر بس استغفرت الله ونمت وانا ابكي مقهوره مجروحه للان من ماما وهي ملاحظه اني تغيرت معها بس سامحتها لكن للان بقلبي غصصه مو طايقه احد مابي اشوفهم ولا اكلم بنت خالتي حتى تباريك رمضان ماباركت لها فيه ادعولي تكفون محتاجه اتزوج بطلع من بيت اهلي ماني طايقه قعدتي عندهم كلهم يجرحوني الله يصبرني ..... تم تغيير العنوان ليتناسب مع المضمون |
رد: مجروحة من تعامل اهلي لي !
اصلحي نفسك اختي
يعني مو معقوله 4 اشخاص كلهم غلطانين و انت بس الصح اول شيء احترمبهم من حق بنت خالتك تفبل او ترفض و انت ما لك شغل في اسبابها مشكلتك انك حساسه زايد عن اللزوم حاولي تنسي الماضي و ابدأي صفحة جديدة و بعضين و انت بهدي النفسيه ممكن يتحمل زوجك ادعي الله يذهب عنك غمتك و فكري بعدين في الزواج الله بيسر لك كل خبر و لا يحرمك من عيلتك |
رد: مجروحة من تعامل اهلي لي !
أختي غيري قناعاتج ولا بتتعبين قدام :)
|
رد: مجروحة من تعامل اهلي لي !
السلام عليكم ...
مبارك عليك الشهر ما حاتكلم عن الموضوع اللي صار ... حتكلم معاك انتي في اي مكان و في اي زمان ...المشاكل بين الاقارب .. موجوده ..وبين الاهل نفسهم ... يعني وضعك مو شي جديد.. ولا غريب اذا شخص حصل طلبتي منه خدمه و ما ساعدك فيها ... مو معناته صار عدوك .. تجاهلي الموضوع ولا كآنه مر عليك ..لكن تتعلمين من هذا الموقف انك ما تطلبين من هذا الشخص بعد كذا.. انت ما شاء الله عمرك ١٩ سنه كان بآمكانك تسوين موضوع التسجيل بنفسك ..ترا الموضوع مو صعب. حقولك كلام كنت اتمنى احد قالي ياه ... انت الحين في مرحله جديده ... صرتي طالبه جامعيه ...مرحله جديده من حياتك حتلاقين بنات من جميع الخلفيات .. و بمختلف الافكار والثقافات .. و مو معقوله حتزعلين من كل وحده لان فلانه فرضا ما قالت لك عن الواجب او وحده ما ذكرتك بان المحاضره انلغت ...حتى لو كانوا صديقاتك روح الروح .... لا تعتمدي على احد غير نفسك...لانه ما في احد راح يحبك ..اكثر من نفسك تعلمي انك كل شي في راسك مو لازم تقولينه للي قدامك ... لو حاسه انك حتجيبين العيد اسكتي قبل ما تجيبينه :) طبعا انا مو قصدي ان الغلط عليك والمشكله فيك ... انا قصدي ان اغلبنا في عمرك كنا انفعاليين اكثر ...كنا نشوف ان العالم ضدنا ...وان احنا الصح اذا حصل صارت لك مشكله مع احد ... لا تقولين هو المخطئ .. حطي في بالك ..انتم شخصيات مختلفه ..متربين بطريقه مختلفه ،، بافكار مختلفه .. مو لازم يكون في واحد صح والثاني خطآ .. الاختلاف بينكم .. ان كل واحد يشوف الموضوع بطريقه مختلفه،،، حاولي دايما تكوني نسخه افضل من شخصيتك ...فكري كيف تحسنين من ردود افعالك ... راسلي بنت خالك وباركي لها ... هذا شي مو لها ولا لك ... هذا الشي لربنا ،،، عشان ما تعتبرين هاجره لاختك ... بخصوص ... "محتاجه اتزوج" عزيزتي من قال لك ان الزواج .. هو الحل السحري ... صدقيني ... لو تزوجتي ..زوجك... ما راح يحبك اكثر من والدتك ووالدك.. تبغين تعرفين اللي اهم من الزواج ؟ العلم ... العلم ...العلم .. هو الاستثمار اللي ما حتخسرين فيه ركزي في دراستك ... وادعي ان ربي يوفقك .. والله يسعدك في كل مكان |
| الساعة الآن 11:03 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©