|
اهلي بعد الطلاق .
السلام عليكم ورحمه الله وبركاته . كلكم تعرفون موضوعي والي صار معي بالاخير . طرحت هالموضوع ابي منكم مشوره اذا تقدرون تساعدوني كيف اتعامل مع اهلي وبالذات امي وأبوي. من بعد ماتطلقت ًوهم مقاطعيني خصوصا ابوي حتى ماقالي الحمدلله على السلامه يعد ولادتي يشوفني انا والجدار واحد ويكره صوت بنتي هي دايم تبكي وانا ماعرف اتعامل معها وتبكي كثير وبس يدعي علي ويقول خليها تربي وتتعب مثل البقره ويجي ابوها ياخذها جاهزه يقول بس ينتظرها لين تكبر سنتين ويعطي ابوها يكرهني مره . حتى الفطور والسحور اكل لوحدي بالغرفة الي فيها انا وبنتي كنّا فيني جرب يبعدوني عنهم لما اسأل امي ليش تقول عشان ابوك يرتاح وهو يأكل كلامها يموتني وامي كل يوم تجي تسمعني كلام يسم البدن وأحيانا تتعاطف معي ولا تجيب لي اخبار طليقي واهله مثل اليوم راحوا أهله السوق تقول لو حافظتي عليه كانك تروحين السوق معهم اطلبها تساعدني ببنتي تقولي انتي تعلمي ماعندك لا زوج ولا بيت يشغلونك عنها واذا تناقشوا هي وأبوي كل شوي يقولها ترى بتلحقين بنتك قصده بيطلقها مثلي ماعندي الا واحد من اخواني وأختي بس يسألون عني ويجي يسولف معي ويشلون. بنتي ويشتري لها اما الباقين مقاطعيني والله العظيم اقعد بالايام ما أسولف مع احد اقعد أكلم الجدران وحتى بطاقات شحن اذا وصيت مع اخوي وشافوه جايبها الف تحقيق مين بكلم وليش انا مو قادره أكون قويه بسببهم لما اقعد بالصاله يسكتون واذا جيت أسولف يقومون ويخلوني ولا مايردون علي لما اجيب بنتي ونقعد معهم ابوي يقول لامي خليها تشيل شيطانتها عنا انا تعببببببت هم مسؤليه وطلاق وجرح زوج وتعب ولاده وتربيه ولا اعرف فيها شيء كلها هذا علي وصديقاتي قبل ما اطلق قاطعتهم ومسحت أرقامهم عشان يرضى علي مابقى معي الا كم وحده وكلهم مشغولين ، عطوني حل ولا ادعولي مادري وش اسوي ولا وين اروح . الهم بيذبحني . اللهم لك الحمد على كل حال يمر بِنَا .
|
رد: اهلي بعد الطلاق .
انا ماعرف مشكلتك ولا موضوعك
لكن لو في امكانية ترجعي لزوجك واحنا دائما نحذر من الطلاق لان بصراحة هذا حالها غالبا والناس عموما حتى المقربين مايحبون الضعيف والمنكسر والمحتاج لهم.. لو في امل ترجعي بيتك. والله يفرج همك. ادعي غي شهر الرحمة |
رد: اهلي بعد الطلاق .
الله يفرج همك ويفتح لك أبواب رحمته☝
|
رد: اهلي بعد الطلاق .
ربي يكون بعونك ..
و يُحنن قلب طليقك لك .. |
رد: اهلي بعد الطلاق .
الله يفرج همك ويشرح صدرك بس لازم تكونين قويه وتواجهين الكل وحاولي تظاهرين بالسعاده قداهم وصدقيني اذا شافو قدامهم انسانه قويه سعيده راح ينجذبون لك .طوري نفسك ابحثي عن عمل اخرجي من عالم الغرفه حقتك ..
|
رد: اهلي بعد الطلاق .
الله يسخر لك خلقه
|
رد: اهلي بعد الطلاق .
انصحك اجلسي مع ابوكي وكلميه وأحكي له كل اللي في قلبك
قولي له وش مزعلك مني ؟ انت أبوي وتاج رأسي انت سندي قولي له انا احبك ابكي عنده وضمية وبالنسبة لبنتك خليها يوم بالأسبوع تروح مع ابوها واتفرغي لنفسك في البداية الموضوع صعب بس شوي شوي تتعودين إنتي لسا صغيرة لاتهملين نفسك بنت خالي منفصلة عن زوجها وترسل ولدها عمرة ست شهور جمعة وسبت مع أبوة وتطلع تتمشى وتوسع صدرها الأيام تركض والله احس كأني أمس جبت ولدي واللحين بِسْم الله عليه بيكمل سنتين الله يسخرلك اهلك ويفتح لك أبواب الرزق والسعادة |
رد: اهلي بعد الطلاق .
. هذه الآثار السيئة والمشاعر التي لا توصف التي يعيشها الرجل والمراءاة بعد فترة الطلاق ستنتهي يوما من الأيام وتصبح ذكريات بعد فترة من الزمن ستبقى أثارها شيئا من القناعة والرضا بما قسم الله فقط لو واجهناها بثقة وهدوء وطرقنا معها أبواب السماء بالدعاء ثقي بربك وحده فخزائن اللہ لا تنفذ قادر أن يفتح لك أبواب السماء . |
رد: اهلي بعد الطلاق .
لاحول ولاقوة الا بالله
الله يهدي اهلك اختي كيف كان تعاملهم معك قبل الزواج ، وبعد الزواج الى ماقبل الطلاق؟؟ |
رد: اهلي بعد الطلاق .
الله يسخر لنا القلوب القاسيه
فوق مراره و الم الطﻻق يجيك اذية اﻻهل حسبنا الله |
| الساعة الآن 06:11 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©