|
للازواج الراضيين السعيدين المستقرين افيدونا
السلام عليكم
بصراحه مدري وش اقول كثرت مواضيع عدم رضا الازواج عن نظافه البيت او اهتمام الزوجه من جهه اقول مع الزوج حق من جهه اخرى اقول هي انسانه يوم تمل يوم تتعب يوم تنظف عادي ماهي مكينه يعني اذا الخادمه الي نجيبها مخصوص للنظافه نغفر لها ونرحمها بصراحه بيتنا مع وجود الخادمه بعد مش مستوى مستشفى او فندق سبع نجوم ماهي انسان مو مكينه لذلك استغرب الازواج الي عينهم بس على زله زوجاتهم احسهم من وراهم يتحسسون الغبره ويرفعون الكاس يشوفون لمعته زي شغل الحموات معقوله عند اهلهم كانوا عايشين واو في عالم يلمع ولا يعني زوجه اصرف عليها خلاص تمشي مثل الساعه وتحلل صرفي عليها او فعلا بنات هالوقت مهملات المهم الي مستقرين سواء زوجات او ازواج كيف هالوضع عندكم بيوتهم تلق لق ولا الوضع عادي والكل متغاضي عن عدم الكمال هل يساعدك زوجك هل عندك شغاله وانت يالزوج المرتاح هل تشوف شكوى الازواج هنا مبالغه ولا فعلا معاهم حق هل ترجع تلقى بيتك خمس نجوم نظافه واكل والزوجه متدهره ولا الحياه عفويه وعاديه |
رد: للازواج الراضيين السعيدين المستقرين افيدو
موضوع جميل..
واتساءل حتى عن تحديد وقت التنظيف؟ يعني المفروض يكون زي الدوام ماتتعداه ولا تقدر تاجله كم ساعة؟ 😶 |
رد: للازواج الراضيين السعيدين المستقرين افيدو
بصراحه يا مبتعثه ما طلبوا شي صعب ... في فرق بين اهمال الزوجه لواجباتها الضروريه والرئيسيه
وبين ان تمر الزوجه لظروف جعلها تهمل بعض وليس كل واجباتها وبالفعل هناك عدم ادراك ووعي كلا الطرفين لواجباتهم كزوجين |
رد: للازواج الراضيين السعيدين المستقرين افيدو
اهلا مبتعثة متفائلة كل عام و انتي بخير
كلامك في الصميم بعض الازواج يريد ان تكو زوجتة كل شي يريدها طباخه ماهره يريدها منتظم في امور المنزل مثل الفنادق يريدها ان تكون سوبر منظف كل شي ينظف في ثواني يرديها سندريلا في ملابسها و اناقتها وينسى انه بشر والكمال لله وحده مستحيل تعمل الزوجة كل هذا في وقت واحد |
رد: للازواج الراضيين السعيدين المستقرين افيدو
احييك على موضوعك الذي اتى في وقته
|
رد: للازواج الراضيين السعيدين المستقرين افيدو
اقتباس:
هل فعلا لازم الزوجه ايدها اول باول بالبيت طيب اجل متى تتفضى تقعد مع زوجها |
رد: للازواج الراضيين السعيدين المستقرين افيدو
اقتباس:
هل انتي مسئوله عن بيت او شقه بدون محد يساعدك عندكم شغاله بالبيت هل يوميا عليك الطبخ وجلي المواعين وكنس البيت اذا تعملي هالاشياء يوميا ومسئوله عنها ومافي احد يسد مكانك جاوبيتي يالجميله |
رد: للازواج الراضيين السعيدين المستقرين افيدو
اقتباس:
وناس تركض تركض ومو ملحقه رضا |
رد: للازواج الراضيين السعيدين المستقرين افيدو
اقتباس:
الا اذا الرجال كان سوبر وماعليه قصور ابد وكامل |
رد: للازواج الراضيين السعيدين المستقرين افيدو
أول ماتزوجت بعمر صغير كان تنظيفي على قدي .. عشت ببيت أهلي كنا نعتمد على أنفسنا بالتنظيف ماكان عندنا خادمة .. وكان نظافة وترتيب بيتنا كأغلب الناس .. بس أهل زوجي عندهم خادمة من يوم كانو صغار .. أم زوجي حريصة جدا على الترتيب والنظافة لدرجة الوسواس.. ومع إني عشت في بيتهم بس كانت خادمتهم ممنوعة علي .. زوجي كان فجأة تجيه فكرة إنه يقوم ويمسح بصبعه أعلى المكيف اللي أنا ولا مرة فكرت أنظفه .. يطل خلف السرير بينه وبين الحايط ويشوف الغبار اللي ماعمري طرا على بالي أكنسه .. أم زوجي دخلت غرفتي مرة .. وأنا كنت فخورة بنفسي إن الغرفة نظيفة ومرتبة ومبخرة .. شافت خيط على السجاد واشرت علي إني أشيله .. شافت مفك براغي في الكاس اللي أحط فيه المشط وعلقت إن هذا مش مكانه .. شافت الستارة مش ملمومة بطريقة مرتبة وايضا تكلمت .. والله .. والله .. يا إني كرهتها كره هذاك اليوم هي وولدها .. ولحد الآن مب قادرة أسامح على هالموقف .. ألحين أنا ببيتي وعندي خادمة صرت أحرّص عليها كثير تجنبا لانتقادات من زوجي.. ولو سمعت انتقاد منه أرد عليه إنه شي عادي جدا وشفيها لو لقيت لعبة مرمية ع الأرض أو أغراض ع الطاولة .. مهو البيت مش مهجور وفيه ناس عايشين فيه ويمارسون حياتهم .. أساسا زوجي لما يستخدم شي مايرجعه مكانه .. حتى ملابسه يخلعها ويرميها في مكانه .. فصار هذا ممسك عليه لو تكلم .. ألحين خف كثير عن أول .. أو يمكن أنا صرت أكثر حرصا على النظافة والترتيب .. |
| الساعة الآن 03:19 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©