|
أبني يرغب بزيارة والده وجدته هل اوافقه؟؟
السلام عليكم ورحمته وبركاته..
اسعد الله اوقاتكم بالمسرات ... اثق فيكم جدااا واحتاج لأرائكم ... ابني البالغ من العمر 12 عام يريد زيارة جدته ام والده وزيارة والده .. يرغب فيها وبشده مارأيكم ارسله لبيت جدته يومين هو يقولي اروح اسلم ع جدتي وابي وعماتي مشتاق لهم ومافيها شي اذا روحت ارسليني.. قولت له اذا ارادك والدك سيطلبك قال انا ابغى اروح او اتصل عليه عشان يجيني طبعا ماابغاه يتصل عليه ابداا قلت له انا مااسوق سيارة وخوالك ماراح يودونك قالي اروح مع السواق عادي .. ليه تمنعيني اسلم ع جدتي انا مشتاق لها .. وقال كلام عور لي قلبي الله يسامحه ... المهم حاليا انا محتاره ارسله او لا.. فكرت بحل .. جدته تجي عند جدتنا الكبيره القريبه من منزل والدي فكرت اكلم خالتي اذا جاتهم جدته تبلغني يصير ارسله لها شو رأيكم؟؟ |
رد: مارأيكم في رغبة ابني هل اوافقه؟؟
فين المشكله
|
رد: مارأيكم في رغبة ابني هل اوافقه؟؟
أكييييييد خليه يروح لا تصعبينها عليه ولا تطولينها وهي قصيرة .. دام هاذي رغبته لا تخلينها في خاطره ..
ارحمي ضعفه واشتياقه وقلة حيلته .. |
رد: مارأيكم في رغبة ابني هل اوافقه؟؟
اقتباس:
منزلهم بعيد عن منزلنا بمسافة نصف ساعه انا فكرت بكذا بس مدري خايفه .. خايفه انهم يفكروا انو اتسول حبهم وعاطفتهم واثير انتباههم .. |
رد: مارأيكم في رغبة ابني هل اوافقه؟؟
اقتباس:
اخ فارس متابع مواضيعي ؟ عارف ان ابوهم شبه متبري منهم ؟! كيف انا ارسلو له وهو مافكر فيهم |
رد: مارأيكم في رغبة ابني هل اوافقه؟؟
شوفي يابعد قلبي أنا والله ما أذكر مواضيعك لأن هالمنتدى مشاكله متشابهة كثيير، اللي أبي أقوله لك ولدك مو صغير ماشاءالله عليه ربي يخليه وتذوقي حلاوة بره .. زي ما قلت لك أول دام هي رغبته لا توقفي في المنتصف خليه يروح لهم عشان يقنع .. هي وحدة من ثنتين يا بيرتاح وبيستمر في زياراتهم .. يا مرة وبيحرم بعدها يزورهم .. ف إنتي خليه يجرب عشان مايتهمك في يوم إنك حرمتيه منهم .
ومالك مالهم يفهومها بالطريقة اللي هي .. دام هالشيء يسعد ولدك فلا يهمك أحد . . ونص ساعة مو بعيدة مرة .. أهم شيء يتصل على أبوه أول يعطيه خبر إنه بيجي بيت جدانه هاليوم . |
رد: مارأيكم في رغبة ابني هل اوافقه؟؟
اقتباس:
لكن انتي لا تمنعيني خليه يروح و يشوف الحقيقه بعينه عشان يقتنع بنفسه عشان لا يقول بكره انتي حرمتيني من ابوي و جدتي و عماني الله يبارك لك في ذريتك و يريك فيهم ما يسرك اللهم امين يارب العالمين |
رد: مارأيكم في رغبة ابني هل اوافقه؟؟
اقتباس:
كلام الناس اهم يا طعن من راحة ولدش ! اذا بيخسر ابوه فيمكن ما يخسر جدته واعمامه ويمكن بيعوضونه عن ابوهم |
رد: مارأيكم في رغبة ابني هل اوافقه؟؟
اقتباس:
وإذا شاف شي مايعجبه شاف بيتنا ويتألم او احد ضايقه بالأسئلة او اتصل ع ابوه وطنشه وتجاهله كالعاده كيف وقتها أعالج نفسيته اقتباس:
شوركم وهداية الله الا يجي يوم يقولي إنتي حرمتيني ! اقتباس:
مو بس كيذا ياكوكي خانني التعبير خايفه من كيذا جهه بحتسب الأجر انها صلة رحم وراح ارسله لبيت الجده الكبير اذا جات جدته وهي تاخذه معها يومين لأنو مصمم يجلس يومين اما أنا ارسلوا لهم فصعب ارسلوا مع السواق |
رد: مارأيكم في رغبة ابني هل اوافقه؟؟
ايوه خليه يروح..
بس خليه هو يتصرف بالموضوع من الى.. هو يكلمهم ويقولهم انه مشتاق لهم وبيجي شيلي يدك بالمرة.. ولو اني خايفة ابوه يتصرف تصرف يجرحه لما يروح له.. |
| الساعة الآن 08:30 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©