|
زوجتي الزعول النكدية زعلانة ؟
السلام عليكم
صباح الخير جميعاً اتمنى منكم النصح و المساعدة... أخوني و خواتي أنا قبل فترة نزلت موضوع اشتكي فيه من كسل زوجتي و اليوم عندي موضوع ثاني.... من بداية زواجنا قبل سنة تقريباً زوجتي دأيماً زعلانه أو متضايقة بدون سبب كذا من الباب للطاقه !!! الى الشهر الماضي كنت اذا شفتها كذا أسالها وش فيك و ليش متضايقة أو زعلانه و أهتم صراحة ؟؟ كنت على نياتي !!! جوابها دائماً ما فيني شي بس متضايقة بدون سبب !!! هذا الموضوع كان يضايقني مسبب لي عقدة نفسية لأني أكره النكد و الزعل ووو و أرجع من العمل تعبان و احصلها مثل كذا فوق تعب العمل الجسماني ارجع و احصل واحد مكشر !!! و صار عندها عادة بس تشوفني مبسوط و أتكلم و أضحك مع أي أحد (أمي أو خواتي أو اخواني أو اصحابي) علطول تسوي نفسها زعلانه علشان اتركهم و أجي اسالها وش فيك و مع الاسف خطتها كانت تنجح !!! المهم من الشهر الماضي تغيرت و صرت بس أسالها فيك شي و تجاوب لا على طول خلاص كأن كل شي طبيعي ما اهتم كثير مثل قبل لأني : - تعودت على حزنها و نكدها. - صرت أعرف أنه دلع و بدون سبب. - تعبت من نكدها 11 شهر متحملها. طبع أدري بتقولون أكيد مشغول عنها و لا تهتم فيها وووو لا والله أنا أغلب أغلب وقتي معها و لا أنا مقصر أبداً بالسؤال أو الكلام و المزح و الضحك معها و بالعكس المرات القليل اللي اشوفها مبسوطة و تضحك انبسط كثير و أقول يا قلبي ابغاك دايم كذا تضحكين و تمزحين ووو لكن للأسف الحزن و النكد طبع فيها و تبغى وظيفتي أجلس اسالها كل يوم شنو فيك و ليش متضايقة وووو خلاص تعبت ارجع من العمل قرفان من حتى نفسي ابغى اسولف و اضحك و ارجع للبيت احصلها مكشرة !!! صرت بالعربي اطنش و لا أسال اذا سوت نفسها زعلانة... و اليوم جتني تشتكي تقول ما صرت تهتم فيني مثل أول ؟؟ جوابي كان سألتك شنو فيه قلتي ما فيني شي شنو تبغين أسوي اكثر ؟ زعلت و قالت شوف هذا دليل أنك متغير علي !!! و كان عندي أهلي بالبيت طنشتها و جلست مع أخواني و الان هي نايمة و زعلانة !!! ابغى الحل ؟؟ أنا أخطيت ؟؟ أنا سبب تطنيشي أبغها تتغير و تنسى هذا الطبع السخيف اللي يجيب الهم... رأيكم الله يعافيكم... و شكراً مقدماً... |
رد: زوجتي الزعول النكدية زعلانة ؟
عداك العيب يا أخوي
و لكن دلع بنات و يمكن كانت ببيت أهلها كذا يعني طبع فيها على العموم يبغا لك تجلس معها تفهمها تقول لها انا رجل و لي احتياجات اذا جيت من الشغل ابغاك مبتسمة ضحوكة تفرحيني ماهو كل ما شفتك لقيتك بس زعلانه و مكشرة اذا عادت لطبعها طنشها و حاول تبحث موضوع بالنت عن مشكلتك و ان النكد ما يصلح و ان الزوجة لازم تفرح زوجها و تنسخه و ترسله لها واتسب وفقك الله |
رد: زوجتي الزعول النكدية زعلانة ؟
وش القصه كل واحد يشتكي أنها مهمله ؟!
ونكديه !!! أكيد في سبب مستحيل تزعل من لا شي يمكن حابه شي معين بس خجلانه تطلب و تتدلع إلين لما تلبي إلي تبيه |
رد: زوجتي الزعول النكدية زعلانة ؟
وما تنلام الواحد حاب يشوف إبتسامه إذا رجع من الدوام
مو تكشير وزعل ... الله يصلح الحال |
رد: زوجتي الزعول النكدية زعلانة ؟
ذكرتني بوحدة من صديقاتي نفس شخصية زوجتك
تلفت الانتباه عن طريق الزعل وأبشرك بتتطور الحالة وتحاول تلفت انتباهك انها تسوي نفسها مريضة الحل وعلى بلاطة وبدون لف دوران عطها بالوجة قولها انا مو غبي وحركاتك هذي ترفع ضغطي قولها بتضحكين وتنبسطين أبشري بعزك بتقلبين الخشة اجلسي بغرفة مع نفسك انا مو مهرج عندك |
رد: زوجتي الزعول النكدية زعلانة ؟
اقتباس:
الفكرة حلوه و أن شاء الله أحاول أسويها... اقتباس:
أول شي أبداً مو نقصها أي أي شي و بنفس الوقت أعطيها مصروف شهري علشان ما تنحرج و ما تطلب مني.... و لو كانت مرة خجلانه و جالسه تتدلع اوكيه مو مشكلة مرة مرتين عشر مرات بس الموضوع له 11 شهر و تقريباً كل يوم أو يومين بالكثير لازم تكون زعلانة و بدون أي سبب و الدليل انها ما تشتكي بس تمد البوز و لا تهتم بالكلام معي بس (ايه و لا) و ابتسامة بدون نفس !!! و اذا سالتها شنو فيك تقول ما فيني شي !!! نصيحة لكل البنات الزوج يتحمل النكد شهر شهرين ثمانية اشهر و بعدها خلاص !!! |
رد: زوجتي الزعول النكدية زعلانة ؟
وليش متنكده زعلتها بشي
جرحتها بكلمه أو أهنتها حارمها من شي نفسه فيه مرت عليها ظروف قاسيه وصعبه لأن زي ما قلت قبل مستحيل تعيش بزعل 11 شهر |
رد: زوجتي الزعول النكدية زعلانة ؟
كل الايام تزعل او قبل الدورة واثنائها؟!
ترى المرأة بهالاوقات نفسيتها تتغير مو الكل لكن الاغلب جرب تسوي نفسك انت زعلان شف وش بتسوي لك ؟! |
رد: زوجتي الزعول النكدية زعلانة ؟
اقتباس:
لفتني ردك جداً لان هي مرات قليلة أذا طنشتها تبداء تقول انا اليوم ما ادري شنو فيني تعبانة او احس بألام او او بس قليل جداً بس شكلها راح تكثر منها بالايام الجاية !!! جزاك الله خير... |
رد: زوجتي الزعول النكدية زعلانة ؟
اقتباس:
و لا أذا سكتت تسأل ليش شنو فيك ساكت اليوم تكلم !!! اقتباس:
ظروف قاسية معاي عايشه حياة تتمنها أي بنت (لا تقولين تمدح نفسك ما أحد يعرفني هنا و لا ابغى أعرف أحد ابغى حل لمشكلتي فقط لا غير) احترام و تقدير و كل شي تتمناه عندها و اسال دايم اذا محتاجه شي اقدر اهلها و احترمهم و كل ما ازورهم يدي مليانه اغراض... كل شي تمام و ممتاز بأعترافها هي مو أنا.... حالتها قبل الزواج مصدعه راسي من كثر ما تمدح حياتها قبل الزاوج !!! اقتباس:
وقت الدورة اعذرها و عادي لو تزعل اتفهم الوضع !!! لا حتى الايام العادية و لما صرت اطنش على طول جت تشتكي من اهمالي و تغييري عن قبل ؟؟؟ اذا سويت نفسي زعلان تنجن ليش شنو فيك وووووووووووو لين اتكلم و اقول ما فيه شي و ما تصدق و تبكي و حالتها من الله حاله !!! الظاهر دلعتها أكثر من اللازم !!! |
| الساعة الآن 05:01 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©