|
الرهبه من الزواج بعد تجربه فاشله
السلام عليكم ،، مساء الخير،، ابي استشيركم بهالموضوع: انا مطلقه من سنتين وعندي بنت .. الحين كل همي هالبنت وتربيتها .. شايله موضوع الزواج من راسي ،،، رفضت ثنين ،،، والحين برفض اخو صديقتي ،، مع انهم اللي خطبوني شباب بس مطلقين وهم ناس عارفينهم اخلاق مافيهم عيوب .. بس هو البلى فيني ما ابي الزواج ،، عندي رهبه من الزواج والعلاقه الجنسيه من قبل زواجي الاول .... مع اني ارتحت بزواجي الاول وعادي تقبلت كل شي وكنت عادي .. بس الحين بعد طلاقي رجعت اخاف من الرجال وطاريهم ..... مجرد ما افكر بالزواج واتخيل رجال يقرب لي يجيني حالة خوف .. يعني رجعت لي حالة قبل الزواج ويمكن اسوء من قبل بس المشكله : امي و صديقاتي يحنون ع راسي انه لازم اتزوج وبنتك بتروح لابوها ،،، تعبت من التفكير ،، حتى ماصليت صلاة الاستخاره لاني مستبعدهـ هالموضوع ... شيروا علي وش اسوي بمشكلتي العاطفيه عشان بنتي والنفسيه عشان حالتي hgh hfh |
رد: ساعدوني{الرهبه من الزواج بعد تجربه فاشله}
وعليكم السلام و رحمة الله
نصيحة من القلب للقلب تزوجي و لا تبقي بهذه الأفكار لوكنت مكانك لتزوجت ثانية و انا اصلا هيك تفكيري ستقولين ان الأمر غير سهل لكن أنت على الأقل استخيري و اتركي الأمور تسير فإن تيسرت ففيها خير لك و إن توقفت فذلك الخير حاولي أن لا تفكري في الخوف وكلما جاءك قولي لنفسك أنه شيطان يوسوسلك لأن الشيطان يريد من بني آدم أن لا يتزوج و أيضا دوما أحسني الظن في الله و أنه لن يضيعك ،عودي حالك على هذه الأفكار و أدعي الله عز وجل أن يسوق لك الخير و يسلمك من الشر. فأعفي نفسك و استقري و أحسني الظن في الله و أن تجربتك الأولى لن تتكرر معك فإنما قدرها الله عليك لحكمة تجهلينها أسعدك الله لا تسدي الباب على وجهك |
رد: ساعدوني{الرهبه من الزواج بعد تجربه فاشله}
طيب ما فية امل ترجعي لطليقك عشان هالبينية الي بينكم
اذا يستحال الرجوع وانتي ادري بظروفك..تزوجي وبعدين لاتزوجين الا بعد ماتبعدي هالمخاوف من نفسك عشان ماتعدين تجربة فشل الزواج من جديد وعسي الله يوفقك |
رد: ساعدوني{الرهبه من الزواج بعد تجربه فاشله}
اذا في مجال ترجعي لطليفك ارجعي
اذا لا اقبلي بذو الدين والخلق مو كل يوم بيجيك خطيب بعد فتره بتلقى نفسك وحيده توكلي على الله واتركي الوساويس وادعي واشرطي بنتك معك او اتركيها بحضانه امك الله يوفقك |
رد: ساعدوني{الرهبه من الزواج بعد تجربه فاشله}
دوما في حيرهـ ان شاء الله بستخير .. والله يكتب اللي فيه الخير..
.. شاطىء الراحه طليقي ماعاد في تواصل الا بينه وبين اهلي عشان يشوف بنته .. ماعاد لنا طاري رجعه يمكن كل واحد نسى الثاني .. . |
رد: ساعدوني{الرهبه من الزواج بعد تجربه فاشله}
..مبتعثه متفائله هم اهل دين واخلاق وعلم ومنصب بس المشكله فيني تعودت ع الحياه بدون زواج واحس كل همي اخلص امور وظيفتي واتوظف واسخر حياتي لنفسي ولبنتي ... بس مافيه الا اصلي الاستخاره لان هذي ثاني مره صديقتي يرسلها اخوها عشان تقنعني اوافق عليه اخاف ارفضه واندم واخاف اوافق واندمً
|
رد: ساعدوني{الرهبه من الزواج بعد تجربه فاشله}
مشكلتي تعودت ع الحياهـ بدون رجال انا اصرف ع بنتي وانا اشتري لها واعالجها بمساعده ابوي واخوي طبعا
|
رد: ساعدوني{الرهبه من الزواج بعد تجربه فاشله}
غلطانه
ماشاءالله محظوظه يجيك خطاطيب بهالمستوى لا ترفسي نعمه ربي عليك مافي تعودت على حياه بدون زوج ماتبغي اخوه لبنتك طيب تزوجت بنتك توفى اهلك الله يطول بعمرهم على طاعته وين تروحي تقعدي عند زوج بنتك ولا تتضيفي بيوت اخوانك ولا تندمي وترمي نفسك على اي شايب اختي الدنيا فرص استخيري واخزي ابليس وتوكلي على الله محد يجحد نعمه ربه الا شخص غير حكيم وغير واعي |
رد: ساعدوني{الرهبه من الزواج بعد تجربه فاشله}
أختي مثلما تعودتي على حياة بدون رجل راح تعنادي حياة مع رجل
كلنا قبل الزواج كنا بدون رجال على كل فكري بعقلي واعملي نظرة بعيدة المدى لا تشوفين قدام أنفك بنتك رح تكبر وتتزوج و رح تبقي لوحدك اذا أطال الله في عمرك فكري في مستقبلك اتزوجي رجل يعوضك مشاعر الحنان و الأمان و إن شاء الله ربي يرزقك منه الذرية اللي توانسك مستقبلا. استخيري و أقبلي في الأمر و اتركي الله هو لي يقرر مو انت قصدي لا توقفي رزقك الا اذا الله لم يكن مقدره لك موفقة |
رد: ساعدوني{الرهبه من الزواج بعد تجربه فاشله}
ولا تنسي تبشرينا
|
| الساعة الآن 08:57 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©