محتارة هل اشتكي زوجي بعد طلاقي الثاني
 

السلام عليكم ورحمة الله وبركاته

لا اعرف من اين ابدأ افكاري مشتته
حصلت مشاجرة بيني وبين زوجي وطلبت الطلاق بسبب الضغط منه
وحصل الطلاق في شهر رمضان وقبل الافطار
المهم هذي ثاني طلاق
وهو شكله بيردني لكن انا مجروحة ومضغوطه ومتردده
انا احبه مع انه خاني وبنفس يوم طلاقي الاول تزوج وحدة من غير مذهبنا ومتحرره
ومغرقني ديون

زوجي قالي من الطلاق الاول لو انك رحتي المحكمة واشتكتي والله ما اردك
فانا حاليا ودي اشتكي عليه بسبب الديون اللي ماخذها باسمي والي نفقه لبناتي
متردده اخاف ان اشتكيت مافي مجال اني ارجع له
انا احبه بس هو يحسب اني ما احبه
واللي يقهر انه اليوم شفت باستقرامه هو يحسب اني ما اعرفه
حاط منشن حق طليقته اللي ما قعدت عنده شهر
حاط لها منشن حق صور مكتوب فيها
العين لمعة عند رؤية من تحب هي الابجدية التي لا تنطقها الشفاه
على فكرة طليقته كان له علاقة جسدية قبل لا يتزوجها وهي متحرره جدا
في لبسها واكتشفت تشرب كحول

هل اشتكي على زوجي اللي طلقني ولا ارجع له
ام اصبر واتحمل
مع انني محتاجه لمصرف لي ولبناتي

رد: محتاره
 

شوفي ياختي
زوجك وانتي ادرى فية اذا كان يصلي
وتاب عن خيانتة الاولي ويحبك ويحب
بناتك وقايم فيكم ليش ما ترجعين سبحان
الله الشيطان يجرى مع بني ادم مجري الدم
الطلاق شتات وضياع للاسرة وبنسبة لطليقتة
خلاص طلقها ونتهي ونا اجزم بل متاكد انك
عندة تسوين طوايف طليقتة ويحبك اكثر منها
لان الرجل العربي بطبعة ما يحب المراة المتحررة

رد: محتاره
 

حقوقك لازم يجيبها لانه ملزم بذالك بس مانصحك تشكيه للمحكمه حاليا عشان ماتكبر المشكلة وتكثر عليك الضغوط ومرمطه ومحامي وجلسات ووجع راس
بالبدايه كلميه بينك وبينه واذا مانفع دخلي اهله بالموضوع والده او والدته وانشاء الله تنحل المشكله واذا مانفع روحي بيت اهلك ودخلي اهلك بالموضوع المهم سوي المستحيل قبل لاتروحي المحكمه واذا شفتي ان مانفع معاه اي شي ابدا روحي المحكمه بنفس طيبه وضمير مرتاح وحكم الله يجري مجراه بينكم
المهم قبل المحكمه لازم تتغافلي وتتغاضي وتتنازلي شوي وكلمه طيبه والله يكتب مافيه الخير
واسمحيلي انوهك الى تصرفك ومااستبعد انك طرف في المشكله ولاكن طبيعة ابن ادم مايلاحض عيوبه ويلوم الناس انتي بترمي زوجته بالفاض ماهي طيبه وكمان مانتي متأكده منها وهذا بيعكس تصرفك في البيت اسرار زوجك وزوجته الجديده مالك دخل بها ابدا واتركي الخلق على الخالق وشيليها من راسك ولاتفكري فيها ابدا
ولاتذكريها عند قريب ولابعيد الى بالخير والى اصمتي وكلن حسيبه الله
ربي يصلح حالكم ويوفقكم ويكتب لكم مافيه الخير

رد: محتاره
 

ارجعي له وحاولي تجعليه بأسلوب حلو يسدد ديونك
واذا سددها فكري في الاستمرار معه او لا
حاليا فكري في الديون التي أخذها باسمك فقط

رد: محتاره
 

تعبت معاه والله العالم بالحال
وصلاة الحين مايصلي
وخيانته تاب لكن احس وضعه الان يبي يخون
هو يحبني بس فيه اشياء بعض البشر ماتقدر تتحملها
اتذكر واتذكر وابكي
اخاف من اني اشتكي واندم لاني احبه
اخاف اشتكي ويتعدل ويتوب ويرجع مثل اول
والله محتاره مع اني كل يوم ادعي انه ربي يكتب لي الخير
سواء بالرجوع او الطلاق

رد: محتاره
 

رد: محتاره
 

ياما دخلت اهله وما حلوا شيء الديون مثل ماهي
ودخلت رفيج ابوي الله يرحمه وما فاد بشيء
مع انه رفيج ابوي الله يرحمه بحسبت ابوي واهل زوجي يحترموه
انا حاليا عند اهلي
وطليقته انا كلمتها وعندي استقرامها وكل اللي قلته متاكده منه
وهو كان له علاقه معها قبل الزواج منها
وانا بشر هم عندي اخطاء اكيد واعترف اني مقصره بحقوق زوجي
وهو يدري منو سبب لي هالتعب والتقصير هو اعترف اول انه هو سبب دماري
لان بدايه خيانته اي كنت مو مصدقه 3 سنين كاتمه وابكي بيني وبين نفسي
واخر شيء انفجرت وماتحملت فاهملته مع اني اموت عليه
كنت ادور فقط كيف انتقم ونسيت كل شيء

رد: محتاره
 

حاليا صعب ارجع له
اعاني من ضغط وفوق هذا اعاني من مرض نفسي دمرني دمار من بعد خيانته
واللي كنت متحملته انه يدري بمرضي وما ابي احد يدري بمرضي
والحين خلاص قال لاهلي بمرضي وفضحني مع انه موعيب
فخلاص اذا بازعل او باتطلق خلاص هو قال اللي كنت خايفه منه وانتهي
واذا رجعت وانا للحين اعاني يمكن اطلب الطلاق للمره الثالثه وبعدها ما اقدر ارجع له

رد: محتاره
 

الحمدلله قاعده ادعي انه الله يكتب اللي فيه خيرة
والاستخارة ان شاء الله باستخير

رد: محتارة هل اشتكي زوجي بعد طلاقي الثاني
 

شو مرضك ؟؟
وليش الخجل
خليكي قوية المرض ابتلاء من الله مو شئ للسخرية
والمرض النفسي متلو متل السكر و الضغط واي مرض تاني
وكلو في ثواب من رب العالمين
حاليا ارمي كل شي و التفتي للعلاج
انسي كل شي و ركزي ع اطفالك و علاجك و تركي باقي المواضيع لبعد ما تخلصي كورس علاج ع الاقل