زياره لآهلي تحولت لمشكله بيني انا وزوجي
 

السلام عليكم ورحمة الله وبركاته
بدخل بالموضوع على طول
زوجي كان طالع مشوار وقلتله وصلني لاهلي
على طريقك وقال يلا تجهزي تجهزت على السريع انا وعيالي وطلعنا ولااخذت معي اي شي من اغراض
لالي ولا للعيال المهم بالليل تاخر ولمااتصلت فيه قال انه رجع البيت ومفيه حيل يمرني
قلتله مالك حق اغراضي والعيال كلها بالبيت مااخذت شي قال خلاص بعد السحور
بعد السحور قال بنام خلاص خليها بكره قلتله تذلني يعني عشان تجيني وقفلت بوجهه
ولاهمه مرت ساعه وساعتين بعدها اتصل عليه ولدي بدون علمي وقاله نبي ننام قال خلاص نامو
انا ماقدرت اتحمل رجعت اتصلت عليه وقلتله بسرعه الحين وانت عندي وكلمه منه ومني وقال يلا جاي
بعدها طفا جوالي ولامعاي شاحن ولما جا صار يتصل والجوال مقفل بعدها دق على اخوي كان برا مع اخوياه
وقاله وين اختك تدق علي تصحيني من نومي اجيها وماترد المهم اتصل اخوي على جوال امي وقالي انه برا ونزلت مالقيته ؟؟؟!!!!!وجلست برا حول عشر دقايق ماله اثر !!! وارجع ادق عليه من جوال امي واقله وينك قال لاطعتني ساعه وماتردين خلاص انا مشيت والله ياناس ماكمل خمس دقايق من وقت مادق على اخوي وعلى طول نزلت وقفل جواله دقيت فوق عشرين مره بعدها قلت خلاص مايبيلها خل اطنشه
المشكله انه حطني بموقف بايخ قدام امي بعد مانزلت رجعت !!اول مرا يسويها ومو حركاته كذا ابدا انا مصدومه منه
ومن وقتها مادق ولاسال وعيالي يحتاجون اغراض قولولي كيف اتصرف ولااقدر اتصل احس فيها اهانه
ارجوووكم ابغى حل .


تم تعديل العنوان ليتناسب مع المضمون

رد: ابي حل لمشكلتي ارجوكم :(
 

الله يعينج

استهدي بالله وحاولي تنامين الليلة في بيت اهلج ومن اصبح افلح

بس اذا اتصل مو تاكلينه

تمسكني ووضحيله وجهة نظرج بهدوء وانكسار

الله يهدي سركم يارب

رد: ابي حل لمشكلتي ارجوكم :(
 

الكلام هذا من امس بكره يسير لي يومين
وانا لااغراض ولاشي وعيالي حايسين
مدري كيف اتصرف

رد: ابي حل لمشكلتي ارجوكم :(
 

رد: ابي حل لمشكلتي ارجوكم :(
 

رد: ابي حل لمشكلتي ارجوكم :(
 

ايوا اذا عاندني هذي طريقتي معاه احيان يزيد عناد واحيان
يسوي اللي ابيه كلمه منه لما قال خلاص بنام تعبان ولما قلتله مافي داعي اعيد كل شوي
اني مو مستعده انام بدون اغراضي وقال خلاص جاي

رد: ابي حل لمشكلتي ارجوكم :(
 

صارلي يومين اخاف انتظره هو يتصل ويسال ويطول انتظاري
عاد اذا عاند قلبه يسير اقسى من الحجر واخاف اتصل انا يستحلي حركاته
وياخذها عاده يطنشني محتاره مرره مع العلم هذي اول مره يصير معانا كذا
بالعاده بس جوة البيت نتهاوش ونتراضى بنفس اليوم بس هالمره غرييب تصرفه
حيرني :(

رد: ابي حل لمشكلتي ارجوكم :(
 

تصرفك مع زوجك غلط في غلط
تاكلينة بالكلام
وتسكرين السماعة بوجهه ما تحترمي ابو عيالك
وطفا جوالك وهو جايك بطريق
ما دقيتي علية من جوال امك
وقلتي لة لا وصلت دق علي جوال
امي جوالي فضي شحنة وطفي
قالك بينام ساعة وعتبرتيها ذل
الان اشحني جوالك وفتحية
ورسلي رسالة اعتذر لبو عيالك
علي سو تصرفك معة وعدم احترامك لة
. لاحد يقولك
تصرفك صحيح المكابر ما ينفع بالحياة الزوجية
ماهي حلوة زعل قبل العيد
الاعتراف بالحق فضيلة الله يسخرة لك

رد: ابي حل لمشكلتي ارجوكم :(
 

عادي حبيبتي
في رمضان تطلع اخلاقهم الزينة
جنيهم رمضان

رد: ابي حل لمشكلتي ارجوكم :(
 

خلي ولدك يتصل فيه ويقول بابا تعال نبي نروح البيت وخذي الجوال وسلمي وقلي العيال يبون البيت لان مامعهم اغراض
واذا ناقش قدمي لك عذر ذكي قصيييير جدا
مثلا قلي كنت محتاجه شيء ضروري من البيت ومصدعه راسي بينفجر
قلي مغص قلي كتمه قلي ظهري يعورني اي عذر والجوال خلص شحنه وكمل الناقص ولا انت عارف قدرك ومعزتك
ولمن توصلين بيتك خلك ودوده معه والزمن مرة لك ومرك عليك.