زوجي مطرود ماذا افعل؟
 

بسم الله الرحمن الرحيم
أعيش مع زوجي في بيت أهله منذ زواجنا من خمس سنين وزوجي هو اصغر اخوته قام ابوه بطرده من المنزل على سبيل العقاب قبل رمضان بأربع ايام ، هو طيب القلب لكنه عصبي اتصل فيني زوجي بعد ان خرج وهو يضحك وانا كلمته بعصبية لآني كنت حزينة جداً ومنحرجة من الموقف الذي كان امام خواته وزوجات اخوانه وابناءهم ورجع اتصل فيني ثالث يوم خرج وكلمته من دون نفس بعدين بدا رمضان وقالت لي أمه اتصل فيه اطمن عليه وأبارك له بالشهر رحت اتصلت فيه طلع تلفونه مغلق وخلاص من بعد الاتصال وتلفونه مغلق ما يفتحه ، حاول كل اخوانه إقناعه يرجع البيت وهو ما يرضى وآخر مرة راح اخوانه عشان يقنعوه يرجع البيت سلم لهم مفاتيح المحلات الي سواها هو في دكاكين ابوه وخرج راح عند أصحابه وطبعا طوله الفترة ما يعبرني ولا حتى عياله كان يشوف بنته يوم تطلع برع اما ولده عمره سبع شهور ما يطلع ،بعدين بدا اصحاب أبوة المقربين يروحوا يقنعوه يرجع البيت ويدخلوا وساطة بينه وبين أبوة لكن كان زوجي هو الصعب اما محاولة إقناع أبوة فبسيطه لكن هو ما رضي ، وقبل العيد أرسل لي فلوس اشتري لبس لعيالي للعيد وانا رجعتهم له لانه ما ذكرني بشي الا مرة أرسل شي لا يذكر ورجعته لانه هو متأكد ان الأطفال تحتاج اكثر بكثير من الي ارسله بس عشان يوم يرجع ما أقول له ما ذكرتني بشي بعدين راح هو واشترى لبس العيد وأرسلهم واصلا انا كنت مجهزة عيالي الين كان اخر يوم برمضان طلع بعقلي اكلمة وأحاول أقنعه كلمت ولد اخته وعلى طول راح للمكان الي هو فيه وكلمته وأقنعته واستعطفته وتناسيت هجرة لي شهر كامل وانا بغربة عن أهلي ارجع البيت أبوك حالف ما تدخل البيت الين رمضان السنة الجاية ومع صاحبه الي ما رضيت تدخل معاه هذي السنة واليوم اخر يوم تعال أفطر معاه وهو مصر بيطلع بيت بروحه وانا متأكدة هو ما يقدر يفتح بيت ولا انا مستعدة استقل ببيت بروحي لانه يتم طول اليوم برع وانا بمنطقه ماعرف فيها الا أهله بس وما فيه أماكن للطلعه أبدا بالأخير يقول فكري وقرري قلت له ما بطلع بيت بروحي قال خلاص بتسمعي قراري بعدين قلت له قوله الحين مرة قال خلاص انا بسافر وآخر شي قال لي اعتبرني زوجك مات مع انه كان يقول ما بقي لي منه الدنيا غيرج ، بعدين يوم العيد انصدمنا يوم تقول اخته الكبيرة انه راح لها لبيت زوجها وسلم عليها سلام العيد وتناقشوا بالموضوع وكان يصيح وراح لعند اخته الثانية لبيت زوجها وسلم عليها والمفاجءه الكبيرة انه جاء للبيت عندنا وأول ما دخل نزل لعند رجل أمة يبوسها وبعدين بدا يسلم على خواته وانا رحت سلمت عليه وهو كان يمسح دموعه من دون تنزل والكل كان يصيح حاولنا معاه يدخل يفطر معانا ما رضي حتى ما رضي ينتظر يشوف ولده وللحين ماعرف عنه شي يوم كلمته اخر يوم برمضان قال ثاني يوم العيد بيتي يطلعني بعدين جاء هو وأصحابه شاف عياله وراح وشكله كان يبغي الكاميرا وانا طلعت عياله يشوفهم لانه قال بنطلع بعدين شفته من الدريشه مع أصحابه بالسيارة مت قهر وللحين ما عرف اي شيء عنه ولا هو يسءل شو أسوي عشان زوجي يرجع البيت فكرت اكثر من مرة ارجع بيت أهلي لكن يبغي الرجوع سفر والأوضاع أبدا ما تسمح بنتي كثير متأثرة بغياب أبوها وما حسه حاس عمرة 24سنه

رد: زوجي ومشكلته مع ابوه
 

لاحول ولاقوة الابالله
المفروض يراضي ابوة خلال 24 ساعة
مايخلي زعل والدة يطول هذا عقوق
والعباذ بالله..طيب كلمي ابو وقولي لة
يابو فلان شف حالتي انا وطفلي وخلية هو يتصرف بدون توجية لبو زوجك
والله يسهل الامور

رد: زوجي ومشكلته مع ابوه
 

زوجي جداً طيب ومطيع لأمة وابوة كلمة (عقوق)كبيرة جداً عليه لكن هذي اول مرة يقاطع ها لمدة وأكيد هو يشوفه برع البيت وانا متأكدة أبوة راضي عليه داخل قلبه لكن أصحابه أحسهم يبغوا يدمروا حياته والحين شو اسوي

رد: زوجي ومشكلته مع ابوه
 

رد: زوجي ومشكلته مع ابوه
 

مفروض يوم قالك بطلعك بيت برى كان وافقتي على طول لا تنسى كل الناس تسافر وتسكن لوحدها وتجلس بالايام محد يدخل عليها اهم شئ زوجك معك ليش مصره بالسكن مع اهل زوجك مفروض تتبعين زوجك لو يوديك المريخ عادي
بالنسبة لزعل زوجك وابوه هذا شئ خاص بينهم مالك علاقة فيه نهائي وان شاء الله ربي يصلح بينهم ويهدي سرهم يارب
اذا قدرتي تتواصلي مع زوجك قوليله موافقه اخرج معك في سكن لحالنا بس تعال سلم على اهلك وخذني
كلمة اخريه انتي متزوجه زوجك مو اهل زوجك عشان ما تبغي تطلعي
على العموم الله يرد زوجك ويحفظكم لبعض ولا تزعلي من كلامي بس هو الصح ولا تنسي اللي يسافرون للدول الثانية والمهاجرين يروحون دول ما يعرفون احد فيها لا اهل ولا غيره وعايشين ومرتاحين

رد: زوجي ومشكلته مع ابوه
 

غلطتي يوم كلمتيه بعصبية وبدون نفس هو الموضوع بينه وبين أهله ليش تعملي مشكله بينك وبين زوجك وتخربي علاقتكم علشان أهله
تدري لو علاقتكم كانت كويسه يمكن تصالح مع ابوه ورجع بيته بس هو شافها من جميع النواحي ابوه وزوجته زعلانين منه
مع انه غلط بهجره لكم وبقطيعة ابوه

رد: زوجي مطرود ماذا افعل؟
 

والله ووضع زوجك حزني جداً الله يفرج همكم. واجبك تطلعين معه بيت لحالك وباذن الله بتصلح العلاقات مهما كان هذا أبوه اكيد بياخذ بخاطره

رد: زوجي مطرود ماذا افعل؟
 

اخيرا زوجي اتصل فيني وكلمني وقلت له مستعده اطلع معاك بيت بروحنا بس ما بقدر انتظر لين تجهز البيت ارجع لي هني ونحنا نجهز ننقل قال بيفكر ولو اني اشك من تفكيرة وطلع جدا زعلان من اخوة الكبير لانه يوم راح يرجعه البيت نزل فوقة شو هالمحلات الي انت فاتح محلات اطفال زوجي فاتخ كافي نت نحنا في منطقة اشبة بقرية بس مب قرية والحمدلله المحل شغال بس ماببن بيد زوجي لانه يسدد ديون عليه المهم انا علاقتي ببنت اخوة هذا جدا طيبة وهي واايد تحب عمها كلمتها وهي كلمت امها والحين امها قاعده تنافش ابوها والله الموفق الحين كيف اخلي موقفي مع زوجي

رد: زوجي مطرود ماذا افعل؟
 

موقفك تتصلي عليه وتجهزي شنطتك وتقولي تعال جاهزه انتظرك اطلعي لو في شقة مفروشة واذا قد صرتو مع بعض تفاهمو على كل شئ وهدي اعصابه وخليك حنونه عليه وراح يتحسن لا تضغطين عليه بالجلوس عند اهله لانه ممكن في لحظة يطلقك اذا شافك مسره على الجلوس وبعدين وش بتستفيدين ولا شئ
الله يسر لكم ويصلح حالكم

رد: زوجي مطرود ماذا افعل؟
 

وش دخلك بمشكلته مع ابوه ليش زعلتي منه ؟؟
اذا انتي متاكده انه يبيك وقد المسؤليه جهزي اغراضك لو تلمين ملابسك انتي وعيالك بكراتين
ودقي عليه قلي جاهزه ومعك معك مايفرقنا الا الموت

وموضوعه مع اهله لا تدخلين نفسك فيه ابد ابد

خليه يفضفض لك وقلي تفرج قريب ياتاج راسي
هونها وتهون فرج الله قريب وكلام زي كذا

تذكرت موقف واحد من حارتنا ابوه عصبي
الولد ساكن في الدور الاول وابوه في الدور الثاني
والولد عند اربعه عيال بس كثير سهر وسفريات
وابوه مره تهاوش معه وطرده من البيت وقفل الباب وحلف ماحد يفتح له
وطلع الولد وجلس برا البيت الى اذان الفجر وبعد ما اذن الفجر دق على زوجته وفتحت له
وعادي سلكت الامور بعد كم يوم كان زوجها دايم يشتكي لها وتقول فرج الله قريب واذا عمها هددها تسكت وماترد واحيان تتجنب الاحتكاك مع عمها والحمد لله الامور طيبه والحياة تمااام