|
هل الخجل وراثة؟
بنتي حبيبتي عمرها 13 سنه قمة فالأدب والهدوء والأخلاق والجمال مبتسمه ذكيه من الأوائل فالمدرسه محبوبه من الكل
خجوووووله جداً أحزن عليها في المناسبات والأفراح تجلس مكانها ماتتحرك أشتريلها من أحلى وأغلى وأفخم الملابس وعلى ذوقها حتى تكون ثقتها فنفسها عاليه أشوف نفسي فيها نفس خجلي لمن كنت فعمرها أبوها جرييء وعماتها قمة فالجراءه والثقه فالنفس هل الخجل وراثه وكيف أخليها جريئه |
رد: هل الخجل وراثة؟
سؤالك رائع جداً، وحتى الآن ليس لدي أجابة عن ذلك، واليس الأمر فقط في الخجل بل حتى بجميع العواطف والسلوكيات الأخرى.
يكتسب المرء أفكاره وردود فعله وملامحه ممن حوله، عادة يكون الاكتساب من الوالدين أو الأخوان أو حتى الأبناء، أو مع أي شخص يعيش ويطوله معه ويتأثر به، وقد يكتسب بعض الصفات والحركات واللمحات وردود الأفعال بشكل لا إيرادي حتى مع زميله الموظف إذا ارتاح له وجوده ووجد ذاته، وأذكر أن أبنة خالي انتقلت لخالتها لمدة ثلاثة سنوات في مدينة أخرى، وبعد تلك السنوات عادت إلى أهلها، فكانوا يقولون أن لمحاتها وحركاتها وكأنها خالتها. أما الخجل والغضب وغيره من صفات، فلاشك عندي أن هناك نسبة لابأس بها تكون نتيجة الاكتساب من البيئة حوله، أخوة أباء أصدقاء أقارب مجتمع، ولكنه الذي أتوقف عنده هل مثلاً الخجل أو الغضب هو نتيجة وراثة وجينات يرثها الطفل من والديه؟ أم أننا ذلك غير صحيح، بمعنى أن لو طفلاً ما ولد في عائلة خجولة، ووضع مع عائلة جريئة هل سيكون جريئاً؟ هذا السؤال لا أملك جواباً عليه حتى الآن، لكني متأكد أن البيئة تشكل جانباً كبيراً من تشكيل شخصية الإنسان. |
رد: هل الخجل وراثة؟
شكراً أخي عالرد
كلامك جميل ومنطقي طيب ممكن ألاقي حل |
رد: هل الخجل وراثة؟
الله يحفظها ويخليها لك
ربما هذه شخصيتها! ربما تكون هذه الشخصية جميلة ومميزة. هل يتجرأ الأخرين عليها ويأخذوا حقها؟ وإذا كان الأمر كذلك مارد فعلها؟ النقطة الأخرى كونك تشتري لها أفضل الملابس لا علاقة ذلك بالثقة بالنفس، هذا ممكن يدخل في مجال التقدير لها. |
رد: هل الخجل وراثة؟
أول شيء ربي يخليها لك ويرزقك برها وتشوفيها أحسن خلق الله 💕
كأنك تتكلمي عن أختي .. مع فارق العمر بينها وبين بنتك .. أختي عمرها تقريبا 20 سنة وبتدخل ع الواحد وعشرين الله يحفظها .. وقلت قبل عنها في موضوع سابق لي شخصيتها ضعيييفة جدا وماكول عشاها .. مع إنها نفس بنتك مو ناقصها شيء تدرس في واحد من أقوى التخصصات .. جميييلة جدا وتلبس وتشتري كل شيء من أغلى مايكون بس هادية هادية هادية بشكل يحزن تحسيها مغلوب على أمرها .. متخيلة لدرجة ماتعرف تطلب من المطعم .. ماتعرف تقول كلمتين ع بعض قدام الناس ما تتلعثم صح لكن تقول كلمتين وتسكت تسحبين الكلام منها سحب . المحير إنه ماعندنا أحد في البيت كذا الكل يا شخصيته عادية ومتوازنة يا جريء وقوي جدا ما عندنا أحد بهالضعف بعائلة أمي وأبوي كمان .. الصراحة تعبنا معاها .. غلطتنا ما اشتغلنا عليها من الصغر كانت أمي من حبها الشديد لها ماتشوف غلطها ولا تحاول تخرجها من صمتها وعزلتها من كثر الدلع ماتبي تضايقها وتضغط عليها بأي شيء ! نصيحتي لك اشتغلي ع بنتك لا تقولي تكبر وتتغير .. كل ما جلست مدة أطول في عزلة وصمت صعب تخرجينها من جوووها، خذيها معاك خليها تختلط بالناس، اتكلمي معاها كثيير وإذا عندها خالات بعد خليهم ياخذون ويعطون معاها، خليها تسوي بعض الأمور بنفسها مثل تدفع الفلوس للكاشير وانتي راقبيها من بعييد .. بالصيف إذا ما تسافروا بعض الأحيان دخليها نوادي ومعاهد مو شرط تستفيد بس من باب تحتك بأكبر قدر من الناس .. أهم شيء أعطيها ثقة بنفسها امدحي أي شغلة تسويها وشجعيها .. أطلبي منها تاخذ وتعطي مع اللي بسنها وكافئيها بشيء حلوو بعد ما ترجعوا البيت . أنا حقيقة جالسة أشتغل أختي طبعا بمساعدة أخواتي .. بس الجزء الأكبر علي . يوم المنى والهنا والسعد اللي أشوفها جريئة وقد حالها الله يبلغني هذا اليوم ويفرحني فيها دنيا وأخرة 💜 |
رد: هل الخجل وراثة؟
اهلين اختي
نفس السؤال دائما يجي ببالي ممكن تغيري من بعض السلوكيات بس تغيري سخصية الانسان احس شيء صعب الوالد ماشاءالله جريء ومعارفه كثير بعكس امي خجولة ومعارفها قليل فحدود جماعتنا واحس غالبيتنا اخذ صفة امي انا مو جريئة اسولف واحب اطلع واتعرف بس مو اجتماعية مرة ولاحظت الشيء هذا في نفسي وحاولت اغيره بس ماقدرت حاولت اكون جريئة بس ماقدرت وخلاص اقتنعت بهالشيء يعني ممكن تحاواوا معها تطلع تحاول تسولف تكون علاقات ولو قليلة تعتمد على نفسها في سوق مستشفى وكذا تحاول توصح رأيها لو سولفتوا في موضوع |
رد: هل الخجل وراثة؟
اقتباس:
سؤالك أحد يتجرا عليها بنتي جداً مسالمه حتى لما آخذ أيبادها ماتعارض مو مثل أخوانها أوقات تتضايق من زميلتها فالمدرسة ماعندها ردة فعل تكتم فنفسها وتكتفي بالصمت كلامك صحيح لما أشتريلها ملابس وأدلعها تقدير لها على مساعدتها مريحتني الله لايحرمني منها ذراعي اليمين fffsg شكراً أخي الأنيق |
رد: هل الخجل وراثة؟
فرح تايه شكرًا غاليتي 🌹
حتى بنتي إستحاله تطلب من المطعم أكون واقفه جنبها ماتتكلم تقولي إنتي أطلبي شوفي بنتي ماكانت كذا كانت جريئة لحد عمر 11سنه بدأ الخجل مع بنات خالاتها عادي تنبسط وكل بعد فتره يتجمعوا ولما بجوني ضيوف تستقبلهم وتضيفهم مشكلتها في التجمعات الكبيرة زي المدرسه الأفراح المولات تلاقيها فظلي لاصقه فيا مادري هوا رهاب إجتماعي وإلا خجل |
رد: هل الخجل وراثة؟
جودي خليها تتخذ قرارات بنفسها.
أخشى أن شخصيتك تستمتع وتحب تبذل وتعطي بنتها وهذا صحيح أنه سيرضي جوانب كبيرة داخلك، لكن من الضروري أن تتركيها لوحدها تحاسب وتناقش وتسأل وتقبل وترفض. قد تكون تعودت تلقائياً أنكِ تقومي بالدور عنها في شؤونها، وبالتالي تنشأ على ذلك. دعيها تلكم بالتيلفون وتطلب وتسأل عن الأنواع، ثم تقرر. مهم جداً أن يتعود الطفل على أتخاذ القرار والنقاش. لا أرى أن هناك مشكلة كبيرة في أبنتك، فقط تحتاج بعض التربية المدروسة والمقصودة. |
رد: هل الخجل وراثة؟
شكراً أختي نرجسية 🌹
أوقات أعذرها لأَنِّي أفتكر نفسي لما كنت فعمرها 😊 أنا كنت خجولة جداً عشان كدا أبغى حل ودي تكون شخصية بنتي غير عني أبغاها تكون جريئة وواثقة من نفسها أنا الآن تغيرت حتى زوجي يقولي ماأخاف عليك أول ماتزوجتك كنت أخاف عليك من الناس بريئة وخجوله الحمدلله الآن بعد الزواج والوظيفة تغيرت شخصيتي وبأحاول إن شاءالله إنها تعتمد على نفسها فالسوق بعطيها بطاقة الصراف وأكون معها وبخليها هي إللي تحاسب طيب فالأفراح كيف fgfg |
| الساعة الآن 08:25 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©