|
هل سكوتي هنا خطأ ؟؟
السلام عليكم ...
صباحكم حب وخير وسعاده يارب مالي في المقدمات وبصراحه حابه أختصر الموضوع لاني ترددت حتى اني اخاطب عقلي الباطن فيه له شهرين و8 ايام وانا اتجاهله تماماً حتى وانساه باذن الله.. <<<كذا كنت افكر.... لكن امس اكتشفت انه لازم اتحرر منه ... سمعني زوجي خبر من صحيفه اجتماعيه مشهوره انه دكتور اثناء الكشف للولاده تحرش بإمرأه وزوجها ضربه لدرجة انه أصيب الدكتور من شدة ضرب الزوج 💔 حسيت بغضه وحنق لدرجة اني بكيت لانه حصلي تحرش وللاسف في لحظة الولاده مووو في الطلق لا في اثناء الولاده .. الي ماجربت الولاده اقولها تخيلي انك في لحظه تتمني الموت من شدة الالم الي عيشاه وتصرخي بأعلى صوت وأحد يتحرش فيك .. عمري ماتركت طرحتي في ولاداتي السابقه وعمره ماولدني دكتور المره هذي لانه ولادتي كانت سريعه ومؤلمه ماقدرت اساعد نفسي وانزل ملابسي عشان البس لبس المستشفى ورغم انه الدكتوره وهي الي ولدتني ومشغوله ماتشوف الدكتور الا اني ما نتبهت له الا بعد ماخرج البيبي وقمت بالصراخ في وجهه فضحك بطريقه قذره وخرج ... هل غلطت اني سكت وطنشت وعشت ايام نفاسي بسعاده ولا كانه حصل شي .. ولا المفروض اني تكلمت وكبرت الموضوع .. والله احس بغبنه وبصراحه مادعيت عليه.. |
رد: هل سكوتي هنا خطأ ؟؟
سوري مالاحضت اني فصلت واسترسلت في الكلام
|
رد: هل سكوتي هنا خطأ ؟؟
جعل يده الشلل ... ليشششش ما فضحتيه بعد الولادة مباشرة ...انسان قذر وحيوان ...
|
رد: هل سكوتي هنا خطأ ؟؟
وعليكم السلام نصيحة من أخيك انسِ الموضوع تماماً وادفعي الضرر الأكبر بالضرر الأدنى واحتسبي الأجر عند علّام الغيوب وعيشي بقية العمر .. كما عشتي أيام النفاس .. بسعادة |
رد: هل سكوتي هنا خطأ ؟؟
العكس ياقلبي الستر الستر ياربي لطفك
يعني واحد يتحرش بسوق ،،،،بمكان عام ممكن تنبلع لكن في مشفي ولحظة الولادة هذا معدوم الانسانية والدين ،،،،،،، انا مرة صارت معي في سوق صرفت زوجي علشان ما تكبر وأروح مابين همز ولمز وكلمت السعودي اللي كان في محل لانه كان أفغاني بمحل مفروشات ولكن عاهدني بالله على طرده وترحيله ،،،،،لانه قذر بمعني الكلمة ،،،،،بس بدون زوجي مايدري إطلاقا ،،، ومرة في مشفي عسكري ونفس دكتور وهزيته وتكلمت عليه لانه أصلا مامعي احد كانت في ممرضة وأرسلها علشان يصرفها ،،،،،،وتركته لله لاني ماودي اقطع رزقه وضره ،،،،،وأراد الله أجي لنفس مشفي ونفس دكتور ونفس حركاته المسبقة هنا عرفت انه منتهي ميؤس منه ،،،والله رحت لمدير المشفي نفسه وليس مدير العيادات وقلت كلي اللي يبرئ ذمتي امام الله وذكرت له انها ليست المرة الاولى ،،،،،،وبعد فترة جئت كذا مرة وماهو فيه ،،،،،خلاص انشال نهائي انا ضد السكوت لان السكوت علامة رضا يفهمها مريض القلب لكن انت هزيته وهذا يكفي ،،،،وصدقيني اذا استمر يلقي حتفه ماهو كل مرة تسلم الجرة ،،،،،،نصيحتي لا تقولين لزوجك ابدااااا ،،،،،تصير شك بالدكاترة كلهم ،،،،،وتصبح عنده عقدة نفسية بس بجد اللي بغرفة الولادة والله لرفسه برجلي اذا في حيل وإلا خلي امي اذا كانت معي تضربه ولا فكرت فيه لانه سافل حرم يصير دكتور ويتكشف على عورات المسلمين ،،،،،،،، |
رد: هل سكوتي هنا خطأ ؟؟
اقتباس:
انا تفكيري زيك لو احد لمسني افرج العالم عليه لكن للاسف لما حصلي هالشي كان في وقت صعب صعب اختار لحضات يوقف حتى التفكير عندك |
رد: هل سكوتي هنا خطأ ؟؟
سكوتك و سكونك في محله
تخيلي لو تكلمتي و صرحتي الآن ..نفس الحالة اللي تعيشينها الآن راح يعيشها زوجك طالما في البداية سكتي وكان المفترض تتكلمين ف اللحين المفترض انك تسكتين غبنة بالقلب و احتساب الأجر افضل مليون مره من فتح ابواب كانت مغلقة انسي الموضوع و عيشي بسعادة .. . |
رد: هل سكوتي هنا خطأ ؟؟
مرحباً أختي
أنتِ معذورة في الوضع الذي كنتِ عليه فلا تلومي نفسك وبالنسبة للدكتور والتحرش فيعتمد على طريقة تحرشه... فهي غبنه وحسرة في القلب ولاشك... ولكن قد يخف الإحساس بالغبن بمقدار طريقة التحرش ... فتحرش عن تحرش يفرق أما سكوتك وقت الحادثة فتعتمد كذلك على مدى التحرش ... هل يتغاضى عنه حتى لاتحصل مفسدة أعلى ومن ضمنها إحساس زوجك كذلك بالغبن... وقد يحملك المسؤلية ولو جزئية ويحدث شرخ في نفسه تجاهك... وبين أن يكون التحرش كبير ولايمكن السكوت عنه أما الآن... وبعد ذهاب وقت طويل... فرأيي الشخصي أن لاتفتحي الموضوع مع أحد... ويمكنك الإكتفاء بالدعاء على الدكتور أن يأخذ حقك منه يوم القيامة إن كان يقصد ذلك... وأن يسترك في الدنيا والآخره أعانك الله |
رد: هل سكوتي هنا خطأ ؟؟
والله ما خلى هالاشكال تمادى الا السكوت عليهم
مو لازم زوجك يسوي مثل ماسوى صاحب القصه ويوصلها للضرب كان قدمتوا شكوى في الدكتور عشان يتعاقب |
رد: هل سكوتي هنا خطأ ؟؟
لا حول ولا قوة الا بالله ...
انا لا ارى ان السكوت في بعض الحالات يكون لصالحك .! انتي الان تشعرين بغصه بسبب تلك الحادثه التي كتمتي عليها .. ومن المفترض انكي ابلغتي اقل شي ادارة المستشفى... واذا لم يتفاعلون ..تنتقلين الى المرحله الاخرى .. وتخبرين زوجك بذالك ... لان ذلك الخبيث لم يجد من يقفه عند حده والله اعلم انه قد تحرش على نساء قبلك .. ولكن اغلب النساء تسكت وتكتم وترحمه وهو يشوف الوضع ماشي معه ... بعض الازواج يكون متفهم ويستحق ان تخبريه وبعضهم قد يدخلك في دائرة الشكوك في المستقبل والسين والجيم وتقولين ليتني لم اخبره .. لذلك انتي اعرف بزوجك وعن مدى تفهمه لوضعك في تلك الحاله .. |
| الساعة الآن 09:56 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©