تحريش الاخرين كان السبب في تشتيت اسرتي
 

السلام عليكم ورحمة الله

تتذكروني موضوعي اللي كان بعنوان : التحريش
والمشرف غير العنوان ألى معاملة زوجي السيئة لي وتركه لي عند أخي

تتذكرون لما قلت ان مشاكلنا كانت بسبب تحريش او تحريض من شخص لزوجي

طبعا انا اعرف هذا الشخص
أقول لكم من وانا منزلة راسي gfg أخوي الكبير
rfegrrfegrآآrfegr

كنت اول اشك فيه لأن زوجي بعد ما يكلمه ينقلب علية والاحظ ان كل تصرفات وأفكار اخوي يطبقها زوجي ..لكني لم اجزم وأتأكد الا قريبا

يهمكم تعرفون كيف تأكدت ؟؟
أخوي بنفسة اعتذر مني وعيونه شرقانه بدموع وجاب لي هديه عند اهلي
قال لي نصا (( ماكنت ابي اقويه عليك كنت اتمنى افقد عيوني و لا اعينه عليك عشان يقهرك ,سامحني ماتوقعت يصير كذا ..مارديت عليه كرر سامحيني لوجه الله , كنت مخنوقه والدموع في عيني .. قلت الله يسامحك تراني نسيته...))
أختي كانت واقفه وسمعت الحوار
وانا رحت لأمي وقلت لها ترا اخوي اعتذر مني عن اللي سواه وقال سامحيني لوجه الله وسامحته
ماكنت اقدر أبكي لان كان أخوي مصلح لي عشا كبييييير في بيت أبوي وعازم كل العايلة حريم ورجال
وقال للمعازيم أختي جات من سفر وحبيت اقدرها وحياكم الله على واجبها

هذا الاعتراف أاذ اضفته للشك فهنا اقطع الشك باليقين

اعتذار اخوي كان متاخر جدا جدا جدا وبلافايده
اتذكر ان زوجي كان يقولي اخوك يقول أنه يعامل زوجته كذا وانا اقول ومن قال اننا لازم نصير نسخه منهم انت غير وانا غير عنهم

أخوي كان اكبر محرش لزوجي بحجة انه يبي مصلحته يتوقع انه يفيدنا وهو يدمرنا
المحرش الثاني أخته وزوجها وانا مسكتها متلبسه مرتين أخر مرة اعتذرت لي .وقلت لها الله يسامحك , كانت تحرشه لنفس السبب تتوقع انها تعرف مصلحتة زوجي وتبي تفيده وهي تدمرنا
المحرش الثالث صاحبه وساكن قريب مننا وكشفته في مرة تخانقنا وكنت اتصل اتصالات متكرره على زوجي عشان اتفاهم معه ويقفل الخط بوجهي وأخر اتصال كان يبي يعطيني مشغول فنسي الخط مفتوح وسمعت كل شيء ولما واجهت زوجي انكر وحلف انه صوت الراديو في السيارة .


هنا وقفت
وكنت قبل رمضان ادعي عليهم ونفسيتي سيييئة
لكني في رمضان رفعت يدي لله في الصلاة وقلت اللهم اني عفوت عنهم لوجهك وطلبا للأجر من عندك اللهم انك عفو تحب العفو فاعف عني


وها انا خلاص نسيت اني متزوجه او اني تزوجت لا اسال عنه ولا سال عني
عايشه عند ابوي ومبسوطه ومرتاحه تماشي ودلع واتسوق وكل طلباتي اخذها بدون نكد ولا منه وأبوي لو يدري عن ذولا ما يصير لهم خير .

عندي يقين في الله بان الله معي وهذا يكفيني.







تم تغيير العنوان ليتناسب مع المطلوب

رد: كان ضني في محلة..
 

طيب ان تطلقتي من زوجك ولا ايش سوى زوجك مني فاهم اعذريني يا ليت تضعي رابطك القديم

رد: كان ضني في محلة..
 

التحريش والتخبيب ظلم عظيييم
خصوصا لو بين زوجين
ومالة اي مبرر بصراحة
وماااصدق اي شخص يقول انا ابي مصلحتك وهو بنفس الوقت يدمرني
لكن
اللي صار صار والغلط منك وزوجك بالاساس ليش تسمحون لأي أحد يتدخل بينكم ويعرف تفاصيلكم وحياتكم حتى اخوانكم
المفروض الزوجين يعيشون حياتهم ويحطون حولهم خط احمر محد يتجاوزة مهما وصلت صلة القرابة
الله يعين

رد: كان ضني في محلة..
 

كيف الواحد يقدر ينام قرير العين وهو السبب بخراب بيت!

ياربي لا تجعلنا منهم ولا تجعلنا نضر احد باسم المصلحة وارنا الحق حقا

سكر على نفسه بيته وزوجته عنده ونهاية الموضوع عزيمة وخلاص يوم يومين وينسى..

اللي خلاه يحرش زوجك المفروض يخليه يروح عنده يعتذر ويقول انا اذنبت وسويت كذا وكذا

ياحبيبتي انتي.. لا تخلين الموضوع يمر مرور الكرام..

زوجك اذا عرف غلطه بيرجع ان شاء الله.. واذا عرف وكابر فربي بيغنيك عنه وصرف عنك الشر

الله يعوضك خير 💜

كتمي على حياتك ولا تطلعين احد على اسرارك..

خوفك اذا كان اخوك فعلا يعامل زوجته بهذي الطريقة.. ربي خلاه يشوفه فيك..

ربي يفرجها عليك

رد: كان ضني في محلة..
 

معلقه

http://www.66n.com/forums/showthread.php?t=258985

هذا رابط موضعي

رد: كان ضني في محلة..
 

خلي اخوكي يصلح بينك وبينه ما دام هو السبب

رد: كان ضني في محلة..
 

رد: كان ضني في محلة..
 

رد: كان ضني في محلة..
 

شوفي حبيبتي اخوك والباقين جزء من السبب بس زوجك رجال ومو صغير عشان الكل يحرضه وهو يسمع لهم. يعني لاتلومين اخوك بس. زوجك هو الأساس
الله يفرج همك ويعوضك خير.

رد: كان ضني في محلة..
 

اقصد مع اخوك..

اذاكان بهذي العقلية و افسد حياتك الزوجية فممكن قادر يفسد اشياء ثانية تخصك مستقبلا..