|
وماذا بعد الاربعين ؟!(النفاس)
صباح الخير
انا بكرا اخلص الاربعين الحمدلله ... طبعا احس اني ارتكبت اخطاء بالعشرين يوم الاخيره ... اول عشرين يوم كنت اكل الاكل المفيد واهتم بالخياطه تنشيف وكريم معقم وأخذ المضادات وكذا ..وبعد اسبوعين غسلت بمر.. لكن كنت اتحرك كثير رغم الم الخياطه مدري اذا كان حركتي بالبيت وخدمة بنتي خدمات بسيطه تأثر ولا لا .. لكن العشرين يوم الثانيه .. كان وقتها شبكة اخويا وطبعا قصيت شعري وصبغت وسويت بخار وووو .. ومن بعدها كأنه الشهية انفتحت صرت اكل الاكل الغير مفيد وصرت اشرب مويه بارده وووو وقف الدم ورحت المول وفرفرت ورجع لي الم ودم يومين وراحوا .. الان ليا كم يوم اصلي ومن يوم 35 استخدمت حبوب جينيرا ... الان فيني الم لما اجلس ع الارض وارجع اقوم احس بالالم بالمنطقه ايش سببه وكيف اعالجه ؟؟ طيب اتبخر بالخوا جوا زي مايقولوا بالنت ولا ما ينفع ؟ طيب مع هذا الالم مأجله روحتي لبيتي اسبوع كمان .. ايش ممكن اسوي بهذا الاسبوع علشان اكون افضل .. والتأجيل من صالحي لاني نفسيا خااااايفه .. امس سويت رياضه وزدت العيار شويا والم ظهري ما خلاني انام.. متى الام الولاده والحمل تروح ... ابغى احس بالحياة .. ابغى اسوي الرياضه بخفة وبدون قيود .. ابغى اجري .. كلموني .. افيدوني بكل معلومه تعرفوها وبكل شي جربتوه.. |
رد: وماذا بعد الاربعين ؟!(النفاس)
نسيت اقول اني مقدر امشي كويس حتى بأحسن الحالات امشي كأني حامل ..
|
رد: وماذا بعد الاربعين ؟!(النفاس)
ألم الخياطة لا يستمر كل هذه الفترة. راجعي طبيبتج حبيبتي. |
رد: وماذا بعد الاربعين ؟!(النفاس)
يمكن يكون ما تشعرين به عدة اسباب ..
ماخذه برد .. التهابات .. ضعف في العضلات والعظام .. لذلك راجعي دكتورتك .. وخليها تشيك على الرحم .. وهو المفروض يصير بعد ستة اسابيع من الولاده .. واعملي التحاليل اللازمه .. من ما يتعلق بالحديد والكالسيوم وبعض الفيتامينات .. ولا تستعجلي بالحركات العنيفه او المشي الطويل وراعي نفسك كثيرا .. لانه الرحم يحتاج من اربعة اشهر لسته ليرجع لوضعه الطبيعي .. واهتمي باكلك وتغذيتك .. وخاصةً اول وثاني دوره بعد النفاس .. فهي مثل النفاس بالضبط .. وما قدامك الا العافيه بإذن الله .. |
رد: وماذا بعد الاربعين ؟!(النفاس)
اقتباس:
ما ابغى اروح تجنباً للكشف 😁.. يكفي اللي شفته منهم . |
رد: وماذا بعد الاربعين ؟!(النفاس)
اقتباس:
مازلت اخذ فيتامينات وحبوب كالسيوم وحديد.. ومافيني التهابات ... ألمي غريب ماني عارفه اوصفه .. زي الدبوس .. او زي الضغط ماني عارفه كيف اشرح الموهم انه شي فير مريح.. مافي حل الا المراجعه ؟ |
رد: وماذا بعد الاربعين ؟!(النفاس)
عن الدلع يا منفردة. ممكن فعلاً يكون التهاب. وشخصياً صارت معاي عقب ما ربيت مهرة .. لأن الألم استمر فترة غير معتادة .. ولما رحت للطبيبة طلع مكان الخياطة فعلاً ملتهب. ما أظن في حرمة تحب هالفحص .. لكن في أمور مب على كيفنا .. وما في منها مفر .. حتى لو كانت تضايقنا. تلحلحي وروحي عشان تفتكين. |
رد: وماذا بعد الاربعين ؟!(النفاس)
وربي من سيرة الكشف جسمي قششعر
مدري اشوف هذي اليومين يمكن اتحسن او القى لي وصفه شعبيه تغير الوضع |
رد: وماذا بعد الاربعين ؟!(النفاس)
ياقلبي يامنفرده مبروك النونو وربي يبارك لك فيها
فهمت قصدك بالالم تحسي المنطقه كلها كانها مضروبه حتى عظمت المكان يألمك انا طلع عندي التهاب في المهبل واخذت ثلاث تحاميل ريحتني بقووووه من اول تحميله مع مضاد شي ثاني اذا بترجعي لزوجك في العلاقه لازم تاخذي ملين والعسل افضل شي لانه بيفيدك خاصه لو الخياطه تجميليه ولعلمك الخياطه الداخليه رغم مرور شهرين وشويه لازالت العقده عندي موجوده الله يكتب اجرنا وغلط انك تستخدمي حبوب ع طول لازم يساعدك زوجك ع العزل لو ست شهور ع الاقل والحبوب ماتستخدميها الا بعد الدوره وطمنينا عليك |
رد: وماذا بعد الاربعين ؟!(النفاس)
متفائلة
فعلا الالم زي ما وصفتي.. انا مدري كم غرزه داخليه وكم خارجيه بس لما اتشطفت بمر باليوم العشرين او الواحد والعشرين شد عليا وحسيت الم وثاني يوم لقيت خيط معقود طايح وبعد استخدمت المره وقشر الرمان لكن ما نزل شي ثاني .. يعني خلاص الخياطه راحت ولا ممكن تكون في عقده ثانيه ؟؟ والله خايفه من الكشف وبالنسبه للعزل انا حملت على العزل اول علشان كذا اخذت الحبوب من بدري وما اخذت حبوب الرضاعه لانها ضعيفه وبالنسبه للعلاقه مرعوبه منها واجلت الموضوع اسبوع وشكلا بأجله اكثر .. الله يستر |
| الساعة الآن 05:46 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©