|
الخوف دمر نفسيتي
بسم الله الرحمن الرحيم
قلبي صار مليان خوف وهزيمه وانكسار لدرجة صرت أقص أظافري باأسناني بالي صار مشغول خوف وتعب زميلاتي يعتقدون اني هاديه وناعمه واساسا تصرفاتي نابعه من الخوف بالرغم من إتقاني في الشغل محتاجة للإحتواء حاربت علشان الاولاد والوظيفه واستقليت بيبت لوحدي انصدمت كثير من ردة الفعل اخوي اللي كنت ساكنه عنده دمر نفسيتي لين طلعت من عنده يحاول يضيق علي لأنه مايبغاني يتعامل معي كأنه يتعامل مع مجرم وبحضرة أولاده كلهم الحمدلله طلعت من بيته وصار يخطط من وراي ويضغط علي من جهه ثانيه يكلفني باأشياء ماأقدر انجزها وضحت له كثير تعبت بعد مااستقليت لوحدي صرفت النظر عن الزواج ويحاول يضغط علي ادبر لي زوج ويعطيني مهله يومين ويضغط علي لاني ارفض ولا ارتاح للي تقدموا بصراحه أحسهم حثاله لأنهم عن طريق خطابه وفي الأخير يقلب الطاوله علي صرت ماأتحمله بصراحه ولا توقعته انه يبي يدمر أعصابي عشان أغلط امي فهمت تصرفاته والحين بصفي الله يعدي الموقف على خير ولدي الكبير هدد اخوي الكبير وطرده برى البيت واذا ضرني مايلوم الا نفسه هدده انا كنت ابكي مايضيق علي حياتي ولا يضغط علي في اشياء مالي يد فيها اوراقي ماسكها عنده وصك الطلاق وشهادات الميلاد حياتي رجعت للصفر وأسوأ من قبل كأنك يازيد ماغزيت تعبت من التشتت ابي حياتي تتغير عيالي كبروا الله يحفظهم الولد الكبير يلحقني ليش تبكين وخاله موجود ويهاوشني هو فاهم شخصيته وصار يتعامل معه بصرامه لدرجة أخذ أولاده وطلع برى البيت واتصل على امي إنّو يتصل على الشرطه يداهمون ولدي الله يكفيني شره احسه مب اخ يعاملني كأني عدوة مدري ابي اطنش ابي اعيش يومي صار ماوراي الا المشاكل والهم ماراح يعدي الموقف على خير والحرب بتبدا من جديد دعواتكم لي يحنن القلوب علي نفسي أكون قوية وماأخلي احد يتجرأ علي علشان الأولاد |
رد: الخوف دمر نفسيتي
اسال الله ان ييسر امرك وينزل على قلبك الاطمئنان والسكينه
عندما نتعامل ظروف قاسيه لاول مره فجااءه دون سابق انذار ياتي الخوف و التوتر من عدم التكمن من المواصله و التاقلم . ليه ما تسكنين عند امك ؟ او تسكنين امك عندك ؟ لماذا اخاك اخرجك من البيت ؟ هل لانه خاف ان تاخذي البيت او تحتليه ؟ |
رد: الخوف دمر نفسيتي
حبيبتي ومض
البيت قريب من الدوام جدا تقريبا خمس دقايق وانا عند الدوام حبيبتي مرتاحه بالحيل امي ماتقدر تخلي البيت واخواني عرفتي بالنسبه لاخوي كنت بشقه مستقله عنده بس هو مايبيني يحاول يضيق علي لدرجة كرهت نفسي وخلاني ابصم وأوقع على الورقه اني طلعت باإرادتي لكن فرحت كثير لأَنِّي استقليت لوحدي ماحد يحاسب عيالي تدرين من زمان ماقطرت دمعتي بعد ماسكنت بروحي حسيت بالمسؤلية لكن خايفه من ردة الفعل هو ماراح يهدأ له بال الا اذا طلعني من البيت عجزت كيف أرضيه ومض يارب راحة البال ويكفيني شر هم تعبت صرت ماأقاوم الضغوط فقط محتاجة للإحتواء افكر انظم حياتي بعيد عن المشاكل والضغوط الحرب بتبدأ من جديد لأنه يحاول يشوه صورتي عند امي وينقل الكلام امي قالتلي عن كلامه وصار يخطط ويهول المشكله بعد ماقلب الطاولة علي الخوف دمر نفسيتي نفسي أكون قوية وياجبل مايهزك ريح كيف |
رد: الخوف دمر نفسيتي
ما فهمت ؟ اي ردة فعل ..
انت استقليت في بيت لوحدك ؟ ليه ما تسكنين عند امك و اخوانك |
رد: الخوف دمر نفسيتي
اذا سكنت عند اهلي ولدي الكبير بيتركني ويعيش مع ابوه
اخوي رجعني عنده وولدي تركني اخوي قالي خليه يروح عادي ليش بس يفكر في نفسه في بيت لوحدي ماراح يتركني يقول مرتاح ومستانس بس ينقصنا نزور اهل طليقي في وقت الآجازه ومض عيالي محتاجين. جو أسري هادي |
رد: الخوف دمر نفسيتي
قصدك من ردة الفعل لانك تسكنين لوحدك وانت ابناءك ؟
اذا كان كذلك اخاك ماله حق يتكلم عند امك .. لانه هو اللي اجبرك ... |
رد: الخوف دمر نفسيتي
صرت اخاف منهم كلهم خصوصا اخوي شقيقي اذا عرف اني لوحدي مابي ارجع للعذاب مره ثانية
ولدي حلل شخصية اخوي من الام اللي كنت عنده يقول انتي تبكين عنده يحب يشوفك ضعيفه ومنكسره ويستغل نقاط ضعفك انتي السبب انا حققت أهداف من ابسط حقوقي وترضيني خصوصا بعد الطلاق مثل الوظيفة والاستقلالية الحمدلله لكن الكل يحبطني ويمنعوني من الوظيفهاذا رجعت ونشتت من جديد انا وعيالي هذا ماأرضى فيه ابدا |
رد: الخوف دمر نفسيتي
اذا عادي عندك تزوينهم ما في مشاكل بينك وبينهم زوريهم
واذا لا خلي ابناءك يزرونهم بالاجازه ؟ هل انت عندك رغبه في ان ترجعي لطليقك ؟ لاني احس كذلك . |
رد: الخوف دمر نفسيتي
لا ماودي ارجع له هو ضرني كثير
كنت افكر لكن شفت وضعه متدهور ومايصلح لي ابدا ابدا ومض ادعي لي |
رد: الخوف دمر نفسيتي
اذا انت مرتاحه بالوظيفه .. ما عليك منهم .. دام امك في صفك
خلك قريبه منها وخبريها انك افضل بكثير بالوظيفه .. وانك مسحيل تتخلي عنها .. ابناءك اتركيهم يزرون اهل طليقك بالتاكيد .. من حقهم .. لانه يبدو لي ان ابنك الاكبر علاقته جيده مع والده اللي هو طليقك .. طليقك متزوج ؟؟ كم لكم سنه مطلقين ؟؟ |
| الساعة الآن 10:03 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©