|
أرسلها هدية ولا بلاش منها !
السلام عليكم ...
قبل فترة تقدمت على وظيفة ودخلت إختباراتها وماصار نصيب .. المهم خلال ذيك الفترة تعرفت ع ووحدة بنت طيبة وحبووبة أخذنا أرقام بعض وياما سولفنا وأخذنا وأعطينا طول ذيك الأشهر .. وسبحان الله ربي يسرلها وجاتها الوظيفة .. الحلو فيها إنها ماجحدتني وسوت نفسها ميتة لما طلعت النتايج زي بعض الناس اللي نعيش معهم سنين ويجحدونا !! لما انقبلت جات ع طووول وبشرتني ويشهد علي الله فرحت لها كثيير .. صحيح كان ودي أكون في قائمة المقبولات بس راضية الحمدلله وعارفة كل اللي يجي من ربنا خيير ومقتنعة من أعماق قلبي إن الموضوع فيه خيرة لي حتى لو كنت أجهلها .. الزبدة خلال هاليومين راح تبدأ المباشرة وأبي أرسل لها هدية في مقر عملها بوكس ورد مع شوكولا باتشي وسلسال ناعم أو ساعة لسة ماقررت من هالناحية .. أخواتي يقولون ماله داعي لا تخسرين فلوسك وش مستفيدة إنتي !! ها وش رايكم أسمع بنات أفكاري ولا أسمع لأخواتي .. أدري إن موضوعي مضحك .. بس قلت بأخذ برأي الأغلبية المطلقة .. سي يووو 🌹 |
رد: أرسلها هدية ولا بلاش منها !
خذي برأي نفسك عزيزتي.. وخلي نيتك ادخال سرور على قلب مسلم وامتثال لسنة النبي ﷺ تهادوا تحابوا..
الله يسر لك امورك وتتوظفي في القريب العاجل يارب |
رد: أرسلها هدية ولا بلاش منها !
و عليكم السلام و الرحمة و يعوض عليك ربنا بوظيفة اخرى
المهم رايي من راي اخواتك لا ترسلين و لا شىء اليوم الاول اتصلي عليها و ادعي لها بالتوفيق بالعكس المفروض هي تعزمك يوم يطلع لها اول راتب و موفقتان ان شاء الله |
رد: أرسلها هدية ولا بلاش منها !
اهدي لها بس لا تتكلفي
انا بمشي بقانون اهدي للناس بس بدون تكلفه عاليه لان راحت فلوسنا وحنا نهدي لفلانه وعلانه وفقدت الهديه طعمها وصارت واجب اجتماعي |
رد: أرسلها هدية ولا بلاش منها !
الله يكثر من امثالك ياشيخه
سوي اللي نفسك فيه ومقتنعه اهم شي لا تتكلفي باقة ورد كفايه واكتبي عليه عبارة جميله ودعاء وربنا يديك ع ائد نيتك |
رد: أرسلها هدية ولا بلاش منها !
عقبالك يارب
أشوف باقة ورد او شوكولاته كافي |
رد: أرسلها هدية ولا بلاش منها !
مرحباً أختي
لا أنصحك بإرسال شئ... فبعض الأحيان يتم فهم بعض الأمور على غير ماتوقعناه لا تتكلمي معها أبداً في موضوع الوظيفة إلا إذا بادرتك... حينها أدعي لها بالبركة والتوفيق والنجاح أما الهدية فأجليها لمناسبة أخرى تكون بعيدة عن موضوع الوظيفة بارك الله فيك |
رد: أرسلها هدية ولا بلاش منها !
بما انها بشرتك فانصحج تهدينها ورد او شي بسيط بدون مبالغة يعني ما يكلف اكثر من20 دينار
بجذي انتي أهديتها وما خسرتي نفسج وايد فلوس ولو اهيا تفكيرها سيء جان ما بشرتج 😊 |
رد: أرسلها هدية ولا بلاش منها !
اقتباس:
|
رد: أرسلها هدية ولا بلاش منها !
اقتباس:
يعني مافي إمكانية تعزمني ولا أعزمها .. |
| الساعة الآن 07:08 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©