|
حنيني لبيت اهلي وفقدي لهم
السلام عليكم
إذا سافرت لأهلي اجلس عندهم أسبوع تقريباً واذا جيت اطلع قلبي يتقطع وأحس بحزن شديد أحس اني طلعت من عندهم جسد بس افقد امي وابوي وجو عائلتنا وأكره بيتي فتره طويله إلى أن اتأقلم أحس بدون أهلي اني وحييييييييده وضعيفه ومنكسره. لي 7 سنين على هالوضع ماادري متى بيجي اليوم اللي اطلع فيه من بيت أهلي وانا مشتاقه لبيتي وبدون حزن عميق الله يعين بس على هالدنيا ويجمعنا بالجنه. تم تعديل العنوان ليتناسب مع المضمون |
رد: فراق الاهل
وضعك طبيعي لكن هاذي سنة الحياة
انا والله لمن اروح لاهلي مرة اسبوعياً واطلع من عندهم اشعر بحزن شديد جدا واتمنى اني اروحلهم كل يووووم والله ما امل منهم لكن الحمدلله على كل حال .. |
رد: حنيني لبيت اهلي وفقدي لهم
.
. ينقل الئ قسم العلاقات الاسرية والاجتماعية حيث مكانه الانسب . |
رد: حنيني لبيت اهلي وفقدي لهم
سبع سنوات وما تأقلمتي على الوضع ؟!
اجل لا تطولين عنهم وزوريهم بإستمرار يعني كثفي زياراتك لهم .. يمكن احساسك يخف ويستقر .. |
رد: حنيني لبيت اهلي وفقدي لهم
جدا كثيرة هالمدة 7 سنوات المفترض خلاص
هل بينكم عيال ؟ هل الحب والمودة موجودة في بيتك ؟ تجلسين اغلب الوقت في بيتك ؟ |
رد: حنيني لبيت اهلي وفقدي لهم
عندي طفل
والحمدلله بالنسبه للحب والموده في واكيد مو دايم إلا ماتحصل مشاكل واللغات مرتين آخر الاسبوع واحياناً مره بعد وسط الاسبوع. |
رد: حنيني لبيت اهلي وفقدي لهم
الاهل هم السند والعزوه طبيعي هالاحساس
ما الومك متى تزورينهم وكم مره !! تدرين .. انا مررره خايفه تملكة على واحد مو بمنطقة اهلي وكل يوم ابكي ولا ابين لاحد .. مدري كيف وافقة .. الحمدلله نصيب الله يجمله وموضوعك خوفني اكثر 😢💔 الله يعين ويجمعك باهلك من غير شر 💛💛 ادعي لي ينقل خطيبي لرياض 💜💜 |
رد: حنيني لبيت اهلي وفقدي لهم
لانك ماتجلسي الوقت الكافي عندهم الي يخليك تشتاقي لبيتك يمكن زياراتك سريعه او بفترات متباعده
|
رد: حنيني لبيت اهلي وفقدي لهم
أبشرك ..
انا لي 14 سنة وللحين أعاني من بعدي عنهم .. |
رد: حنيني لبيت اهلي وفقدي لهم
انا لي سنة وللآن كل ما أذن العشاء يقبضني قلبي وأشتااق لهم .. تعودت أروحلهم بعد صلاة العشاء والحين نقلوا من مدينتي 😭
وعلى عكسك الحين أطلع منهم وأنا مشتاقة لبيتي وحياتي .. بس أول ما أوصل لبيتي وينشغل زوجي بدوامه وبأهله تجيني ضيقة وحزن وأفقدهم 😢 الله يكون بعوني وبعونك والجميع يارب . |
| الساعة الآن 08:42 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©