|
وش مسويه بزوجها..وش مسويتلك،،اجابه شاافيه !!
السلام عليكم
سؤااالي للرجال ؟؟ اللي يحترمون زوجاتهم وبالاسواق شايلين عيالهم ويخلون حريمهم ع كيفهم ويهدون زوجاتهم ويفااجؤنهم ؟؟؟ سؤالي وش مسوين لكم زوجاتكم تحبونهم هااقد وللنساء وش مسوية بزوجك يدلعك ويقدرك كذا؟؟&ماشاء الله ابي اجابه وافيه شاافيه تعبت من زوجي كل ماشاف رجال شايل لزوجته بالسوق ولاماخذين راحتهم يقول روحي اسأليها وش مسويه لزوجها لاسوق اتهنى فيه ولاطلعه انبسط بها هذا اذا طلعت ولا كوفي اشربه الايذلني عليه توصل فيه ياخذه من يدي ويرميه من الدريشه من الوقااحه واسكت وابلعها كل شي احبه يعاااندني فيه كنت اعشق الشوكلاه ويذلني عليها الحين جت وراحت ماتهمني عشقي القهوه الايطاليه وكل ماطلبتها يكرهني لها واخرشي ماعاد اطلبها السوق كنت من اكشخ البنات واتسوق براختي قبل اتزوج بداية الزواج كان يستحي مني الحين يوم واحد السوق وخلصتي ولاماخلصتي ماراح اوديك وطول الوقت يسب ويشتم ويتحلطم ومايشيل عياله ومايشتري لهم😢حتى العصير بالغصب وطلعة الروح والله وصلت فيه يسخب ولدي بالمحل عشان يبي سيارة لعبه وولدي من كثر الصياح والبكا يستفرغ والله اني ابكي معاه بكاء طفل من ااقهر وبعد ماطلعت ارواحنا من البكا اشتراله سياره بس بعد ايش بعد مابكيت وشاهقنا من البكا وادعي ياربي ولدك الله يلعن الفلوس فيه بخل شوي ودايما اقول لا يارب ماهو بخيل اقنع نفسي وامه وابوه بخلاء جدا اغنياء محرومين لاحول ولاقوة الابالله احس مأثرين عليه بالمره احسه وده يعطي بس مااايقدر😭 ابي اجابه تشفي غليلي،، يكره المطاعم والاغلب سندوتشات تخيلو😣 دايم اذا دخلت اي مكان صيدليه سوق يعصب ويتوتر ويقلق ويتكلم علي وصلت فيه يدفني قدام الناس والله واعصب اقول ماني بهيمه عندك ومايرضى اسال العامل واذا قلتله مايقول اللي ابي للعامل مدري وش هالانسان واذا قلت ناديلي العامل انا اساله يقول تعااال واذا جا العامل يقول فلانه تبيك مرات احسه وقح بهالاسلوب مايبغاني اطلب واسال العامل واذا مارد علي انا اسألهم ويتكلم علي قدام العمال فلانه تبغاك والله ان بيتي كان زي الفنادق واحسن الملعقه يتمرى فيها اذا بياكل واهتمامي فيه حمامات اسويله ومقشرات والله اني افركله رحوله وادهنها والبسه شراباته وادهن جسمه واعطره كان بجنه وداسني وماقدرني ولااحترمني ولاعاد اسويله من اللي زمان شي يحمد ربه ان غرفة الجلوس والنوم نظيفات ومرتبات باقي البيت غرفة عياله الملابس بالارض وشناط وحوسه والحوش يغبرمااجيه والمطبخ اراكم المواعين لليل ماعاد اهتم زي اول ابي اسراركم ونصااايحكم ابعرف وش مسويات فيكم تعاملونهن كذا ووش مسويات ياحريم ممكن نظره رجال تختلف عن المراه مع اني اتوقع اللي عندي اخلاقه كذا يحتقر المرأه دايم |
رد: وش مسويه بزوجها..وش مسويتلك،،اجابه شاافيه
الحظ من الله
خوذيها من الآخر ماشاء الله لاقوة الا بالله اعرف وحدة تقول لزوجها كل .... ياغيي ماتفهم وكل عطلة دولة وشغالات وسواق رايح وسواق جاي غير الجوالات والحركات... ووحدة بيته يلمع وليالي الوان وحاشمته وحاشمة اهله على سوءهم ويقولها يابقرة!! ارزاااااق وبس |
رد: وش مسويه بزوجها..وش مسويتلك،،اجابه شاافيه
هذي السخره
المتزوجات اللي تتكلمين ربي سخر لهم ازواجهم ادعي ربك يسخره لك |
رد: وش مسويه بزوجها..وش مسويتلك،،اجابه شاافيه
كل ما الزوجة احترمت نفسها وقدرتها وعزتها
زوجها نفس الشي ونفس الشي بخصوص الزوج كل ما احترم نفسه وقدرها الزوجة بتحترمة وتقدرة بالنسبة لصاحبة الموضوع انتي كيف تتخيلين حياتك بعد عشر سنين ؟؟؟ |
رد: وش مسويه بزوجها..وش مسويتلك،،اجابه شاافيه
ماشاء الله تبارك الله تسخير من ربي
والله العظيم حماتي تقوله ياحيوان ويمشي وراها وان كل اسبوع تسافر مهو كل شهر واذا مهو اسبوعيا كل شهر يعني مستحيل يمر الشهر ماسافرت لو قريب اهم شي تمشى وبصراحه اني مدلعته ع الاخر والله ماشاف الا الليالي والترتيب والاهتمام الفتره الاخيره اهملت كل شي كل شي الله يعطيكن العاافيه ننتظر ردود الرجال😊 اتخيل حياتي بعد عشر سنوات ماني متخيله حياتي من عرفته وانا عايشه لحالي بس وقت النوم معانا ابتفاءل خليني اتخيل حياتي بتتعدل بيكون كل شي ع كيفي😂 ويكون لي اهميه ووجود بحيااته الحمدلله خلونا نتفاءل واسأل الله انه يسخرلكم ازواجكم وزوجاتكم وانا معاكم |
رد: وش مسويه بزوجها..وش مسويتلك،،اجابه شاافيه
ماعندهن زوووود
ياكم رفلة حظها عند رجال وياكم ظفرة حظها عند ............. المسألة حظووظ وتوافيق وأرزاق من الله .. |
رد: وش مسويه بزوجها..وش مسويتلك،،اجابه شاافيه
انا اعتقد. من طيب خلق الرجل. أيا كانت زوجته و قناعته بها
يعني ان احبها أكرمها و ان لم يحبها لم يهينها |
رد: وش مسويه بزوجها..وش مسويتلك،،اجابه شاافيه
لايوجد شيء خارق للعاده تسوية الانثى لزوجها عشان تعيش مرتاحة
وبمجرد قيام الانثى بواجبها تجاة زوجها (بنفس طيبة معى اسلوب حوى) كافية جدا لجذب اهتمام الزوج والعكس صحيح ومنتضر بقية الاخوان |
رد: وش مسويه بزوجها..وش مسويتلك،،اجابه شاافيه
زوجك يحتاج يتعالج ..فقط
كيف كان معك بداية زواجك .. وكم لكم متزوجين ؟؟ |
رد: وش مسويه بزوجها..وش مسويتلك،،اجابه شاافيه
رزق من ربي سبحان الله ،
وأحيانًا يكون الزوج عسر وصعب بس الزوجة تعرف شلون تكسبه .. كيف ؟ يعني في رجال أهم شيء عندهم الشكل الخارجي تلاقين الزوجة تهتم بالبيت اهتمام مبالغ ، تهتم بالأولاد مايشوفهم أبوهم الا نظيفين ومرتبين ،، تهتم بشكلها ع الرغم من أنها أقل من عادية وجسمها مررة سمينة لكنها تهتم .. وزوجها يشوفها عيونه المركّبة ماشاءالله 😍 وأحيانًا الأخلاق والروح الحلوة هي اللي تحبب بصاحبها .. وآخر شيء واللي أكثر شيء أسمعه هو وقت العلاقة إذا ريّحت الزوجة زوجها بالليل ، ريّحها بالنهار ☺️ وبالنهاية كللللها توافيق من ربي .. والإنسان السليم يحاول أول شيء يصلح مابينه وبين ربه عشان ماتمشي حياته هدر .. بعدين يفكر بإصلاح حياته يعني إذا زوجي سيء بفكر ببديل مثل وظيفة مرموقة ! وظيفة تكفيني وظيفة تدلعني .. ما أجلس كذا حاطة يدي ع خدي وأتذمر .. لا أشتغل ع إسعاد حياتي .. |
| الساعة الآن 09:59 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©