مقدوس اللوبيا
 

السلام عليكم ورحمة الله وبركاته

كيفكن يا حواءات جمع حواء ههههههه

متل العادة كل شي سهل وسريع بفضل اعمله واتعلمه
اليوم وصفتنا سهلة كتير كتير
مع انو من زمان كان بدي نزلها

بس الله يخلي عزيزتنا الصائمة لله 😚😚😚😚
ذكرتني بس نزلت مقدوس الباذنجان

http://www7.0zz0.com/2015/08/26/16/543951561.jpg

متل ما شايفين بالصورة
الخضار ما ملزومين بكمية محددة بنقدر نزيد او نقص من الكمية
انا استعملت بحدود
كيلو لوبيا خضراء
نصف كيلو جزر
نصف كيلو فليفلة حمراء(بس انا حطيت مشكل لانو كانو موجودين عندي)
رأسين ثوم
نصف كيلو جوز او اقل او اكثر حسب الذوق
ملح حسب الذوق
زيت نباتي

http://www7.0zz0.com/2015/08/26/16/608900705.jpg


اول شي من بعد غسل الخضار بنقطع اللوبيا والجزر والفليفلة الى حجم صغير
وبنهرس الثوم وبنطحن الجوز خشن

تاني خطوة بنسلق اللوبيا بماء مغلي نصف سلقة او اقل بشوي وبنصفيهن
وبنرجع نسلق الجزر اقل من نصف سلقة وبنصفيهن

http://www9.0zz0.com/2015/08/26/16/599283520.jpg

وبوعاء بنخلط اللوبيا والجزر والفليفلة الحلوة الحمراء والجوز والثوم والملح ولازم طعمة الملح تكون شوي ظاهرة نفس طعمة حشوة مقدوس الباذنجان
وبنخلطهن وبنعبيهن بمراطبين

http://www7.0zz0.com/2015/08/26/16/146520159.jpg

وبعد الانتهاء بنضفلهن زيت نباتي وبنترك مجال شي اربع سم كرمال ممكن الزيت بعد وقت يطلع ويخرج للخارج
وبنسكر الغطاء
فينا ناكلهن بعد تلات ايام او اسبوع
وطيبين يضلهن يقرمشوا وما لازم يكون مستويين استواء كامل


http://www8.0zz0.com/2015/08/26/16/266175471.jpg
مقدوس اللوبيا

وهيدول من بعد شهر او اكثر من عملانهن

ان شاءالله تكون الطريقة سهلة وعجبتكن

وقريبا بنزل وصفة حلاوة الرز

💖💖💖💖💖💖💖💖💖

رد: مقدوس اللوبيا
 

ماشاء الله تسلم الايادي ميمو الله يعطيك العافيه
شغل مرتب ويشهي اول مره أعرف مكدوس اللوبيا
عجبتني الوصفه

fdgrg

رد: مقدوس اللوبيا
 

الله يسلمك يا عسل 😚😚😚😚😚
والله يعافيكي تسلميلي ان شاءالله
كتير طيب مع الاكل وخاصة البيض المقلي والبطاطا المقلية او المسلوقة والمجدرة وهيك اشيا
وفي ناس، بتاكلوا عالفطور لوحده بالخبز
نورتي حبي ندوووش💖💖💖💖💖💖

رد: مقدوس اللوبيا
 

رد: مقدوس اللوبيا
 

يالله طريقته جدآ سهله
ماتوقعتها بهالسهوله ؟؟

الوالد جدآ مغرم فيه

تسلم يدك يا ميموميا

رد: مقدوس اللوبيا
 

راااائع
تسلم هاليدين يا احلى ميمو ..

وبالعافيه عليكم .

رد: مقدوس اللوبيا
 

ماشاء الله لاقوة الا بالله
روعة تسلم يدينك بالعافية على قلبك ومن تحبين

رد: مقدوس اللوبيا
 

حياتي مؤيدة الله يعافيكي يا عسل😚😚😚😚😚
بالفعل لذيذ انا كنت كل ما انزل علبنان اكله من عند ماما وهيي كمان صارت بالسنوات الاخيرة تعمله
وكانت اول تجربة لي هون من فترة ونجح لانو كتير سهل طريقته
الاروع حضورك حبيبتي ربي ما يحرمني منك
نورتي💗💗💗💗💗💗💗

رد: مقدوس اللوبيا
 

الله يسلمك يا قمر 😚😚😚😚😚

ايه والله كتير سهلة حتى اسهل من السهل هههههه

ربي يخليلك الوالد فوق راسكن ويطول بعمره
نورتي حبيبتي رائحة البخور
💖💖💖💖💖💖💖💖💖

رد: مقدوس اللوبيا
 

انتي الاروع حبيبتي شقردية 😚😚😚😚

الله يسلمك ويعافيكي يا عسل

تسلميلي ان شاءالله

نورتي 💖💖💖💖💖💖💖