|
طلبت زوجي جوال جديد؟ فآشتراه لنفسه ؟
السلام عليكم
بدخل دايرررركت بالموضوع اليوم الصباح صحيت كالعاده اذان الفجر جهزت الفطور لزوجي واطفالي ومانتبهت للشواحن ولا ايش مشبوك بالتوصيله شويه زوجي يقولي ماتبغين تحضنين بنتك ماتبغين تقرين عليها قلت الحمد لله قريت عليها وحضنتها قالي حضن عند الباب طبعا فهمت انه يبا يصرفني من الغرفه قمت وجلست احضن ببنتي بالصاله وباب غرفه المعيشه مفتوح الا انتبهت اخذ جوال كان شابكه بالشاحن ومخليه ورا البلازما مانتبهت له جيت قلت اش هذا ورفض يوريني وباين انه شاحن سامسونج اخر موديل قلت انا مو قلت لك اذا اشتريت لك جهاز تشتري لى والا تحط قيمته بيدي قال جاني هديه وهوا كذاااااااااب معاشرته سنين قالي عندك ايفون 6 قلت تعرف ان اهلى جابوه لي هديه مو من خيرك لذلك لا تتكلم فيه مقهوووووره قعدت سنين اطلبه جوال ..... حملت وولدت وخرجت من الاربعين ماشفت منه شيء بالرغم انه يعرف انى ذقت الموت وتعبت بالولاده الاخيره ومن شهر حطيت خرصه باذنه لاجبت لنفسك جوال خذ لي معك للمعلوميه هوا اشترا جهاز من قبل وانا ابو كشاف من كم سنه ولاهمني وانكسر جواله والان اشترى الثاني واناااااااا طيب والله الشياطين تنطنط قدامي وربي يايجيب لي جوال يا يحط قيمته بيدي ياجواله ذا يتكسر واسويها ولا فكرت اتق شر الحليم اذا غضب وانا ساكته سنين سبحان الله الحين طلعت الفلوس يوم اطلبه يتعذر لي وخذ وهات من المعاذير اكرررره الكذب والكذابين فرحان بقاروره عطر جابها بالعيد بس اليوم جد جد طفح الكيل تم تعديل العنوان ليتناسب مع المضمون |
رد: زوجي والجوااااال
مرحباً أختي
بإختصار ياتاخذين جوال من زوجك بطيب خاطر... وبالطريقة إللي تشوفينها مناسبة ( دلع ، زن ، غيره ) وإلا أشتري من فلوسك ولو تجمعين فترة من الزمن بارك الله فيك |
رد: زوجي والجوااااال
مرحبا اخوي
والله تدلعنا مو عشان الجوال عشان نفسي ادلع نفسي كثير وادلع عليه اجيه بالطيب والابتسامه تغيرت سار بنفسي شيء اطلبه ولا اكرر كثير عشان مايمل لكن الى قهرني خرجت من الاربعين ورجعت بيتي ولا نص هديه انا عندي جوال ماعليا منه بس ليه الانانيه صبرت كثير يالرسمي محافظه على نفسي وبيتى وزوجي بس بالاخير بيخسرني فعلا كنت باول زواج عصبيه سرت اوزن الامور اكثر وراح كثيررر من هالعصبيه منى ولله الحمد باختصار مو ناقص عليه شيء معاي بس انا ناقصني معاه كثير اشياء اصبحت انانيه مثله زوجي قاعد يرجعني للماضي غصبن علي وانا مابا ارجع له ،،،، انا اخاف على نفسي معاه ياصبر الارض بس |
رد: زوجي والجوااااال
لا... يا أختي الله يرضى عليك
إنت ماشاء الله عليك عاقلة وذكية... رأيته من بعض ردودك لاتركبين مواقف فوق بعض حتى تعظم المسألة بنفسك ثم تجدين نفسك مقهورة ومغبونة خلاص الماضي راح... لاتسترجعين وطالما أنك تغيرتي بعصبيتك... إذاً أنتِ تتقدمين بالنضوج الفكري أكثر والتفهم للأمور بشكل أوسع... ولا تأخذين مفردات وتجبرين نفسك أن تتعاملي بمثلها... مثل: أن يكون أناني... فالبتالي لابد أن تكوني مثله. ..بل كوني كما أنتِ ... فالأخلاق الحسنة مطلب ورفعة على العموم مثل ماقلت لك... يابطيب خاطر... يابفلوسك بارك الله فيك |
رد: طلبت زوجي جوال جديد؟ فآشتراه لنفسه ؟
بِسْم الله الرحمن الرحيم
أختنا وكيلي الله بارك الله فيكي ووفقك لكل خير ، سأقول لكي رأيي فإن وفقت فبتوفيق الله و إن أخطأت فمن نفسي و الشيطان أنا عارف أن القضية الآن ليست في الجوال ولكن هي فإنكي تريدين من زوجك مبادرة في الإهداء و الهدايا و المبادرة فعليكي أن تركزي على هذه النقطة ولا تركضي خلف نقط صغيرة والتي ستكثر عليكي و ستتعبكي بالتفكير و ستحرقين نفسك على الفاضي لأن الموضوع الأساسي لم يحل أولاً الرجل في الغالب يتعامل مع الأمور بجدية بما يراه مناسب فالرجل إذا كان عنده شيء في يده لا ينتظر من زوجته أن تهديه نفس الشيء الذي يملكه فلا يرى للأمر على أنه من الحب و العشق بل يراه تبذير صرفيات مالها لزمه بعكس الزوجة التي تركز على الهدية ولا يهمها هل عندها مثلها أم لا بل تريد أن ترى الإهتمام من زوجها حبيبها وصدقيني غالب الرجال لا يفهمون هذا للأسف الشديد ولا يوجد من ينبههم لهذه النقطة أنصحك هنا أن توصلين له المعلومة بالطريقة التي ترين أنها تناسبة و يتقبلها إما بالطريقة المباشرة منكي أو بصورة غير مباشرة عن طريق أحد من أهلك أو أهله بشرط أن يكون علاقته جيدة جداً معه و يكون كلامه معه عام عن حب الزوجة أن يعاملها زوجها بهذه الطريقة التي هي ..... أو عن طريق مقاطع اليوتيوب تستمعون لها سوياً مع بعض وتستفيدوا منها معاً.... أو بما ترينه مناسب و أسأل الله أن يفرج همي وهمك وييسر أمري و أمرك |
رد: طلبت زوجي جوال جديد؟ فآشتراه لنفسه ؟
انتي ماشاء الله عليك امراة عاقلة رزينة وهذا مالتمستة من ردودك
تكتبين الحلول لصعب المشاكل وتغضبين من جوال ماهكذا تؤكل الكتف اختي .انا متكد انك ما انتي بحاجة لحلولنا فنحن من يبحث عن الحلول لديك وهبك الله بعد النظر وقوة التفكير ..ولكن قولي لة اليوم بكلم ابوي او اخوي يشتريلي جوال لعلة يتحرك مابداخلة ..الله يسخرة لك يارب |
رد: طلبت زوجي جوال جديد؟ فآشتراه لنفسه ؟
اختي اسمحيلي انتي طرحتي موضوعك هذا عشان نكون صادقين معك ومانجاملك
الحقيقه انتي غلطانه ومستفزه اختي انتبهي تراك تدورين خراب بيتك على كلام فاضي والرجال ترى بطبعه عنيد يعني اقسم بالله اقسم بالله اقسم بالله لو ان زوجتي تقولي اللي انتي قلتيه فـ لاتفرح لابجوال ولاغيره لو يوصل الموضوع للطلاق لكن واضح ان زوجك انسان طيب فـ يابنت الحلال انتبهي لبيتك وبعيدن اختي انتي ماتطالبين بشي من حقك الجوال مو حق على الزوج هذا تفضل اذا جاب لك خير وبركه واذا ماجاب مو ملزوم انا معك ان اي انسان يحب انه ينهدي هديه خاصة من شريك حياته لكن مو بهذاالاسلوب يكون بالتودد واللطف مو اذا ماشريت لي راح اكسر الجوال!! يعني بصراحه اختي ولاتزعلين مني لو ان انسان مو متزوج وقراء موضوعك هذا راح يراجع نفسه الف مره قبل لايقدم على الزواج اذا فيه ناس كذا تفكيرهم واسلوبهم لكن ارجع واقولك انتبهي انتبهي انتبهي على بيتك وزوجك لاتخسرين كل شي على تصرفات مالها معنى |
رد: طلبت زوجي جوال جديد؟ فآشتراه لنفسه ؟
انت زعلانة عشان ( الكذب )
و محاولة استغفالك و شعورك باستخساره فيك الهدية .. و تفضيله نفسه عليك .. . . تخلصي من الأحاسيس هذه .. و فكري بطريقة تانية .. - اغلب الرجال كذا .. - ما يقصد انه يستخسر فيك .. - يمكن ما عنده فلوس .. - يمكن يشوفه شي مو مهم بالنسبة لك !؟ |
رد: زوجي والجوااااال
اقتباس:
قايمه فيه وبنفسي وبكل شيء لكن صراحه (بيني وبين نفسي) مش ممكن افضله على نفسي والجوال الان ماابغاه جت براسي فكره ثانيه اشكرك اخوي جزاك الله خيرا |
رد: طلبت زوجي جوال جديد؟ فآشتراه لنفسه ؟
اقتباس:
وسكتت وقبل مده طلبت منه مبلغ بسوي شوبنق قال حاليا مزنوق وانا اكره الكذب ما اطيقه احب الشخص دغررررري معي فامن وين جات فلوس الجوال اكره الي يستغفلني وللعلم فقط صح جواله انكسر ورجع صلحه اما مساله ادخل الاهل نوووووو وي كلن عقله براسه يعرف خلاصه بارك الله فيك ردك افادني |
| الساعة الآن 01:52 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©