الاستقلال المادي عن الزوج .. واحقية النفقة
 

السلام عليكم ورحمة الله وبركاته

اخواني انا عندي دخل بسيط وبناء عليه أخذ لي زوجي قرض واقسط دخلي كله زوجي الكفيل وعنده الضمان أن رأس المال مالمسه نهائيا الين أخلص القسط اوكي
القرض سددته وتو من سبوع أخذت 50 الف نفس الحكاية واقسط راتبي كله لمده سنه و4 شهور طبعا فكرنا قبل
زوجي عليه دين من أخوه تقريبا 70 الف قلت سدد اخوك وانت بعدين تسددني ع شوي شوي
حدث مشكله بيني وبين زوجي وهي إليه الصرف علي المهم اني انا ماطلبه كثير بالعكس وان طلبت طلبت مبلغ بسيط

لأن عندي دخل ولا اطمع فيه الحاصل اليوم قلة له ابي فلوس ابطلع كافيه قال مامعي قلت تكفى لا تبخل علي والله مشتهيه اطلع قال مامعي وو المهم سكت لما رجعت البيت تناقشت معه بموضوع الصرف قلت يافلان انا دايم ماطلب منك يمر الراتب وأبوه ماعمري قلت لك عطني وان قلت لك قلت لي مامعي قال كذابه دايم اعطيك قلت خلنا نحسب الشهر الي قبله أخذت منه 1800 وسددته و بعدها صارت مشكله مو في المال وبغى يرضيني شحن لس انترنت ب 300 المهم قالي انا عطيتك الشهر ذا الف ولما حسبنا صح طلعت 400 فقط مع النت الي هي روضوه

قلت مشاء الله وين تلاقي زيي الشهر ذا 400 والي قبله 1800 وسددتك المهم عصب قال انا ما لي شكر هاه والقرض الي اخذته لك دخل فلوسي غصب قلت وش دخل القرض دام انا اسدد شهري وراس المال عندك ضمان قال لا انا مالي شكر ولو اعلم احد قالي ماقصرت معها بيض الله وجهك وأنا ماصرف عليك هين والله ماتشوفين الريال ومادري ايش والفرض هذا خلاص آنسيه اباخذه انا وفلوسك الي تستثمر خلاص شهري راح أنزلها لك ان شاء الله تحرقينها طبعا الي يستمر الفلوس أخوه ويأخذ نسبه مني


شورو علي بديت أخاف منه يقولي انا مالي شكر وانا دافعة لمدرسة ولدي 5 الاف و50 الف يسدد واحد من اخوانه عشان يخلص منه

وترا حالته المادية زينه وأخذ دين من أخوه عشان يشتري سياره فارهه وعنده مال يستثمر

ونظامي معه تمر 6 شهور 5 3 شهور مأخذ منه إلا 50 ولا 100

واذا بنسافر كل واحد يدفع النصف

اه بس مقهورة منه لأن انا ماعلم اهلي اني أخذ قرض ولا عندي دخل ويقولي لا تعلمينهم بالي عندك والحين يهددني يقول روحي قولي لاهلك مايصرف علي ولا راح اصرف

بالله الآدمي هذا كيف أتعامل معه ترا مو طمعانه فيه بس ابي لي رجال أن طلبت قدر وعطى مو يبخل علي من قبل الراتب وهو يقول مامعي والحين يقول مشاء الله فلوسك تشتغل وانا اصرف ؟؟

(تم تعديل العنوان ليتناسب مع المضمون )

رد: ابي حل
 

الامور المادية بين الزوجين لازم لا تتسم بالضبابية بل تكون على نقي افضل بكثير

رد: ابي حل
 

هو ما يصرف عليك؟ النفقة الشرعية المأكل والمشرب والكسوة هل يعطيك ؟؟
يوم طلبتي منه هل كان عندك فلوس؟؟ او ماكان عندك؟؟

رد: ابي حل
 

لي عتب عليك ،،،، عندك دخل ليه يعرف به اصلا

وليه معودته انه مايصرف من البدايه

فيه مثل يقول ( العود من اول ركزه وانا اختك)

فمن البدايه مفروض ماعودتيه انك تصرفين نفسك ،،،،حق لك خذيه حتى لو مليونيره هذا يحسسه برجولته

وخلى لك حساب بالبنك طواري
الى ماتعرفينه بعض الرجال وليس الكل انذال
يهين الحرمه بالصرف والمصروف وللاسف هالنوعيه مافيه ذره عقل

الزبده امورك الماديه من اليوم وبعد تسددينه القرض لا يدري عنها شيء
نزلتي لاهلك قولي يالحب مصروفي انا والعيال تعرف عشا وكذا نزلتي سوق اطلبيه او تفاهمي معاه ينزلك مصروفك والعيال مع الراتب

وانتبهي تخلين بمحفظتك ريال ،،، خرجي المحفظه قولي هنا مافيها ولا ريال افاااا بس انت سيد الرجال ماترضاها اقعد كذا انفخيه غيري طريقه الطلب والاسلوب المهم توصلين لهدفك معاه انه يصرفك حبه حبه

حبيبتي ثاني مره بتاخذين قرض وتبين كفيل اكبر غاط تدخلين زوجك خلي امورك سريه جدا وكفيلك اخوك والا احد من اهلك

انا بنهايه الشهر اكون موفره من مصروفي بس اخبيه واول ماينزل الراتب محفضتي ولا نص ريال واذكره
يختى هم يستمتعون ولهم حق الطاعه وحسن التبعل

واحنا لنا حق يصرفون علينا

ابدي عوديه من جديد بالتدريج ووضحي التزاماتك له

وحسب كلامك ماعليه ومشتري سياره فارهه كمان وهو حتى مصروف مايحط

شغلي كيد النسااااااااء

ولاتسين اشكريه ومن هالكلام الزين

وربي يساعدك

رد: ابي حل
 

انا اشوف اذا عندك دخل مايحتاج تطلبينه فلوس دام معك اكره شي احد يمن علي انا ماعندي دخل يعطيني مصروف بس لارحت مستوصف انا ادفع مصاريفي فواتير النت متقاسم معي الفاتوره ههه دايم افكر لاتوظفت ماخذاتخيله هو يقول معك فلوس زين مايقول ادفعي اجار معي عجزت اشوف رجال صاحي عقدوني الرجال

رد: ابي حل
 

مادام يسكنك بحساب ويأكلك بحساب هذي هي النفقة غير هذا ماهو ملزم
انا مادري ليش الحريم ما يعتبروا السكن والاكل والشرب نفقة

رد: ابي حل
 

انتي تعرفينه اكثر وثقتي فيه في امور كثير وكان قد الثقه اذن هذا الكلام دافعه غيرته منك
خلك هاديه لا تخسرين الثقه اللي بينكم عشان سالفة مقهى وخصصي لك جزء من دخلك الشهري دلعي فيه نفسك واطلعيه على اهمية هذا الشيء بالنسبة لك

لا تدخلين احد بموضوعك

اهدي اهدي اهدي ثم تصرفي بحكمه وتعقل
يوم بعد يوم اذا راتبه كويس راح يعطيك مصروف اذا حس باحتياجك له

رد: الاستقلال المادي عن الزوج .. واحقية النفق
 

ياجماعه هو له فضل علي أنه ساعدني في تكوين مبلغ بس انا أقسط من حلالي ماله دخل هو دخلي 4 آلاف كله يروح قسط والقرض الي اخذته مالمسه يستثمر أخوه الي يستثمر وجالس يمن علي والله دايم أساعده وبينا ثقه والآن ابعطيه سلفه 45 الف يسدد أخوه إلي شاري له سياره فارهه

وراح يسددني كل شعر مبلغ لمده 4 أشهر فوق هذا كله يقول انا شغال عندك ومالي شكر وهو ماسوى شيء غير ماسك صرافتي شهري يحول القسط و القرض عند أخوه يستثمر أه بس انا تعبت من تصرفاته والله احس أني خدامه حتى لو اتعب ابي المستشفى يقول لا جاء الراتب وإذا جاء قبل يوم الراتب قال الراتب راح وانا بعد صرفته وان طلبته قال انتي ماتستحين اقولك الراتب خلص عودني ع كذا وانا على نياتي اقول مسكين ماعنده شيء واخذ من امي ولا يكون معي مبلغ بسيط ولا اطلبه وع ذا الحال بس الحين خلاص ماعندي شيء الفلوس راحت قسط سنه وشوي يقول مشاء الله اصرف عليك وفلوسك تستثمر بالله كيف ارد عليه

رد: الاستقلال المادي عن الزوج .. واحقية النفق
 

وش دخل اخوه بفلوسك؟؟


المهندس ترى بس الحيوانات تحتاج اكل و شرب و سكن (فقط)
تخيل نفسك تحت سلطة شخص بس يأكلك و يشربك و لا له عليك ملبس و لا كمالية
طبعا ما يرضى ذَا الشخص تشتغل🙊
لا و يقولك الطبخ واجب عليك مثل العرف. و انا يعني يا هلشخص حتى لو عرف الناس
يصرفوا على اللبس. فقط حقك عليك أكلك وشربك. ترضى؟؟؟؟

رد: الاستقلال المادي عن الزوج .. واحقية النفق
 

اتفقي معه على مصروف شهري اريح لك وله ..