بيت اختي يوشك علئ الدمار بسبب السناب شات
 

السلام عليكم ورحمه الله وبركاته
اسعد الله مساكم جميعا 💜💜
حبايب قلبي عندي مشكله وأرجو مساعدتي فيها
الله يسعدكم ويفرج همكم 💜
م ادري من وين أبدا لكن راح اقولكم كل شي بالتفصيل
انا طالبه جامعيه وضعي مع اهلي تمام جدا م تزوجت الى الحين
اختي متزوجه من 4 سنوات والحين عمرها 22
الاحظ من الفتره الأخيره جلوسها ع السناب شات بشكل فضيع
تصوير دايما ، واهي ترقص واهي طالعه ل اي مكان
يوم من الأيام نامت عندي وفاتحه السناب تسولف
مع مين الله اعلم لكن انا شكيت وتعوذت من ابليس
لكن تفاجأت يوم من الأيام اختي جابها زوجها
وقالت فيه مشكله بينا ، لكن ايش هي الله اعلم
كلمني زوج اختي بما اني اقرب وحده ل اختي
وقال عن موضوع السناب ، انو اختي ضايفه شباب
2 فقط وتسولف معاهم انا مدري ايش اقول
لكن والله يعني م بيدي شي أسويه
كلمتها م تسمع لي ومدري ايش
اهلي كلموها م تسمع ل احد
رجعها زوجها وجاب لها جوال جديد وكل شي
م قصر معها ابد لكن الحين رجعت مثل اول
سوت حساب جديد وضافت فيه ناس
وزوجها عرف ع كلامه انو يقول م قدر يصبر وطقها
تكلم واحد عبر السناب شات وكذا والموضوع يعني مو هين
خلاص هذه ثاني مره اهتزت الثقه عرفو اهلي وكلموها
مدري ايش الحل ، أهو الحين حطها عندنا ، ويمكن بعد م يرجع ياخذها
مدري وش الحل اهلي مالهم وجهه يكلمونه وانا نفس الشي
انا كل ماصارت مشكله احل المشكلة عشان ماتكبر
امي فيها سكر ابوي فيه اعصاب يعني اي لحظه بيطيح
أرشدوني ، ساعدوني ، شوفو معي حل
مابيديني شي وربي شكواي لله تعالى 😔💜

رد: مشاكل بسبب snapchat
 

هل فيها ندم او خوف؟ محاولة لتحسين وضعها؟
هل هناك محرك يجعلها تفعل ماتفعل؟صديقات قلة دين زواج صعب؟
هل بينهم اطفال؟
هل زوجها انسان متفهم و يحتوي الامور؟

رد: مشاكل بسبب snapchat
 

حيل ندمانة وخايفه من انه يطلقها
ودها يرجع وضعها زي اول وأحسن
لا م عندهم أطفال
ايه مره متفهم ، وكمان يبي عذر مقنع
عشان يسامحها وترجع له ?

رد: مشاكل بسبب snapchat
 

اذن لا تفعلي شيئا
وانسحبي
وكذلك اهلك ان استطعت اقناعهم فدعيهم باردون اتجاه مشكلتها حتى تفزع هي
وقولي لهم اتركوها فالعلاج ليس بإرجاعها له بل بتغيرها من الداخل كي لاتعود اليكم من جديد
ومبادرتكم بلملمة الامر وعودتها يعني انكم تساعدونها على مواصلة خراب منزلها
دعوها تجدف وحدها للوصول اليه
الامر يحتاج عزمها وارادتها

رد: مشاكل بسبب snapchat
 

الله يهديها
تعتذر منه
وماهي نوعيه المحادثات مع الشباب

رد: مشاكل بسبب snapchat
 

الله يعين ويصبر
أشكرك اختي ماتقصرين
يعطيك العافيه ان شاءالله بسوي الي قلتي

رد: مشاكل بسبب snapchat
 

امين يارب ويهدي الجميع
اعتذرت منه بس هو يبي عذر مقنع عشان يسامحها
ع الي سوته
بينهم علاقه اهتمام وكذا
يقول قريت المحادثة تهتم فيه بشكل
الله يعين بس مدري ايش اسوي

رد: مشاكل بسبب snapchat
 

للاسف برامج التواصل الاجتماعي مثل ما فادت ـ، اضرت بالكثير وهدت بيوت..

الظاهر ان الملل داب في حياتها .. فجالسة تتسلى بشيء حرام..

هي مو موظفة؟ صح؟؟؟

رد: بيت اختي يوشك علئ الدمار بسبب السناب شات
 

اعوذبالله



اتعوذ من الشيطان يوميا
لاني كم اتمنى ان اعرض رقصي ومفاتني ليمتدحني احد
واتعوذ من الشيطان

كيف علاقتها بالله

اهم شي الصلاه هي التي تنهى عن االفحشاء والمنكر

الصلاه ثم الصلاه ثم الصلاه

لو لم اصلي لارتكبت ذنوب كبيره

الله يهديها ويهدينا للطريق المستقيم
لازم تسحبون الجوال منها وركزي على صلاتها

رد: بيت اختي يوشك علئ الدمار بسبب السناب شات
 

مع اختي انليميتيد