|
قلقي من زعل امي وحساسيتها الزايده
السلام عليكم ورحمة الله وبركاته
كيفكم جميعا مو عارفه كيف ابدأ واتكلم عن اللي بنفسي شايله هم كبير فوق طاقتي كإنسانه فوق قدرتي كبشر ولا أملك بيدي اي شيء لتغيير اللي يصير معاي .. مشكلتي مع الوالده الله يحفظها ويخليها يارب بصحه وعافيه حاسه بقهر كبير متعب لي نفسيتي ان حصل اي حوار بيننا او انتقدت اي شي او تصرف من اخواني الذكور تزعل مني ولاعاد تكلمني لما كنت صغيره لازعلت مني اجي ابكلمها بعتذر منها تصرخ في وجهي وتدعي علي بدعوات كإني عدوه لها دعوات قلبي لايطيق تحملها تكسر قلبي الصغير كنت في عمر الطفوله وقتها واصبحت عندي مثل العقده ان صار زعل منها ابتعد من خوفي ولا أكلمها وحتى احاول اخرج من المكان اللي جالسه فيه افضل تقليل تواجدي بسبب خوفي في كل لحظه تمر علي اخاف تدعي علي او تسبني وتجرحني بالكلام ف اقول الابتعاد أسلم.. وفي نفس الوقت نفسيتي تتعب ويصير عندي قلق ونومي قلق وحالتي حاله ولاأكلمها ليييين احس انها هدأت ادخل بموضوع واشوف ترد او لا احيان ترد وتتجاوب وينتهي الزعل واحيان لااااااا تعاملني كاني جدار تقول مااعتبرها شي عندي علي انا<< ولامعلومه زعلها يوصل للشهر واكثر في مره من المرات 5اشهر ماتكلمني ورافضه اي مبادره مني وحتى تترك اي مكان ادخل فيه اعاني من تعاملها كثيييير واخاف من الله وافكر كثير وابكي ولكن ماترحمني ولا تحن علي بعكس اخواني واخواتي ماعمرها زعلت بالطريقه هذي الا معاي انا .. مساعدتكم بالنصائح او اي كلمه تريحون فيها قلبي ..ترددت كثيير قبل طرح موضوعي مهما حصل هذي امي ولكن تصد عني برها مو قادره أبرها بسبب تعاملها وحساسيتها وكثرة زعلها مقهوره مو قادره ابرها وخايفه جدا من الله شايله هم يوم العرض وخايفه خايفه من كل شي يمكن كلامي مو موزون بس لاني اكتب وانا نفسي اساسا قلقه اخر زعل الحين صار لها قرابة الشهر ماتكلمني والسبب تافه جدا والله لو أذكره تستغربون ولكن الله المستعان.. تم تعديل العنوان ليتناسب مع المضمون |
رد: مشكلتي مع امي
حسب كلامك ان تعاملها مع خواتك
وخوانك جدا رائع لماذا انتي بذات؟! يجب ان تبحثي بنفسك قبل طرح الوم علي والدتك الانسان قد يكون على خطئ ولكن لا يلاحظ ذلك علي نفسة يجب منك الجلوس مع الوالدة وسؤالها عن الاشياء الي تضايقها من جهتك واصلاحها |
رد: مشكلتي مع امي
عزيزتي
غالبا ان ابناء الانسان هم اللي يميزون انفسهم بمعني انا مميزة عند امي ولله الحمد من بين اخواني وأخواتي كلهم ودائما تقول لهم هي غير ،،،،،،في كل شيء انا غير عنهم تدرين ليش ،،،،،لاني اخضع لها جناح الذلة من الرحمة واقول ربي ارحمها كما ربيتني صغيرة ،،،،، ومهما فعلت لامي فلن الحق جزأها ولو رفزة من رفزتي في بطنها ،،،،، ولاني الوحيدة المطيعة لها طاعة اطلب رضى الله في رضاها واطلب توفيق الله في بري لها ،،، وعمري ما طلبت مني شيء ورفضته وأقرب واحدة لأمورها واحتياجاتها بصرف النظر عن البقية من اخواني وأخواتي يعني أعطيك مثال اذا طلبت شيء مننا كلنا انا اول من يتقدم وبالضعف وبسخى زائد وطيب نفسي ،،،،،،،،،،والحمد الله على توفيقه ،،،،،، لذلك ،،،،،اجعلي أمك في عينيك اليمني رضاها وفي عينيك اليسرى التغاضي عن جميع أخطائها ،،،،،، اخفض لها جناح الذلة من الرحمة ،،،،،توددي لها وتقربي ،،،،واكسبي رضاها مهما حصل منها ،،،،،،،لان هذا واجب عليك وانت محتاجة جدا لأداء هذا الواجب اذا كنت تريدي التوفيق في الدنيا ،،،،،وتريدي الله يرضى عنك وأعطيك مثال اخر عندي بنتي احيانا أكون زعلانة بشكل عام ومنزعجة والله انها تجئ منا وتجي منا حتى ارضى عنها او عن اللي إخوانها وبأسلوب اكثر من رائع ،،،،، يعني انت اجلس معها وقت الهدوء والاسترخاء وقولي ياامي لا تدعي علي ،،،،،،انا بنتك وأبي الله يوفقني وانت يهمك توفيقي ،،،،،وانا احبك ،،،،،وما حب أراك زعلانه ومن هذا القبيل ،،،،، وسوي لها الأكل اللي تحبه وسوي لها قهوة وشاهي واخدميها ونظفي لها البيت واذا جاي ضيوف عندكم قومي فيهم ولا تخليها تشتغل وتعب نفسها ولا تدخلي في جدل معها يضايقها حتى لو كنت محقة وتجنبي عضبها عليك وان شاء الله تنالي رضاها |
رد: مشكلتي مع امي
اقتباس:
ايش هذي الالفاظ استغفر الله العظيم انا مستغربه ومااعرف الحل |
رد: مشكلتي مع امي
اقتباس:
مو كل العالم تتفاهم الوالده للأسف ان حطت شي براسها لو العالم كله يجي يقتعها فيه لاتقبل برأي اي احد اخواتي حاولو يفهمون منها سبب تصرفاتها معاي ولكنها لاتجيب ماعندها رد مقنع ياجبيبتي قبل تجين تعاتبيني مافهمتي ايش اللي أمر فيه معاها انا ذكرت ان اسباب الزعل سخيف جدا ومايذكر مدري انتي قريتي موضوعي كويس والا كيف!! بذكر مثال.. اخوي يتأخر عن البيت كثيييير يعني مثلا يطلع الصباح للدوام ومايرجع الا 12 ليلا واوقات الاجازات مايرجع الا الفجر او الصباح وخروجه من العصر لاحظنا كلنا هذا التغيير المفاجئ وكذا مرا اركب سيارته يقول اضغطي زر بجانب الكرسي عشان ترجع كورة الحوامل سألته ومين فتح حق الحوامل قال ابد صديقي كان يجربه يعني صديقه يجرب اكثر من مره!!! هنا دخل الشك قلوبنا بدأنا نستفسر ونبهنا الوالده على هالموضوع طنشت ومره انا حسيت بقهر لانه هدد وقال بتشوفون مفاجأه قريبا وكان يؤيد اللي يتزوجون من ورا اهلهم جيت من قهري سألت الوالده عنه اقولها وينه لسى ماجا البيت؟ قالت مدري ... يعني مو عارفه ولا ساأله انا قلت يمكن راح للحامل ومن بعدها زعلت ولاعاد تكلمني بعدي بالضبط جا اخوي الثاني يسأل عن اخوي الغايب وجاب ألفاظ قويه على كثرة غياب اخوي سكتت ماردت وتكلم اخوي عااادي وانا زعلت مني!! فهمتي يعني نفس الموقف مني تكبر الامور ومن غيري لا تاخذها بطيب قلب |
رد: مشكلتي مع امي
اتمنى احد يساعدني بحلول عقلانيه اكثر
من الخياليه اتوقع الام هي القلب المعطاء اللي تكون حنونه مهما حصل وهي اساس الاحتواء وماتصد بر ابنائها بالعكس مفروض تساعد على بر ابنائها لها .. باختصار انا ماسويت جرائم ولا طولت لساني ولاسويت شي يستحق كل هذي المعامله القاسيه مدري ليش التفرقه بالقدر هذا |
رد: مشكلتي مع امي
اغلب الامهات عندهم ميل لابنائهم الذكور و يتحملوا منهم الي ما يتحملوه من البنات
كيف تعاملها مع اخواتك البنات؟ |
رد: مشكلتي مع امي
اقتباس:
مع ان المفروض الام تكون أحن على بناتها تعاملها مع اخواتي افضل مني وتفضلهم علي تقريبا بكل شيء الوالده تحبني طبعا انا مااقول تكرهني بس زعلها الكثير والطويييل مسبب لي قلق نفسي يعني ماتزعل من اخواتي نفس زعلها مني حتى هم بأنفسهم يقولون لها احنا نزعلك نفسها ليش تشيلين عليها اكثر وتكبرين الامور معاها مع ان نفس اللي يصدر منها يصدر منا |
رد: مشكلتي مع امي
من الي اشوفه حولي
البنت الي في حاجة اهلها اكثر بمعني اتزوجت لكن بعدها بتلجا لاهلها في مشاكلها و مصالح عيالها او البنت الي شخصيتها ضعيفة و تموت خوف من زوجها و اهلها عارفين هالشيئ او يدعموها ماديا لسبب ما هنا الام بتجي عليها اكثر مش لانها بتحبها اقل لا يمكن من باب مثل ما متحملينك تحملينا |
رد: مشكلتي مع امي
اقتباس:
مو بيدي اني اكون عند اهلي بغياب زوجي |
| الساعة الآن 11:47 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©