|
اقناع الزوج في الجلوس عند الاهل مده طويله
صباح الخير ..
نفسي اعرف طريقة اقناع الزوج إني اجلس فتره طويله عند اهلي يعني شهر تقريبا انا بعيدة عن اهلي واروح كل 6 شهور مرره زوجي يرفض يخليني اكثر من اسبوعين عندهم طيب والحل كل روحاتي اسبوع اسبوعين ويجي ياخذني يقول مااحب تطولي بعيد دي رغبة اي وحده انا عندي سفرره قريبه ابغى طريقه اقنعه اجلس الشهر كامل؟؟ |
رد: اقناع الزوج في الجلوس عند الاهل مده طويله
سبوعين كافية وماقصر معك والزوجة مالها الا بيت زوجها والله لو تقعدين شهرين مو شهر ماراح يكفيك وندل علي شي دل علي محبتة لك..لاتخربين بيتك بيدك وتخلقين مشاكل ونزعات والرجال ماقصر معك ابدا
|
رد: اقناع الزوج في الجلوس عند الاهل مده طويله
شاطئ الراحه شهر معقول واكثر منه لا
بالعكس يجدد ااشوق ويتقابلون مشتاقين ومتصاافين ✋🏼✋🏼✋🏼 بصراحه كنت مثلك اقعد اسبوعين ويجي ياخذني واتنرفز واعصب وازعل مادريت انه مشتااق ومايقعد بدووني جربت اقعد شهرين بصراحه النتيجه فجوه كبيره بيننا واخر مره قعدت ثلاث شهور عند اهلي من قبل اولد بشهر وولدت وخلصت الاربعين عند اهلي والعيد الرجال جاله اكتئاب وابعدنا عن بعض كثير بس فيه حسنه وحده انه يقولي كل ماخليتك عند اهلك اجي وانتي محلوه ومتغيره😎 شكلك توك متزوجه عشان كذا مايخليك كنت مثلك وحرب واحيان اسبوع وياخذني اقنعيه قولي عشان نشتاق لبعض وحاولي فيه بالليل انا مع المقوله كثر الدق يفك اللحام✋🏼 زني وزني وزني لين يوافق وانبسطي عند اهلك لانه راح ينكد عليك ليش تخلينه 😑 وفالك اجازه شهر🌹 |
رد: اقناع الزوج في الجلوس عند الاهل مده طويله
السلام عليكم ورحمة الله وبركاته...
مرحبا لارا حبيبة، أسبوعين كافية جدا جدا أظن لديك موضوع تشتكين لخوف على زوجك من أصدقائه بالعكس بعدك عنه ستعطيه مساحة يكون معهم دوما وربما تأثيرهم أقوى. فهو يحبك ولا يستطيع أكثر بالعكس احترمي رغبته بكل سرور واسعدي لذلك، أحيانا البعد يصنع الجفاء ومشاكل لا منتهى لها. وفقك الله. |
رد: اقناع الزوج في الجلوس عند الاهل مده طويله
اختي ..
كم عمرك !! شهر مرررررره كثير .. والرجال ماله خاطر عندك ماله مقدار وحشيمه .. اسبوعين والله ماقصر معاك .. اذا السبب تبي تجلسي عندهم لمرض او ظرف مايخالف لكن شهر والله حتى الاجانب ماسووها مع زوجاتهم !! كذا راح تسببي فجوه ع المدى البعيد ولا سمح الله حصل بينكم خلاف .. راح يشوف هالمده يوم بالنسبه له !! اختي تعوذي من الشيطان واتركي موضوع الزن اللي ماله داعي .. صحيح بيوافق بعد زنك لكن من جواته ماهو مرتاح ولا هو عاجبه خير شر .. وكذا تتركي له مساحه ان يقبل ع خطوات وامور لا تحمد عقباها . اتمنى لك التوفيق بحياتك الزوجيه |
رد: اقناع الزوج في الجلوس عند الاهل مده طويله
ليش متزوجة طيب
هههه حتى الاربعين ما خليتها تروح بيت اهلها مو عشان شيء عشان بيتنا كان قريب مره من بيت اهلها واهلها الله يسعدهم ما قصروا معايا وانا ان شاء الله ما اكون اني قصرت معاهم احنا يالله اسبوع الدورة مال زوجاتنا صارت تجينا اعراض المرض ( محروم لا تكلمني ) وانتي تبغي شهر الله يعين زوجك ودمتم في حفظ الرحمن |
رد: اقناع الزوج في الجلوس عند الاهل مده طويله
عمري 21
جزاكم الله خير بس انا وضحت اني في مدينه بعيده جدا عن اهلي واضطر اجلس بقرابه ال 6 إلا ال7 شهور مااشوفهم ابدا عشان كذا اتمنى اطول شويه عندهم لأني اكون مشتاقه مره لهم |
رد: اقناع الزوج في الجلوس عند الاهل مده طويله
اسبوعين كافية
الرجال ما يصبر عن زوجته ابد واللي يصبر شهر وفوق اكيد عنده بدائل يسلي فيها نفسة ويطلع رغبته الجنسية اتفاهمي معاه انو تنزلين كل 3 شهور او 4 خاصة انو مافي اطفال فسن المدرسه صح |
رد: اقناع الزوج في الجلوس عند الاهل مده طويله
من اكثر الاشياء اللي يكرهها الرجل
الزوجة الزنانه |
رد: اقناع الزوج في الجلوس عند الاهل مده طويله
اقتباس:
بالنسبة لطريقة الاقناع استخدمي انوثتك ودلعك والكلام الحلو ومدح زوجك وصدقيني بالكلام الحلو راح تقدرين إن شاءالله تقنعي زوجك ،، الله يوفقك ويسخر لك زوجك،، |
| الساعة الآن 06:58 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©