منتدى عالم الأسرة والمجتمع - احبها ولكن اسلوبها جارح ! مالحل المناسب

منتدى عالم الأسرة والمجتمع (http://www.66n.com/forums/index.php)

- المقبلين على الزواج (http://www.66n.com/forums/forumdisplay.php?f=7)

- - احبها ولكن اسلوبها جارح ! مالحل المناسب (http://www.66n.com/forums/showthread.php?t=262876)

احبها ولكن اسلوبها جارح ! مالحل المناسب

السلام عليكم

ابي ادخل بالموضوع بسررعه و الوقت يداهمني و ما ادري
ايش اسوي

خطيبتي تزعل من اتفه الاسباب و هذا الشي يقلل من حبي
لها
و الله اني اعشقها و اموت فيها .. بس تصرفاتها تزعجني

كنا في اجتماع مع ابوها و ابوي و قال ابوها انو يبغى يضيف شي
على الفرح ووافقنا و مافي اي مشكلة
المهم امس اتصلت علي تسال عن البيت و الايش بتسوي
يعني زي كذا
المهم قولتلها من ظمن الاشياء ان ابوها قرر على كذا
قالت غريبه ما قلي !!
قفلت من عندي و كلمت ابوها و سالته
و رجعت دقت علي .. تقولي ابوي ما قال كذا !!!!
انا تفاجئت ؟؟؟
قلتلها طيب خلاص قفلي الموضوع نشوف وقتها
قالت ليش نقفل الموضوع !!! لا ابوي ما قال كذا !!!

( انا الي براسي اني اكلم ابوها بعد كم يوم و اساله
يمكن بطل )

قولتلها خلاص خير انشاء الله خلاص لا نسوي مشاكل الحين
( طبعا باصرارها على ان ابوها ما قال اكلت معاي . يعني
انا كذاب !!! بس عشان ما تصير مشاكل سكت و مشيت )

تقولي لا انت الي تبغى كذا ابوي ما يبغى انت تلف و دور
( انا تجننت ليش تقول عني كذا انا ما قلت شي )

قولتلها لا ترفعي صوتك ( بدات اتجنن اكثر و هي تقاطعني )
قولت انتم تستهبلو !! ( و سكت حسيت اني قلت شي غلط )

قامت هي عصبت بزياده و صارت ترفع صوتها
انت ايش قصدك ايوا قصدك اهلي صح الا اهلي

انا سكت و صرت اتمالك نفسي و لازم اعتذر
قلتلها يا حببتي لا تجرحيني بكلامك انا ... و قطعت كلامي

و قامت تستهبل علي ياااي جرحتك طيب خدلك لصقه جروح

( لما سمعتها قالت كذا على طول قلتلها باي مع السلامه و قفلت السماعه )
و الله و الله لو كملت معاها دقيقة كمان ما ادري ايش بيصير وقتها

و تركتها الى الان لي يومين ما كلمتها

( في مشكله انو دائما انا الي اعتذر لها و اتاسف حتى
لو ما كنت انا المخطئ لو ما لي دخل بالهرجه بس اهدي
من نفسها )

الان ..
انا ابغى اقلب الطاوله عليها و جى الوقت الي تترك الكبرياء
و الزعل من اتفه الاسباب و ابغاها تحس فيني

هل اخليها و ما اكلمها الين تحس انها غلطت ؟
مع العلم اني غلطت في حقها و انا اعترف

عاد هي ما تفرق معاها و بايعتها

و الله حرام طيب انا ايش ذنبي عشان احبها تسوي كذا فيني
ساعدووني بنات انتم ادرى ب البنات و تفكيرهم
و الله كل هذا لمصلحتنا عشان نعيش بسعاده
و بعض الناس الله يهديهم يتكبرون و يشوفون انفسهم
المشكلة على مين ؟
على الشخص الي ما يشوف بالكون
الا هي .

الله يهديها

تم تعديل العنوان ليتناسب مع المضمون