|
شاكه باحد يتحرش ببنتي
السلام عليكم
بنتي عمرها سنتين و7 شهور انا شاكه ان بنتي تتعرض لتحرش جنسي بنتي ماتنام الا في حضني او حضن ابوها او جدتها امي من صغرها فنجلس نلعب بشعرها ونمسح ع راسها لما تنام مرتين ابوها يمسح ع ركبتها عشان تنام اعجبهت كل شوي اذا جيت انومها تطلب مني كذا قلت لابوها خلاص لعاد تلمسها في ركبتها حتى هو ماعجبه انها تطلب كذا وخاف عليها وتقريبا نست هذي الحركه انا سافرت فتره ورجعت لاهلي ونمت عندهم يومين لما اجي انومها معاي تاخذ يدي وتحطها ع فخذها وركبتها تقول سوي كذا المشكله بنتي ماتعرف تتكلم او تفهم اذا قلتلها ليش ومين يسوي كذا وبعدين انا شاكه في اخواني لانها ماتطله ابدا ابدا دايما معاي بس مرات ارسلها بيت اهلي عشان خوات وامي وابوي واخواني يبغونها لانها الحفيده الوحيده لهم فاخفت لما طلبت المسها وقت مارجعت لاهلي الحين كيف اعرف ان أحد يتحرش ببنتي حبيبتي |
رد: شاكه باحد يتحرش ببنتي
بناك لا تفارقك ابداً ابداً .. واذا اضطريتي خليها مع امك وامك بس .. خواتك اذا مو متزوجات ولا عندهم حس المسئوليه ماراح ينتبهون لها تماماً .. صحيح ممكن يحبونها كثيييير بس ما يحبون يكون مسئولات ممكن يغفلون عنها ساعات او يتركونها مع اي احد ( مراهق مثلاً من العايله)..
عموماً اقولك الاطفال ما ينسون اي حركه يحبونها ممكن ينسونها فتره بس يتذكرونها مهما طالت المده .. عيالي كذا لما ينامون احب امسح ع ظهورهم وشعرهم واقرا عليهم فصاروا متعبين بشكل مرهق جداً ما ينامون الا اذا سويت لهم كذا ... مرت فتره وقلت لهم خلاص مانسوي كذا كبرنا ونسيوا فترة واقتنعوا .. وبعد مده والله طويله صارت بنتي تصحى من نومها وتصحيني وتنسدح عندي وتقول هنا هنا وتأشر ع ظهرها .. ولليوم ع هالحاله رغم ان عمرها صار ثلاث سنوات وست شهور .. بنتك اتوقع والله اعلم محد يتحرش فيها بس هي تتذكر الحركه وتبغى تسوينها لها لأنها كانت مبسوطه عليها.. |
رد: شاكه باحد يتحرش ببنتي
اقتباس:
ريحتيني والله |
رد: شاكه باحد يتحرش ببنتي
السلام عليكم ,,
أختي الكريمة ,, الله يحفظ لك بنتك ,, مو مهم تعرفين مين يتحرش ببنتك ,, وأحسن لك إنك ما تعرفين ,, المهم هو كيف تخلين بنتك ما تقبل اللمس في أماكن معينة ,, في طرق ممكن تبحثين عنها في الإنترنت ,, وفي كتاب ممتاز اسمه ( لا تسمح لهم ) لــ عائشة عادل ,, بس هو خاص للي عمره أكبر من عمر بنتك وللمرحلة الابتدائية وممكن تستفيدين منه ,, وأنا أشوف إنك تعلمي بنتك كيف تحمي نفسها وتتعامل مع الموقف ,, وراح يكون صعب عليها إنها تعتمد على نفسها وعشان كذا لازم تكونوا قريب منها على طول ,, وتراقبونها أكثر فترة ممكنة ,, وكذا يحس اللي يمكن يتحرش فيها بأن الموضوع صعب ,, وينسحب بنفسه ,, عموما بنتك ما زالت صغيرة ,, لذلك حاولي قدر المستطاع إنها تكون تحت عينك وعين أبوها ,, ولا تخلوها تبعد عنكم كثير ,, وإذا رحتم لبيت أهلك أو بيت أهل زوجك ,, راقبوها من بعيد ,, أو كل شوي تروحون تشوفونها وكذا ,, وإذا شفتوا إن الموضوع باقي مستمر معها اعرفوا مين اللي يتحرش فيها بسؤال ابنتكم بطريقة ذكية ,, وغالبا الأطفال سؤالهم عن طريق اللعب معهم يأتي بنتائج طيبة ,, وإذا عرفتي راح يكون الموضوع فيه صعوبة خاصة لأنه راح يكون قريب جدا ( خال أو عم ) ,, ولكن ضعي في عقلكِ أن بنتك أهم منهم ,, وصحة بنتك النفسية أهم ,, لذلك لا تستهيني بالموضوع ,, وكوني درع واقي لابنتك ,, وإذا كان خال البنت تحدثي معه دون أن يعرف زوجك ,, وأخبريه بأن ابنتك تقول كذا وكذا ,, وأنا يا أخوي ما ودي بنتي تتعود على اللمس من الأماكن هذه ,, ومن هالكلام ,, وكوني جادة في كلامك معه ,, ولكن لا تبيني له أنك تشكين فيه ,, بس قولي له لمصلحتها إذا كبرت ,, ويمكن ما يكون تحرش ,, :) ,, يمكن يهمزون المنطقة اللي فوق الركبة فقط ,, ( الوالد يحب يسويها للأطفال ) :) وفقك الله ,, |
رد: شاكه باحد يتحرش ببنتي
الله يحفظها يارب
نصائح الأخت انكسار والأخ سلم ألحان ممتازة تعرفي أنا مستحيل أخلي لا بنتي ولاولدي يروح لحالو عند أحد أو يبات عند أحد ولا حتى بيت أمي وأبوي والمراقبة ضرورية تمام ، وما يأخذها أحد ويطلعها يشتري لها من البقالة مثلا لوحدها ودائرة الشك ممكن تحوم حتى على أقرب الناس ، وحتى يللي ممكن ما تشكي فيهم أبدا علميها أن اللمس ممنوع ، والجلوس في الحضن ممنوع وأخبري أخوانك وأهلك أنو ممنوع أيضا حتى ما تتعود ممكن تخليها ترسم أو تسأليها أسئلة خفيفة كاستدراج ، ممكن تقول حتى لو صغيرة أهم شيء عزيزتي لا بقى تتركيها لحالحا عند أحد أبدا مهما كان ... ونبهيها حتى لو صغيرة ، هي تفهم مع التكرار .. الله يكون بعونك ويحفظها ويحميها لا تنسي دائما تحصنيها والدعاء لها |
رد: شاكه باحد يتحرش ببنتي
اهلك عندهم شغالة ؟
|
رد: شاكه باحد يتحرش ببنتي
اقتباس:
|
رد: شاكه باحد يتحرش ببنتي
ان شاءالله تكون شكوك
لكن فعلا بنتك خليها دوم معاك واستودعيها الله |
رد: شاكه باحد يتحرش ببنتي
راح اعطيك طريقه تربوية في تعاملك معها:
اذا باقي تلبس غيار لبسيها بدون ما تشوفين عورتها يعني لبسيها تحت الفوطه وقولي عيب اشوف النونو اذا بتبدلين لها اغلقي عليها الباب واذا بتعطينها دش لابد من ان يكون عليها اندر وير راقبي حركاتك مع زوجك فهي تحاكيكم وايضا وقت النوم والمهم لبسك ممكن زوجك يسوي معك كذا بدون ادراككم وخافي عليها خوفك على الذهب لو كان مكشوف امام الملأ |
رد: شاكه باحد يتحرش ببنتي
.
. ينقل الى قسم ركن الطفل حيث مكانه الانسب . |
| الساعة الآن 12:49 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©