|
ارد ع طليقي من نفسي ؟
السلام عليكم
بكتب لكم مشكلتي اولا لاني محتاجه افضفض لكم وثانيا حبيت تساعدكم لبعض وردودكم العقلانيه ابرار عمري منتصف العشرينات طليقي طلقني من سنتين وداخله في الثالثه قريب سبب الطلاق ظلمني ظلم عمري ماانساه راماني فعز حاجتي له وخدعتي هذا الشي خلاني اكرهه مااطيقه تخلى عني لان بعد زواجي منه مرضت مرض مابي اقوله بس تركني وجحدني وسبني بابشع الالفاظ والكلمه اللي ماانساها ليومكم هذا ) روحي انتي ماوراك رجال !! مثل السكين بصدري كل مااتذكره تجي ببالي ذي الكلمه جرحتني قهرتتي وبكتني كثير وقتها بس كنت انام بمهدئات قالها لي وهو عارف لان ابوي متوفي من زمااان واخواني عارفهم مايدرون عني لاني من اسره مفككه استغل ضعفي وحزني ودايم كان يعايرني المهم بعد ماطلقني كانت بقلبي حره بقولكم بعيدآ عن المثاليه دقيت عليه ماخليت ولا بقيت فيه وقلتله عسا ربي يوريني عجائب قدرته ويحرق قلبك بعز انسان لك وسكرت بوجهه وغيرت رقمي كلام الناس كثر علي الشمااته وغيره لاني تطلقت ونا بكر وعروس بس 3 اسابيع جلست معااه!! بس احمدلله ع نعمته الزبده هاذي الايام جاب رقمي من اول وكل مايرسل ان فلان وسامحيني وكلام فاضي فالبدايه انشغل عقلي من وين جاب رقمي بعدين كل مايرسل احذف رسايله كلهااا حاول كثير مالقى الا التطنييييييييش مارديت ولا على رسالة من كم اسبوع ارسلي ابي ارجع اتزوجك واصلح غلطي ونا ندمااان بس خلاص انا مااكتبت هالموضوع الا ابي ارتااح والحمدلله جاني غيره واحسن منه بس رفضت لان حاليا اكمل دراستي الجامعيه وفي واحد متقدملي قبله ونا اجلت موضوعه الحين وش الحل اغير رقمي من جديد ولا ارد واقوله ماعاد فيه نصيب لاني خلاص ماابيه مستحيل للكابوس اللي عشته انتظر رايكم |
رد: ارد ع طليقي من نفسي ؟
لا تغيري رقمك ولا حاجة خلاص طنشي مصيره يتعب ويعرف مافي نصيب بينكم
|
رد: ارد ع طليقي من نفسي ؟
الحمدلله على سلامتك والله يمدّك بالصحة والعافية.
لا تغيرين رقمك ابد ، اللي خلاه يجيب هذا بيجيب الجديد. الا ردي عليه بجدية تامة مافي نصيب لا قبل ولا بعد وانتهى، علشان تتفادين الحاحه وازعاجه. وبعدها احظري رقمه والله يعوضك بالأفضل |
رد: ارد ع طليقي من نفسي ؟
طلاق بعد 3 اسابيع وشماته الناس ويقول ما وراك رجال واستغنى عنك وقت مرضك وحاجتك له .. صراحه سلبياته كثير اذن طنشيه وهدديه برساله انك بتبلغي عليه الهيئه في حال تكررت رسايله .. ويمكن رجع لأنه ما لقى بنت توافق عليه ..
|
رد: ارد ع طليقي من نفسي ؟
ربنا يفرج همك ويعوضك بالخير..
تجاهلية تماماً، ولا تردي عليه.. إذا تقدري توسي له حظر أحسن عشان ما توصلك رسائل.. |
رد: ارد ع طليقي من نفسي ؟
خليك زي ماأنتي لاتغيرين رقمك ولا تردين عليه
خليه يموت ألف مره وهو مايدري إنتي وش تفكرين فيه عقب كل اللي سواه بهالسهوله برجع أتزوجك! إنتي عشتي معاه وجربتيه مافيه خير حطي عليه أكس وجربي حظك مع غيره والله يوفقك ويديم عليك عافيته |
رد: ارد ع طليقي من نفسي ؟
لا
خليه لا حي ولا ميت وشوفي حياتك طلاق بعد3 اسابيع؟!! يا وجه استح |
رد: ارد ع طليقي من نفسي ؟
منتهى الوقاحة ..
كنتي مريضة وعافك وانتي عروس وهو حتى دخلة مادخل زي الرجال .. وفوقها ماوراك رجال؟؟!! قولي له يدورله على رجال لك يتفاهم معاهم واذا جا عن طريقهم ادخلي عليه وقولي ... قدامهم هذولا رجالي الي عايرتني فيهم منت كفو جزمة واحد فيهم .. ولا ماكان وفرتني وثلاث أسابيع بنت عجزت فيني ... واطلعي ... معليش تحمسسست ... لاتصدقين طبعا اسفهيه ... |
رد: ارد ع طليقي من نفسي ؟
اقتباس:
لكن هو مصخها بالرسايل عشان كذا فكرت اغير رقمي مرا ثانيه |
رد: ارد ع طليقي من نفسي ؟
اقتباس:
ان شاءالله هذا اللي بيصير قريب |
| الساعة الآن 11:51 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©