ندم زوجي على سفري معه من غير مبرر
 

السلام عليكم

وكل عام وانتم بخير وتقبل الله منا ومنكم صالح الاعمال

عندي سؤال : إذا سافرت الزوجة مع زوجها عشان تبيض وجهه قدام أهله وتعيدهم وتبين حبها لهم وتركت أهلها والعيد عندهم عشان تكون جنب زوجها بهالمناسبة ،، وفجأة بسبب أمر خارج عن إرادتها ومن دون قصد يزعل الزوج منها ويقولها بالحرف الواحد ( ياليتك ماجيتي معي ) ،، هنا وش بيكون موقف الزوجة خآصة إذا ماأعتذر الزوج؟


تم تعديل العنوان ليتناسب مع الموضوع

رد: ليتك ماجيتي معي!!!
 

لو تحكي الموقف افضل ،،،

عموما يمكن ما يقصد يعني قالها في حالة زعل وغضب
لا تدققي كثير

رد: ليتك ماجيتي معي!!!
 

تمررها مثل ما مررت غيرها و أولا و أخيرا هي طالبة الاجر من الله مو منه
و ادا كان حتى كل شي تمام قدام أهله ما راح يعجبه لانه فيه ناس سبحان الله كدا طبعهم
ادا راضي عنك حتى لو مقصرة يكون طاير فيك و ادا لا حتى لو شعلتي أصابعك شمع ما يكون راضي
احنا فيه مثل عندنا يقول مر مر حتى لو حليته بالعسل
انتي سوي الي عليك و لا تنتظري امتنان منه الله يجملك في قلبه و عينه دائما يا رب

رد: ليتك ماجيتي معي!!!
 

بيني وينك من لما رحنا لاهله بيوم عرفة ورجعنا وهو مقلوب وجهه ،، حاولت الطف الجو مافي فائدة ،، بيوم العيد جاء من الصلاة وأنا البس ،، وتذمر لاني طولت وعصب ،، وحنا نعرف بعض يالحريم اذا بنتجهز ناخذ وقت ،، وهالشيء أصلا ماهو سبب للزعل هذا كله ،، المهم رحنا ورجعنا قبل الظهر ونمنا لحد العصر ،، وصحيت على اساس بنروح عزيمة عند عمه ،، فقمت البس فقال لي وهو معصب لاتتعبين نفسك ماحنروح العزيمة ،، سألته ليش وش السبب وش اللي صار !!! قال على اساس تبين تروحين وميتة على الروحة ،، قلت له لو ماأبي اروح ماكان جيت معك ،، فقال ( ياليتك ماجيتي معي ) ،، قلت له فعلا ليتني ماجيت وقعدت عند أهلي بلا تعب ،،

رد: ليتك ماجيتي معي!!!
 

وعليكم السلام ورحمة الله وبركاته..

طبعا الزوجة هي التي أخطأت ولما أصلا تبحث عن المشاكل في ظل هذه الأوقات، *لا يوجد شيء إسمه خارج إرادتي نحن المسؤولون عن أفعالنا *

إذا أنت دفعتيه للخطأ ليس مهما أن يعتذر الخطأ الأكبر عليك..

تجاهلي الأمر وتغاضي عزيزتي.

رد: ليتك ماجيتي معي!!!
 

تحبين تراددين
قال لك ليتك ما جيتي معي
اسكتي
هو كل شي يقوله لازم تردين عليه في وقتها.

رد: ليتك ماجيتي معي!!!
 

لو منك من الاساس ماروح مع زوجي
اعيد عند اهلي هم اولى من اهل الزوج
اصل رحمي ابرك وافضل ..

رد: ليتك ماجيتي معي!!!
 

وهذا اللي بيصير ،، دام ماقدر جيتي وبديت أهله على أهلي ماراح اعيد عندهم مرة ثانية ،،

رد: ليتك ماجيتي معي!!!
 

لا عزيزتي مو كل شيء ارد عليها بوقتها ،، ياما اشياء طوفتها له طنشتها ومشيتها،،

وبعدين مو عيب ولا حرام اني ارد على زوجي اذا شفته غلطان علي ،، لاني لو سكت عمره ماراح يحس انه غلط علي ،،

رد: ليتك ماجيتي معي!!!
 

كيف دفعته على الخطأ!! يعني هل يعقل أن في زوجة تحب زوجها تتعمد تغلط عشان زوجها يعصب عليها ويسمعها كلمتين تضايقها ويزعل منها!!!!