زوجتي ضربت ابني - فطلقتها -
 

بسم الله الرحمن الرحيم

السلام عليكم ورحمة الله وبركاته

البارح اتصلت علي زوجتي وقالت لي ابي اروح لبيت اختي وابي انام عندها ثلاث او اربع ايام وطبعا انا رفضت وانا اصلا مفهمها ان النوم برى ممنوع وخصوصا عند اخواتها مهما كان هذا بيت رجال غريب ومافيه حاجه للنوم برى لاني ماامنعها تروح لهم كل يومين تزورهم وهم يزورونها يعني يوميا ياانهم عندنا او هي تروح عندهم
المهم لما قلت لها لا رفعت صوتها قلت تكلمي شوي شوي لاترفعين صوتك قالت انت تستهبل وقفلت الخط بوجهي وكنت وقتها بالدوام وكملت دوامي وانا كنت قاصد عشان اهدى وهي تهدي نفسها بعد ومايكبر الموضوع
ولما رجعت البيت اسمع صوت العيال يبكون وانا برى ولما دخلت لقيت ولدي الكبير يبكي وراسه يصب دم طار عقلي وعلى طول اخذته للمستشفى وخيطوا الجرح الحمدلله المهم سألتهم وش فيه ومن ايش الجرح فـ قالوا لي ان الصغير يشرب عصير وانكب على الفرش وجت هي وضربته ولما شافه اخوه الكبير انها تضربه حب يدافع عن اخوه ومسكته ورمته على الجدار وجت الضربه على الراس فـ سألتها صحيح هالكلام قالت ايه كنت معصبه وصار اللي صار قلت اوك جمعي اغراضك وانتي من اللحظه حرمتي علي واخذتها ووديتها لبيت اهلها وحنا بالطريق تقولي بس ياليت تعجل بورقة الطلاق ماابي اتعلق مثل ماتعلقت من زوجي الاول قلت اوك اول يوم بالدوامات الرسميه كل شي راح ينتهي

الغريب في الموضوع واللي خلاني اسوي هالشي طبعا غير ضربها للولد بهالشكل هو اني لما دخلت الولد يبكي وراسه دم وهي بالغرفه تتمكيج !!!
ولا حتى اتصلت علي وقالت لي عشان اجي واوديه للمستشفى يعني لو تأخر مشكله الولد ينزف وهي ماجابت له خبر

الحقيقه انا منصدم مدري وش الموضوع فعلا كانت قبل هالسالفه انسانه محترمه وانا كنت احترمها واحاول ارضيها بكل شي اقدر عليه
لكن الحمدلله والشكر لله قدر الله وماشاء فعل




تم تعديل العنوان ليتناسب مع المضمون

رد: زوجتي ضربت ابني
 

هذي زوجتك الثانية
ياليت تأخذ تقرير من المستشفى عن ضرب ابنك وتشتكي الشرطة عليها خليها تتربى

رد: زوجتي ضربت ابني
 

الله يهديها ...

الطق مع انه يعور القلب بنمشيه .. لكن ردت فعلها ... غير مباليه .. هذي القويه

الله يصلح ما بينكم

رد: زوجتي ضربت ابني
 

رد: زوجتي ضربت ابني
 

ياربي ياقسي قلبها!

اخوي الوحيد تذكر ردودي على موضوعك القديم الله لايعيد الشر؟

قلت لك وتكلمت مطولا محد بيحن عالعيال مثل امهم!

ولا في وحدة غيرها بتكون امهم او تتصرف مثلها حتى لو خافت ربها فيهم

وقلت ان زوجة الاب لو كفت شرها حتى لو ماجا منها خير فكفاية وكثر الله خيرها ويعطيها العافية

سواء بقيت عليها ولا تزوجت غيرها خلهم تحت عينك ولا تعتمد على احد

اذا زوجتك ماعابها الا هالمشكلة افصل عيالك عنها وعيشهم بدور وهي بدور سواء هي ولا غيرها افضل لك وافضل لهم

الله يسهل عليك ويوفقك يارب

رد: زوجتي ضربت ابني
 

.................
ترميه بالجدار وين الرحمه!!

هل نويت طلاقها لما قلت تحرمين عليه؟

اجل لو انها مخلفه منك وضامنه مكانه كان اش سوت فيهم؟؟!!

رد: زوجتي ضربت ابني
 

لا حول ولا قوة الا بالله..

صراحة لو كنت مكانك كنت كسرت عظامها قبل لا اطلقها ..

مدري شلون مسكت اعصابك..

رد: زوجتي ضربت ابني
 

لا حول ولا قوة الا بالله .... اتمنى يا خوي انك تسال عيالك هل هذي المرة الوحيدة اللي انضربوا فيها ؟ عشان تتلاحق نفسياتهم ..
ثانيا فعلا ما اعرف كيف أُوصِّف هالانسانه ،. لا حول ولا قوة الابالله

،،،،،،،،،،،،،،


ربعا ،. خذ لك فتره مع عيالك اخي الوحيد نفسياتهم اكيد اكيددددد تعبانه لا اله الا الله والله انها وحشية الحمدلله الذي عافانا ممن ابتلاهاو فضلنا على كثير ممن خلق تفضيلا،،،،

رد: زوجتي ضربت ابني
 

لا حول و لا قوة الا بالله العظيم
حتي المشكلة اكبر من زيارة اختها
العيال وش ذنبهم

رد: زوجتي ضربت ابني
 

طول ما انا وعم اقرأ بالموضوع
وانا اتخايل انو ضرب غير مبرح وعم حاول اعطي مبررات لها وممكن ظروف لانو اوقات الام بتفقد اعصابها وممكن تغلط وتضرب ولدها عالخفيف
فما رح تكون زوجة الاب معصومة عن هالشي
اما تشوف ابنك عم ينزف من راسه وهيي عم تتمكيج بكل برودة اعصاب هون اعجز عن الكلام ولا تعليق ....
ما بقدر الك شي الا انتبه لاطفالك وخاصة بهالموقف الصغير والكيبير اتعرضوا لاسوأ انواع العنف المعنوي قبل الجسدي
الله يحميلك ياهن من اي سوء
احترامي