|
اتصال من خاطب
اتصل علي رجال يتسم صوته بالرزانه والهدوء والجديه
وبعد التحيه عرف بكنيته وقال اريدك بموضوع خاص جداً فهل تسمحين لي بالحديث اذا سمح وقتك قلت تفضل اسمعك قال انا انسان ابحث عن زوجه ثانيه من فتره ودلتني عليك فاعلة خير ذكرت لي عدة نساء وكان الاقرب لشروطي انت ومن كلامه يعرف صفاتي كامله ووضعي ايضاً طلبت منه ان يعلممني من الي اعطته رقمي واستنكرت اتصاله بي فمن المفروض يكلم اهلي او هذي الحرمه تكلمني وتستأذن تعطي رقمي لاي من كان طبعاً رفضته بدون طولة نقاش لانه متزوج وسديت الطريق نهائن ايش هذي الطريقه الغريبه للخطبه لين ذي الدرجه وصل الامر ؟؟ اولاً رقم الشخص وخاصه المرأه خاااص ومن الذوق اذا وحده تعرفه ماتعطي اي احد حرمه او رجال الا باذني ضايقني جداً وخاصه لمن طلب زواج بالسر !!! شاركوني حديث نفسي عن هذا الاتصال الغريب |
رد: اتصال من خاطب
تصرف الخاطب خطأ 100%
ولا ألومك على الزعل ويستحق الرفض والبيوت لها ابواب |
رد: اتصال من خاطب
السلام عليكم ورحمة الله وبركاته.
مرحبا عبير عزيزتي رفض يقول لأنها تعرف سترفضين خاصة بأنه زواج بالسر، لا تهتمي ومرة أخرى لا تعطي و تأخذي في الحديث ردي بكلمة والدي موجود.. رزقك الله من حيث لا تحتسب. |
رد: اتصال من خاطب
الله يرزقك بالزوج الصالح يارب
طريقته خطأ اكيييد وكويس ماعطيتيه مجال |
رد: اتصال من خاطب
مستحيل أخوض في أي حديث مهما كانت أهميته مع رجل جايب رقمي وبدون إذني
|
رد: اتصال من خاطب
مابي احط بذمتي
يمكن الرجال صادق لكن حبيت انبهك في بعض الاشياء تساهل وانفلات كثير من البنات في جيلنا الحالي يخلي الرجل يفكر ان كل البنات من نفس الطينه مايعرف يفرق بين البنت المحافظه والبنت اللعابه لا يغرك طريقة كلامه ورزانته لو انا بتقدم لوظيفه بالمقابله راح ابين لهم اني افضل الناس واكثر واحد يناسب الوظيفه والسبب لاني ابكون محتاج للوظيفه نفس المثال ينطبق عليك هو يبي يتزوجك بالسر فبيبين لك انه رزين وعاقل وماعنه لف ودوران لكن عقلياً ومنطقياً لو انه عاقل وزين وحكيم كان اولاً ما اتصل على جوالك وثانياً كان ماتزوج على زوجته حتى لو ان التقصير بيكون منها لان لو انه عاقل ورزين كان حل مشاكله مع زوجته الاولى وثالثاً زواج السر اكبر غلط لان الواحد مايتزوج بالسر الا لانه يعرف بان اللي يسويه شي غلط طبعاً اكيد فيه لكل نقطه قلتها تبرير الاول يمكن لان اللي اخذ منها رقمك ماتعرف رقم ولي امرك فاعطته رقمك الثاني يمكن زوجته الاولى فيها عله دائمه او انه تزوجها بالغصب من عائلته الثالث يمكن مايقدر يعلن الزواج لان عائلته بتعارض عليه وهو مايبي المشاكل واذا تبين الصراحه لو احد تقدم لاختي بنفس هذي الطريقه رفضته ولا راح اوافق عليه |
رد: اتصال من خاطب
ما دام طلب زواج بالسر .. فلاغريب في اي تصرف ...
ولكن كان يجب ان لا تاخذي ابداااا ابداااا بالحديث مع اي رجل .. موضوع خاص ولا عام عفوااا .. كان قفلتب بوجهه .. |
رد: اتصال من خاطب
كنيته! زواج بالسر ! وفاعلة خير !
ما تجي ابدا وما تركب مع بعض حتى ما قال اسمه ليعطي دلالة على جدية الامر وحسن النية! والمفروض ياعبير ما سمحتي له يسترسل في المكالمة وقفلتي في وجهه للبيوت ابواب يدلون عليها فاعلين الخير الحقيقين .. |
رد: اتصال من خاطب
تم نقله إلى قسم المقبلين على الزواج حيث مكانه الأنسب
|
رد: اتصال من خاطب
المشكلة بفاعلة الخير تمنيت تضغطين عليه انك ماتثقين بفاعلات الخير ولازم تعرفين من اعطاه رقمك علشان تفكرين بالموضوع
ثم تفقعين وجه فاعلة الخير على قلة ادبها وكيف انها ترضى تعطي رقمك لشخص غريب واكيد عارفة انه يرغب بزواج سري ترضاها عليك ولاترضاها على بيتها هذي فاعلة شر |
| الساعة الآن 10:26 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©