شعوري بالضيق بعد خروجي من النظرة الشرعية !
 

بسم الله الرحمن الرحيم
ابدخل بالموضوع على طول انا تقدمت لخطبة فتاة ولله الحمد تمت النظره الشرعية بالامس استقبلني والدها بكل رحب وسرور طبعا بعد مادخلت البنت حسيت الوضع طبيعي بديت اسولف معها وهي مسكته اكيد خجلانه لكن بعد ما طلعت منهم حسيت بضيقت صدر واحس نفسي واحس بوجع راس وكذلك ماشتهي الاكل واحس صدري فيه كميت هم مادري ياناس هل هذا شي طبيعي او اني مابي البنت لكن وقت النظره الاحساس جدا عادي حتى بديت اخذ واعطي معها لكن بعد ما طلعت حسيت بالاحساس هذا تكفون دلوني وش اللي فيني هل مر فيكم زي كذا "":::
للمعلومية وانا في الطريق لمهم قبل ما اجيهم كنت مرتبك شوي وقلق لكن بعد ماطلعت حسيت بضيقت صدر هل اقبل ام احجم ولكم جزيل الشكر والعرفان





تم تغيير العنوان ليتناسب مع المضمون

رد: ارشدوني تكفون
 

طيب ركز على شعورك بوقتها
كيف حسيت و انت تكلمها
هل وجدت فيها ما تريد
هل وافقت رغباتك

رد: ارشدوني تكفون
 

الاحساس جدا عادي وبالعكس اتكلم معها بخجل بسيط ومن ناحيت شكلها متقبله مااشوف فيها شي يكرهني فيه
لكن جتني ضيقت الصدر بعد ماطلعت منهم وزالت ولله الحمد يوم رحت للبيت

رد: ارشدوني تكفون
 

يمكن نفث من الشيطان
يكره ان يرى المؤمن سعيدا
حصن نفسك و صلي استخارة مجددا مع الصدقة

الله يوفقك باللي فيه الخير لك

رد: ارشدوني تكفون
 

هل استخرت؟

تقدر تطلب تجلس معاها اكثر من مرة قبل العقد؟

رد: ارشدوني تكفون
 

لم استخر لكن ابستخير ان شاء الله لاني قايل لاهلها اباخذ وقت في الرد

مادري لكن اشوف فيه حيا من الاهل اني اجلس معها اكثر من مره قبل العقد

رد: ارشدوني تكفون
 

مافيها شي اذا اهلها شارينك و يبون مصلحت بنتهم
لازم يوافقوا


لكن عليك بالاستخارة اولا و اكثر من مرة

ربي يوفقك و يكتب لك الخير

رد: شعوري بالضيق بعد خروجي من النظرة الشرعية
 

اسأل عنها وعن اهلها اكثر
في المسجد وعند الجيران والمعارف
راح ترتاح اكثر ان شاء الله وتروح مخاوفك

وفقك الله

رد: شعوري بالضيق بعد خروجي من النظرة الشرعية
 

السلام عليكم ورحمة الله وبركاته..

مرحبا أيها الأستاذ الكريم..

عقلك ماذا يقول؟!

مشاعر القلق في بداية الأمر طبيعية جدا لكن أن تظل ملازمة لك لا ليس طبيعي..

مابعد النظرة المفروض تكون اطمأنت لها أكثر ومتقبلها..

أسأل نفسك ولا تضغط على نفسك واستخير دوما..

ولا تتسرع في كتابة العقد حتى تتأكد كي لا تظلم الفتاة ولا نفسك..

كتب الله لك الخير.

رد: شعوري بالضيق بعد خروجي من النظرة الشرعية
 

هذا الكلام الصحيح واضيف علية حاول تعرف عن شخصية
امها وهذي شي ضروري جداجدا ياما زوجين تفرقو
والسبب ان الزوجة تنفذ كلام امها بالحرف الواحد
الله يوفقك يارب