|
تعزمون انفسكم على مطعم لوحدكم ولا شي مو طبيعي
السلام عليكم ورحمه الله وبركاته
على فكره افشو السلام بينكم انا من رجعت من الغربه ملاحظه قليل الي يسلمون كانه شي مو كول مثلا خلونا نفشي السلام وعلموا اولادكم وبناتكم اهميه هالامر والاجر منه موضوعي عن انك تطلع لوحدك لمطعم تشوفونه تصرف طبيعي ولا تنقدون على الشخص الي يعملها جربتوها قاعده افكر اجرب الامر لعده اسباب لما كنت بالغربه المطاعم مش مثل هنا وكنت مشتاقه جدا للطبخ الشعبي واطالع المطاعم وعيوني تزغلل واقول اذا رجعت بطلع مع صحباتي رجعت ولقيت صحباتي مشغولات او اكون انا مشغوله عزمت ثنتين من صديقاتي ودفعت انا الفاتوره قلت لصديقتي نفسها شرايك نطلع قالت بشرط انتي تحاسبي 😳 قلت مو مشكله تعالي مدري اذا كان عندها ضروف بس هي موظفه وعازبه وانا اقترح عليها نطلع لانها ماراح تتعذر باولاد وزوج وانشغال بس مو معقوله كل مره بحاسب عليها وهي عندها دامك ناديتيني حاسبي انتي بصراحه ماحبيت منها هالحركه ولا ابغى اخسرها فقلت ماراح اناديها مره ثانيه لكن تورطت اي وحده من صديقاتي بعزمها بينتهي فيني ادفع الحساب حتى لو كانوا عشر وانا لسه راجعه من غربه ولسه ماباشرت عملي مااقدر على كذا ميزانيات فقلت بالطقاق ماراح اترجى احد يطلع معايا كاني اشحذ منه وفوق هذا احاسب عنه والمشكله انهم مايرجعون يعزمون مايقولون مره هنا مره فلانه يمكن عندهم ازواجهم وعيالهم ومكتفين واي طلعه صديقات انا اتكفل فيها مش عارفه وقررت اونس عمري بعمري اشوف المطعم الي بخاطري واكافئ نفسي لو مره بالشهر واطلع افطر او اتغشى او اتغدى لحالي بس تشوفوع وضع طبيعي لشخص ياكل برى لحاله ولا شي يكسر الخاطر هههه شرايكم وتجاربكم وبالمره قولول لي كم مره تطلعوا مع اصحابكم لمطعم او منتزه مستجدات الرد 94 http://www.66n.com/forums/showpost.p...2&postcount=94 |
رد: تعزمون انفسكم على مطعم لوحدكم ولا شي مو ط
ماما ماتحب المطاعم وطلعاتها
ولا ودي بخاطري اطلع معاها لكن هذي رغبتها |
رد: تعزمون انفسكم على مطعم لوحدكم ولا شي مو ط
باقول لج عني آنه
لما كنت اشتغل قبل لا اتزوج قبل نهاية الدوام اتصل في أمي اسألها شنهو الغدى إذا مو شيء على مزاجي اطلع من المكتب واحرك سيارتي واعزمني على مطعم واقعد معاي 😆 واغازلني واكافئني واكلمني واونسني وارجع اصلا لو اقول لصديقتي وهي معاي بنفس المكتب عادي بتيي لكن آنه احب اروح بروحي.. احيانا نروح مع بعض واحيانا احب اختلي فيني ولا يفوتج .. اروح مطاعم مفتوحة يعني مو شرط كبينه 😆 وعادي كأنه العييييد من بعييييد ما عليج من احد روحي جربي ترى احساس لذيذ |
رد: تعزمون انفسكم على مطعم لوحدكم ولا شي مو ط
جد زين
شجعتيني اعملها انا اخاف اني احس بالشفقه على نفسي هههه اني اركب واروح مطعم واخذ طاوله واطلب واكل وكله لوحدي ماعملتها الا ايام الجامعه ومن الكوفي حق الجامعه وحالي حال كل الطلبه لكن مطعم برى مدري بجرب واقول لكم |
رد: تعزمون انفسكم على مطعم لوحدكم ولا شي مو ط
وعلى فكره ماواجهت هالمشكله بالغربه
لان كل وحده كانت تخاسب على تفسها ووضع طبيعي عندهم هنا صعب ماعند صاحباتي هالمفهوم |
رد: تعزمون انفسكم على مطعم لوحدكم ولا شي مو ط
شوفي باقول لج
أول مرتين سويتها كنت مستحية ومفتشلة وافكر الناس شيقولون عني ووو الخ واصلا اول مرتين تعمدت اخترت منطقة فيها وايد اجانب وعوايلهم اللي يشتغلون بالقاعدة الامريكية وفيها خليجيين وايد وتلاقين اجانب وايد عادي كل واحد قاعد بروحه بطاولة بس بعدها ما همني احدددد عادي اروح اي منطقة وبالعادة عشان ما اتملل احمل معاي نوت وقلم اكتب وارتب افكاري او احمل معاي كتاب او رواية حبيبتي مبتعثة .. انه وقتها عندي صديقات يطلعون وعادي لكن كنت اختار اوقات حق نفسي فلا تفكرين ان بتحسين بالشفقة ترى اول مرة بتستحين وبتحسين مثل ما انه حسيت ان كأنه فيني مرض معدي او مقطوعة من شجرة بس بعدها بتحسين بالسعادة والوناسة حتى وقتها كنت احط صور في الانستغرام واسوي تاق حق نفسي واكتب.. اليوم قررت اكافئني واطلعني واونسني ... والحمدلله انه وانه استانسنا مع بعض ووو الخ عادة اذا السالفة فيها طلعه الانسان يختار اشخاص قراب لقلبه ويحبهم ويطلع وياهم.... فيه أحد اقرب لج من نفسج ؟! مبتعثة اقرب شخص لمبتعثة... فمن حبج لنفسج اطلعي مع نفسج واستانسي ❤ استمتعي حبي... ما عليج من أحد أبدا |
رد: تعزمون انفسكم على مطعم لوحدكم ولا شي مو ط
بجرب
ومتفائله خير لان عندي اماكن كثيره واوقات محدوده اطلع فيها فصعب يخاويني شخص ودي اعتمد على نفسي شكرا زين وبحط ببالي ان المرات الاولى يمكن مااندمج بس بعدين بيصير عادي عجبتني فكره النوت والكتاب شاريه كتب حديده وعندي امور انجزها فبستغل الطلعه عشان انجز بعد احبني 😜 |
رد: تعزمون انفسكم على مطعم لوحدكم ولا شي مو ط
سبحان الله .. عمرج أطول من عمري يا مبتعثة .. لي كم يوم أفكر في هالموضوع. أنا مثل زين .. من قبل زواجي كنت أطلع أحياناً بروحي مطعم أو كوفي أو حتى سينما. المسألة ممتعة .. وما فيها أي شفقة على النفس. بعد ما تزوجت وأنجبت صار الموضوع صعب لأن حد من عيالي يكون بعده ما وصل مرحلة المدرسة ودايماً معاي .. وحتى لما جبت خدامة .. ورغم إني أترك بنتي معاها وأطلع أعمل مشاويري .. لكني ما كنت أحس إنه صح أترك بنتي مع الخدامة عشان أطلع أتريق مثلاً. الحين كلهم في مدارسهم الصبح. gnn |
رد: تعزمون انفسكم على مطعم لوحدكم ولا شي مو ط
نفسي اطلع لوحدي بس مستحيل طبعا 😔
|
رد: تعزمون انفسكم على مطعم لوحدكم ولا شي مو ط
هههه بس اخاف اتهاوش مع نفسي
واكرهني ساعتها من بيراضيني على نفسي |
| الساعة الآن 02:15 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©