منتدى عالم الأسرة والمجتمع - الأيام الصعبة لكل شهر و النفسية ..

منتدى عالم الأسرة والمجتمع (http://www.66n.com/forums/index.php)

- صحة المرأة (http://www.66n.com/forums/forumdisplay.php?f=107)

- - الأيام الصعبة لكل شهر و النفسية .. (http://www.66n.com/forums/showthread.php?t=263675)

الأيام الصعبة لكل شهر و النفسية ..

بسم الله الرحمن الرحيم
السلام عليكم و رحمة الله و بركاته

يسعد مسآكم خواتي

طبعاً كلكم عارفين الأمر اللي نمر فيه شهرياً و اللي كتب على بنات حواء
لكن اللي بتكلم عنه تلازم هالشي مع آلام و صراعات نفسيه

انا عن نفسي
شهرياً و قبل الموعد ب اسبوع او مرات عشر ايام او مرات ٥ ايام ( تتفاوت المدة )

يبدأ مزاجي ينعفس
لدرجة يعيقني عن مواصلة أي أمر من امور حياتي الرئيسية
لدرجة امر بحالة من الكرب النفسي العظيم
اجاهد نفسي عشان اصلي

و شدة الالام النفسية او حتى تواجدها اصلا يتفاوت بين البنات
الاحظ بعض صديقاتي تقول العكس : شهرياً لما يقترب الموعد تتعدل نفسيتي و تصير عال العال ddff

و بعضهم ما تفرق عندها
و بعضهم تتعب نفسيتها بس بشكل خفيف

انا من النوع الأصعب :d

و اتوقع هالشي وراثة لأنه موجود بكل قريباتي و ب والدتي

اصير حساسة جدا و عصبية جدا و تسيطر علي افكار ظلامية تشاؤمية سلبية
و للأسف حتى المحيطين يتأثرون و كل جوانب حياتي يصيبها نوع من الشلل

مثلاً قومتي الصباح تتأثر ، ما اقوم نهائيا
الصلاة اصير أأخرها لأني اجلس اجاااااااهد الين ما اصليها
الاستغفار و الذكر يقل
و القرآن ما اقدر اقرأه ب تركيز نهائي
كل شي يتأثر فيني
بالمقابل نومي يزززززززززيد و مشاعري تتضاعف بالعموم
و ما اخلي احد ما اتهاوش معه :d

هالشهر بالذات احس كان عنف النفسية شي غير
طبعا مرات النفسية تكون متغيرة بشكل طفيف
و مرات قوي
لكنها هالمرة عنيف جدا

تهاوشت مع كثييييييرررر معاي بالجامعة
و للأمانه كانوا يستحقون :D

يعني شفتوا النوعيات اللي تنرفز و تقهر كل الناس ؟
بس انا المصيبة اني رديت عليهم ب طريقة مباااالغ فيها :d

بالعادة اطنش و احاول ادفع السيئة بالحسنة
لكن صادف هالفترة وجودهم بفترة تدهور نفسيتي مع مواقف تنرفر منهم
ف انفجرت فيهم و شافوا مني وجه ثاني dg

..

طبعاً اول ما اتجاوز هالفترة
اجلس اراجع تصرفاتي و اكتشف اني كنت مو طبيعية جد
و اضحك على نفسي

زي مرة كنت اقرأ رواية و حكيت لصديقاتي عنها
و كان البطل بالقصة حارم زوجته تنام بالمستشفى مع انها تعبانه
و مريضة مرض خطير
يبيها ترجع البيت تكوي له و تغسل و تنظف
ف كنت احكي لصديقاتي قد ايش هو متجبر و متسلط
هم قاموا يضحكون علي و يقولون ترا الإنسان لما يخاف من شي او يكرهه
ترا يجيه
و يمكن ربي يرزقك واحد زي هذا
انا لاشعوري قمت اصيح من الخوف !
ههههههههه للحين لما اتذكر هالموقف و سخافة ردة فعلي أضحك
اساسا حتى هم ماتوا ضحك

قد مريتي بمواقف زي كذا حسيتي نفسك فيها مبالغة ب ردة فعلك بعدين :d ؟
و هل نفسيتك تتعب بهالأوقات ؟
و كيف تتغلبين على تعب النفسية و كيف تقللين من حدة مشاعرك ؟