|
الزواج بدون حب ..
السلام عليكم ورحمة الله وبركاته
اسعد الله اوقاتكم عندي سؤال في بالي .. بعد ماصار موقف اليوم مع زوجي .. اليوم وانا اتابع مسلسل كنت جالسه مع زوجي وكنت متحمسه واسب الرجال كيف يترك حبيبتة وتزوج وحده ثانيه وترك زوجته عشان ماحبها .. هو لفته تحمسي قال وش فيه واقوله سالفة الرجال .. قال بالحرف الواحد : انا (لو )اني عايش قصة حب والله ما تركها يعني انا (لو )ماخذك عن قصة حب بتكونين غير بيكون بينا حب .. بس عندنا عن طريق امي ماصار بينا اكشن بعدين شهرين ممكن الواحد يترك ماياتثر (هو يتكلم عن المسلسل) << يقصد ان الحب مايجي بشهرين او انه يقدر يترك زوجته عادي لو كانت علاقتهم شهرين << فهمتها كذا .. يقصد المسلسل بس كلامه عنا كمثال وقناعته غيرت تفكيري عنه والحب شي و اعزلني عن مسالة الحب وانصدمت كيف يقول لي هالكلام انا قلت ياليتك ما قلت بس وعصبت يعني والله انقهرت كاني ولا شي مسكت صحن السلطه وقمت اكل كنا ناكل وقتها وصرت افكر وش قصده وليه قال كذا حتى فاتني المسلسل معد ادري ش صار ! المهم حطيت حرتي بالاكل يكلمني وانا ساكته يعنني بفمي اكل هو عرف اني عصبت وسكت والله كنت استناه يقول امزح بس لاحياة لمن تنادي .. السؤال الحين .. اذا من اول شهرين الزوج ماحب زوجته .. متى بيحبها او يمكن مايحبها يكون بس تعود !! انا كنت اسوي كل شي وانا مبسوطه لاني كنت اظن حب متبادل بس شكل احساسي خاني .. والحين مصدومه مع اني كنت اشوفه يميل لي مدري شعور شين .. واحس حزنت على نفسي كعروس ينقال لي كيذا هو صريح دائما قبلها بفتره قلت بزور اهلي قال اقعدي عندهم شهر بكل صدمه قلت لااا يازوجي مقدر اتركك .. المهم انه اخذ الموضوع ببرود .. مع انه يقولي بعد هالشهر معد فيه روحه الا برمضان بس انا رافضه هالمبداء .. المهم اني جيت لكم اناقش موضوع الزواج بدون حب .. اقتنعت ان الحب يبيله اكشن .. وبالنسبه لرجال خاصه و اتمنى استفيد من خبرة البنات بالموضوع انا اعرف ان الحب مو بيومين بس الكلام كان ثقيل على قلبي غصب عني .. واحس اخذت موقف لاني صرت استثقل كل شي اسويه لاني اعرف اللي بينا مو حب انا لو كنت مكانه ما اقول هالكلام مراعات لشريكة حياتي .. صرت احس ممكن اهون عليه .. ويتركني باي وقت صح ان اساس العلاقه الزواج الموده والرحمه .. بس الحب شي مهم هل ممكن تستمر العلاقه بدون حب او تثمر ! هل ممكن يجي الحب بعدين ! واذا ما جاء ! خلوني اكون صريحه معكم انا مصدومه انه ماحبني انا انحب غصب فعلا شي غريب بسم الله علي fdh:cool: |
رد: الزواج بدون حب ..
يووه ماشاءالله عليك اللي ساكتة لو أنا مستحيل أفوتها له 😂
يعني لو زوجي قاللي مثلاً انو مابيننا حب بسكت وقتها لكن بذللللله بعدين عليها . .......................................... بخلي الكلمه تطططلع من عيونه عشان ابين له ان الكلمه لحد الحين بقلبي هذا اولا .. وثانيا ابين له انو المواقف كلها تدل ع ان بيننا حب فعلا الشيء الثاني مدري وين المشكلة اصلا وهو قايل ((( لو ))) !! يعني افتراض مو شيء حقيقي انا دايم اقول لزوجي ياليتنا متزوجين عن حب .. مايعني هذا اننا مانحب بعض .. وترى فعلاً شهرين شويه ع ان زوجك يتعود عليك ويحبك .. وخليك زي ما انتي صدقيييني بيحب شخصيتك المرحة ومستحيل يصبر عنك .. ع قولة المثل الحي يحييك والميت يزيدك غبن 😅 |
رد: الزواج بدون حب ..
اقتباس:
انا عارفه ان شهرين ما تكفي بس ليه ينسف هالشهرين بهالكلام تغيرت افكار وحسيت كل شي كذب ثقيله شوي ان شاءالله اكون زي ما انا وما اتغير الا بشي واحد اني ما اكون ام دميعه الله يسعدك |
رد: الزواج بدون حب ..
اقتباس:
بصراحة .. كنت أقرأ كلامكِ وقلبي متعاطف معكِ ومتفهم للإحباط الذي شعرتِ به .. حتى صدمتني هذه العبارة! الحب يولد من تلقاء نفسه .. وقد تعززه الصفات الشخصية والمواقف الحياتية .. والانسجام والتفاهم بين الطرفين. لكن بالغصب؟ ما في جد ينحب غصب يا عزيزتي. |
رد: الزواج بدون حب ..
الحب قد لا يأتي حتى بعد عشرة سنوات طويلة بالزواج
لكن وجود الموده والاحترام يكفي لتكون الحياة زوجية سعيدة الحب برأيي يخلق في القلب بدون ارادتنا ... واذا زوجك ما حبك بأول شهرين ممكن يكون حبك بالشهرين الي بعدهم لا تدققي بكل كلمة يقولها الرجل .. هم لا يفكرون بعاطفية مثلنا عمليين وصريحين ودفشين .. بس نحبهم :) معلش تغافلي ومشي كل شي طبيعي ولا تسوين مشكله من لا شي |
رد: الزواج بدون حب ..
اقتباس:
لا تدققي بكل كلمة يقولها الرجل .. هم لا يفكرون بعاطفية مثلنا يوم قريت ردك استغربت كيف بكر الشايب يقول الكلام هذا بعدين زال الاستغراب بعد ماعرفت اني فهمت اسم المعرف خطأ :) |
رد: الزواج بدون حب ..
بصي زوجك صريح و ما فى حد يقدر يجبره على شيء هذا طبيعة شخصيته لو ما عجبتيه ما تزوجك ولا جبر نفسه عليك الإعجاب حبيبتي أول خطوة فى الحب تصرفاته و طريقة كلامه لأنه رجل محترم و طريقه مستقيم أهم شىء المسلسلات و الأفلام قصص خيالية حتى الممثلين و الممثلات اللى يؤدون ادوار الحب و الهيام .. شخصياتهم الحقيقية غير ذلك فبلاش تخلى أوهام هدفها الأرباح و جنى نقود الإعلانات تهدم بيتك الحقيقى مع زوجك وفقك الله إلى كل ما يحبه و يرضاه |
رد: الزواج بدون حب ..
السلام عليكم ورحمة الله وبركاته...
حبق حبيبتي ضحكت جدا ههه سامحيني، شكله زوجك تأثر من المسلسل معك وأنت تشاهدي بإنفعال وتسبي الذي ترك حبيبته ههه.. عفكرة هو يحبك لكن خانه التعبير جدا، فالحياة تكون مستحيلة.. وكذلك هو اعترف لك وهذا مؤشر جميل، مع مرور الأيام وكل موقف يحدث سيكتشف شيء جميل يجعله بحبك أكثر وأكثر. |
رد: الزواج بدون حب ..
حبيبتي فيه حلقات عن برنامج أسرار عن الحب رااااااااائعة جدا لطارق الحبيب..
سيكتشف أشياء لك غائبة عنك وتعرفي إنه يحبك. |
رد: الزواج بدون حب ..
عندي قناعة ان الحب غير والزواج غير ،،،
_ بما ان احنا بمجتمع تقليدي وزواجنا بيكون عن طريق الاهل فبيكون بين الزوجين قبول وليس حب يصل للعشق والغرام<< يالي نسمعها بقصص التاريخ .... _ شفتي ( قيس وليلى , وعنتر وعبلة ) << هذولا اشهر ناس سمعنا عنهم بقصص الحب حبو بعض لكن ماتزوجو !!! _ يعني لاتقيسي ان الحب لازم بعدة يكون زواج واذا مافي حب ينتهي الزواج !! _ الزواج مبني على القبول والرضى والقناعة وبما ان زوجك تزوجك معناة راضي فيك ويحبك حب حقيقي وليس حب افلام ومسلسلات 😉😉. ^^ ذكرتيني بأول اشهر زواجي كنت ابحث عن الحب يالي كنت اسمعها واقراها لكن زوجي حطمني 😢😢و مثل ردة فعل زوجك وياما انقهرت على هذه السالفة واقتنعت اخيراً ان زواجنا مبني على القبوووووول والتفاهم والرضى. _ المهم لاتتحطمي وخليك قوية وكلام زوجك لك مايعتبر انة مايحبك بالعكس هو صريح لكن قصدة عن حب الافلام والمسلسلات يالي ماجربناه بالحقيقة . |
| الساعة الآن 05:23 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©