منتدى عالم الأسرة والمجتمع - بعد زواج 18 عام سيتزوج بأخرى

السلام عليكم ورحمة الله وبركاته
مو عارفه إِيش اكتب لكن حبيت افضفض لكم وأتمنى الدعاء ان الله يجبر قلبي
ويعوضني خير أنا وزوجي متزوجين 18سنة في هذي السنين مريت بظروف كثير صعبه
خيانة زوجي وانا لساتي عروس لا تستغربون السالفة ومافيها كنت نايمه وزوجي طلع الدوام
فجاء صحيت سمعت صوت في مجلس الحريم وفتحت الباب حصلت زوجي مع وحده في خلوة وبدون ملابس طبعا أنا انهرت وطحت وجاءتني كتمه معاد قدرت أتنفس وداني المستشفى الدكتور قال انهيار عصبي وروحت البيت بعد تحاليل ومغطي ومن كثر التفكير نزل وزني بشكل فضيع ووصل الخبر لاهلو وأهلي ابوه من كثر الصدمة كان يبكي عليه لان تدهورت صحتي وتعبت نفسيتي وأبويه اتصل وسألني عن الي صار من خوفي وتعبئ نكرت الموضوع وطلعت زوجي إنسان محترم وشريف ماحبيت افضحه قدام اهلي ونقلت من الشقه عشان ماتدكر الموضوع لكن حياتي كلها بكاء وتعب ومرت الأيام وحاولت اضغط على نفسي عشان ترجع صحتي لان الدكتور أعطاني حبوب منظمه لدقات القلب وحاولت أتناسى الموضوع وبعد سته شهور قررت أتعالج للحمل لأَنِّي ماحملت وانشغلت بالموضوع وطلع عندي تكيسات وزوجي سوى تحاليل عنده ضعف أنا قلت لزوجي عندك ضعف لأجل مااجرحه وكنت أتعالج وكلها مواعيد متباعدة لانه مستشفى حكومي وبعدين وقفت العلاج ماجاب فائده كل دكتور له كلام ساعه تكيسات ساعه هرمون الحليب المهم كل فتره تطلع سالفه المهم عشة مع زوجي تقريبا سنه ورجع لموضوع الخيانه بس هذي المره برئ البيت وبعدين جات الجوالات وكثرة الخيانه وانا كل يوم أنا وهو مشاكل لكن عندي قوة تحمل وصبر ولا اشتكي على اهلو ولا اهلي كانت مشاكلي جوات بيتي وقدام الناس أنا سعيده ومبسوطة ولا عاد فكرنا في موضوع البزوره هو لاهي مع الخيانه وانا وقتي شغل البيت والطبخ والاهتمام فيه لأَنِّي معاد صرت اعاتبه دئمن ادعيله بالهداية والحمدالله التزمت أنا من اول كنت اصلي والحمدالله لكن ربي هداني وصرت اصلي الضحى والوتر واحفظ القران زوجي مشكلته ضعيف الشخصيه قدام اهلو بدأت أمه وأخواته فقررت أمه وأخته الكبيرة يخطبوله بنت عمه وهي ارمله وعندها بزوره وانا ماكنت ادري بس هو جاني وقلي روحي اسألي جارتك أني سويت تحليل الزواج أنا ماصدقته بعدين قلت خليني اسألها وطلع كلامه صحيح كانت الحاره تعرف وانا ماعرف وسوى خطبه رسمي وبينهم نظره وتلبيس خواتم وانا قبلها شفت الصور بالاستقرام بس حسبته واحد من أصحابه أنا دحين مابغى شي منه هو خلاص اختار حياته من بعد وفاة أبويه واخواتي بحادث سياره قبل سبعه شهور معاد لي رغبه في الحياة وماراح ألومه يبغى أطفال وبالنسبه للماضي وخيانته في رب في السماء يحاسبه لكن ابغى منكم الدعاء ان الله يعوضني خير ويجبر قلبي ويصبرني الملكة حقته بعد اسبوعين أنا شرط عليه العدل ابغى يخاف الله فيني وفي بنت الناس هذا كل الي ابغى أنا انسانه متسامحة واخاف من الموت والحساب والحمدالله على كل حال

تم تغيير العنوان ليتناسب مع المضمون